Малаки 4:1—6
4 «Мана, очақтәк көйүватқан күн келиватиду. Шу чағда барчә тәкәббурлар һәм қанунсизлар гоя самандәк көйиду. Ушбу күн уларни ялмап,— дәйду Йәһва Сәрдар,— уларда йә йилтизни, йә шахларни қалдурмайду.
2 Силәргә болса, ким Мениң исмимни һөрмәтләп жүргәнләр үчүн һәққанийлиқниң қуяши парлап, униң нурлири сақийишни беғишлайду. Силәр бодалған топақлардәк сәкрәп кетисиләр».
3 «Мән иш қилидиған мәзкүр күндә силәр рәзилләрни чәйләветисиләр һәм улар айиғиңлар астидики топиға айлиниду»,— дәйду Йәһва Сәрдар.
4 «Мән пүткүл Исраил үчүн Хориб теғида бәргән Қанунимни әстин чиқармаңлар. Мән уни хизмәткарим Муса арқилиқ бәргәндим, вәсийәтлиримни вә тохтамлиримни.
5 Йәһваниң улуқ һәм қорқунучлуқ күни кәлгичә Мән силәргә Илияс пәйғәмбәрни әвәтимән.
6 У атиларниң жүрәклирини пәрзәнтләрниң жүрәклиригә қарашлиқ қилиду вә балилириниң қәлблирини атилириға қаритиду. Бу иш Мән келип, йәрни ләнәткә тутуп, уни чөлдәритип, җазалимишим үчүндур».
