Лавийлар 12:1—8
12 Йәһва Муса билән сөзини давамлаштуруп, йәнә мундақ деди:
2 «Исраил оғуллириға ейтқин: “Әгәр аял киши һамилдар болуп, әр җинислиқ бовақни туғса, шу аял йәттә күн напак болиду; етәк кири вақтида напак болғинидәк, напак болиду.
3 Сәккизинчи күни бовақни хәтнә қилиш лазим.
4 Аял болса 33 күн етәк қенидин тазилиниши керәк. У һечбир муқәддәс нәрсигә тәгмиши керәк вә муқәддәс җайға тазилиниш күнлири пүтмигичә кәлмәслиги шәрт.
5 Әгәр һамилдар аял қиз җинислиқ бовақни туғса, етәк киридин 14 күн напак болиду вә 66 күн етәк қенидин тазилиниду.
6 Оғли яки қизи үчүн тазилиниш күнлири пүткәндин кейин, у бир яшлиқ қозини көйдүрмигә вә яш кәптәрни яки пахтәкни гуна қурбанлиғи үчүн роһанийға учришиш чедириниң киришигә елип келиши керәк.
7 Роһаний буни Йәһваниң алдиға тәғдим қилип, униң кәчүрүлишини сорайду вә у қанлириниң еқишидин тазилиниду. Мана, бу оғул яки қиз бовақ туққан аял тоғрисида қанун.
8 Әгәр у аялниң қозини әкелишкә чами йәтмисә, у икки пахтәкни яки икки яш кәптәрни елип кәлсун. Бирсини көйдүрмигә, йәнә бирсини гуна қурбанлиққа елип кәлсун, шундақ қилип роһаний униң төләмини бериду вә у пак болиду”».