Лавийлар 10:1—20
10 Һарунниң оғуллири Надаб вә Абиһуд һәрқайси өзлириниң исриқданлирини елип, уларға отни һәм хушпурақ исриқни селип, Йәһваниң алдиға У рухсәт қилмиған ят отни тәғдим қилди.
2 Шу чағда Йәһва Пәрвәрдигардин от чиқип, уларни көйдүрүвәтти, улар Йәһваниң көз алдида өлди.
3 Шунда Муса Һарунға: «Мана, Йәһва немә тоғрисида ейтти: “Маңа йеқинлишиватқанлар арқилиқ Мән муқәддәслинимән вә пүткүл хәлиқниң алдида шөһрәтлинимән”». Һарун үн қатмиди.
4 Андин Муса Һарунниң тағиси Узиилниң оғуллири Мисаил билән Элсатанни чақирип, уларға: «Берип, туққанлириңларни муқәддәс җайдин вә стандин неригә ачиқиветиңлар»,— деди.
5 Улар берип, уларни кийимлиридә, Муса ейтқандәк, стандин нери ачиқивәтти.
6 Һарун билән униң оғуллири Елиазар вә Итамарға Муса мундақ ейтти: «Башлириңларни ялаңлатмаңлар вә кийимлириңларни жиртмаңлар, болмиса Худаниң алдида өлисиләр вә пүткүл җамаәткә ғәзәп әкелисиләр. Бурадәрлириңлар, пүткүл Исраил өйи, Йәһва көйдүрүвәткәнләр һәққидә жиғлиса болиду.
7 Өлүп кәтмәслигиңлар үчүн, силәр муқәддәс чедирниң киришидин нери кәтмәңлар, чунки силәрдә Йәһваниң майлаш мейи бар». Улар һәммә нәрсини, Муса ейтқандәк, қилди.
8 Йәһва Һарунға сөзләп, мундақ деди:
9 «Муқәддәс чедирға яки қурбангаһқа йеқинлашқанда, сән һәм оғуллириң өлүп кәтмәслигиңлар үчүн, шарап вә ичимликләрни ичмәңлар. Бу силәргә берилгән әбәдий тохтам.
10 Силәр муқәддәсни муқәддәс әмәстин вә пакни напаклиқтин пәриқ қилишиңлар үчүн
11 вә Исраил оғуллирини Йәһва Муса арқилиқ әмир қилған барлиқ қаидиләргә үгитиш үчүн, буниң һәммиси бериливатиду».
12 Андин Муса Һарунниң қалған балилири Елиазар, Итамар билән өзигә: «Йәһваға тәғдим қилинған қурбанлиқлардин қалған нан һәдийәсини елип, бу петирликни қурбангаһниң йенида йәңлар, чүнки бу улуқ муқәддәслик.
13 Буларни муқәддәс җайда истимал қилиңлар, чүнки бу сениң вә оғуллириңниң Худаниң қурбанлиқлиридин болған несивиңлардур. Йәһвадин маңа шундақ әмир қилинған.
14 Силкитиш төшини вә алдиңқи путини таза җайда сән вә оғул-қизлириң билән йәңлар, чүнки булар саңа вә оғуллириңға Исраил оғуллириниң течлиқ қурбанлиқлиридин берилгән несиптур.
15 Алди путни вә төшни улар яғ қурбанлиқлири билән биллә Йәһваниң алдида силкитип әкелиши лазим. Бу силәргә, Йәһва Мусаға әмир қилғинидәк, мәңгү несип болиду»,— деди.
16 Андин кейин Муса гуна үчүн өшкини издиди, лекин уни тапалмиди, чүнки у көйдүрүлгәнди. Муса Һарунниң қалған оғуллири Елиазар вә Итамарға ғәзәпләнди:
17 «Немишкә силәр гуна қурбанлиғини муқәддәс җайда йемидиңлар? Чунки бу улуқ муқәддәсликқу вә у силәргә җамаәтниң гуналирини тазилаш үчүн берилгәнғу.
18 Мана, униң қени муқәддәс җайға әкирилмиди. Силәр уни, буйруғандәк, муқәддәс җайда истимал қилишиңлар лазим еди».
19 Һарун Мусаға: «Мана, бүгүн хәлиқ гунайи үчүн өз қурбанлиғини вә өз көйдүрмисини Йәһва алдида әкәлди. Бүгүн мениң билән бу иш йүз бәрди: әгәр мән бүгүн гуна үчүн қурбанлиқтин йесәм, бу Йәһваға яқамду?»— дәп җавап бәрди.
20 Муса бу сөзләрни аңлап, мақуллиди.
