Нәһәмия 11:1—36
11 Хәлиқниң башчилири Йерусалимда яшиди, қалғанлар болса чәк ташлап, муқәддәс шәһәр Йерусалимда ондин бири яшиши, қалған тоққузи өз шәһәрлиридә яшап қелиш қарарини қобул қилди.
2 Шуниң билән халисәнә Йерусалимда яшашқа унуғанларниң барлиғини хәлиқ бәрикәтлиди.
3 Мана, Йерусалимда истиқамәт қилған өлкиләрниң башчилири. Йәһудияниң өз егиликлиридә шәһәрлири бойичә исраиллиқлар, роһанийлар, ләвийләр, нефинейлар һәм Сулайман қуллириниң оғуллири яшиди.
4 Йерусалимда Йәһуда һәм Бениамин оғуллири яшатти. Йәһуда оғуллиридин: Парес оғуллиридин Малалиилниң оғли, Шифатияниң оғли, Амарияниң оғли, Зәкәрияниң оғли, Узиилниң оғли Атая.
5 Шелаһниң оғли, Зәкәрияниң оғли, Йоарибниң оғли, Адаяниң оғли, Хазаяниң оғли, Колхозейниң оғли, Барукниң оғли Маасея.
6 Паресниң Йерусалимда яшиған барлиқ оғуллириниң сани 468 болуп, улар һәммиси әла кишиләр еди.
7 Мана, Бениаминниң оғуллири: Йишаяниң оғли, Итиелниң оғли, Маасеяниң оғли, Қолаяниң оғли, Пидаяниң оғли, Йоеданиң оғли, Мешулламниң оғли Саллу.
8 Униңдин кейин Габбай, Саллай, һәммиси болуп 928 киши.
9 Уларниң үстидин Зихрийниң оғли Йоел назарәтчи еди, Гассенуяниң оғли Йәһуда шәһәрниң иккинчи қисмини назарәт қилатти.
10 Роһанийлардин: Йоарибниң оғли Йидая, Яхин,
11 Ахитубниң оғли, Мирайотниң оғли, Садокниң оғли, Мешулламниң оғли, Хилқияниң оғли Серая тирик Худа өйиниң башлиғи еди.
12 Худа ибадәтханисида хизмәт атқуруватқан уларниң қериндашлириниң җәми 822 адәм еди. Малхеяниң оғли, Пашхурниң оғли, Зәкәрияниң оғли, Амзиниң оғли, Пелалияниң оғли, Йәрохамниң оғли Адая.
13 Униң бурадәрлири, нәсилләрниң башчилиридин 242 адәм болди. Иммерниң оғли, Мешелемотниң оғли, Ахзайниң, Азарелниң оғли Амашсай.
14 Униң бурадәрлири, әлачи инсанлар, җәми 128 еди. Уларниң назарәтчиси Гедолимниң оғли Завдиил.
15 Ләвийләрдин Бунниниң оғли, Хашавияниң оғли, Азрикамниң оғли, Хашубниң оғли Шемая.
16 Ләвийләрниң башчилири Шавтай вә Йозавад болуп, улар һәқ Худа һәрәминиң ташқи ишлириға җавап берәтти.
17 Дуа болғанда, мәдһийиләшни башлашниң асасий йетәклигүчиси Асафниң оғли, Завдийниң оғли, Миханиң оғли Маттания еди. Униң бурадәрлиридин Бақбуқия иккинчиси еди, андин Идифунниң оғли, Галалниң оғли, Шаммуйниң оғли Абда болди.
18 Барлиғи болуп, ләвийләрдин муқәддәс шәһәрдә 284 адәм хизмәт қилатти.
19 Дәрвазичилар Аққуб, Талмон вә уларниң қериндашлири, сани 172 киши, дәрвазилар йенида күзәт жүргүзәтти.
20 Қалған исраиллиқлар, роһанийлар вә ләвийләр Йәһудияниң барлиқ шәһәрлиридә, һәрқайси өз мирасида күн көрәтти.
21 Нефинейлар Офелда яшатти. Нефинейларниң үстидин Зиха вә Гишпа башқуруп туратти.
22 Йерусалимда ләвийләрни Асафниң оғуллиридин Миханиң оғли, Маттанияниң оғли, Хашавияниң оғли, Банийниң оғли Уззий башқуратти. Улар тирик Худа ибадәтханисида нахшичи-иҗрачилар еди.
23 Сәвәви, падишадин улар һәққидә алаһидә пәрман болуп, уларға күндилик тәминат бөлүнәтти.
24 Йәһуда оғли Зараниң оғуллиридин Мешезабелниң оғли Петахияниң падишадин хәлиқкә тегишлик әһмийәтлик ишлар бойичә мәсъулийити бар еди.
25 Йезиларда, өз етизлирида яшаватқан Йәһуда оғуллириға кәлсәк, улар Кириат-Арбада вә униңға бағлиқ җайларда, Дибонда вә униңға бағлиқ җайларда, Йеқабзиелда вә униң кәнтлиридә,
26 Йешуй, Молада, Бәйт-Пеләт,
27 Хазар-Шуал, Бәәршәба вә уларға бағлиқ җайларда,
28 Зиқлақ, Микона вә уларға бағлиқ йәрләрдә,
29 Ен-Риммон, Зораһ, Ярмут,
30 Заноаһ, Адуллам вә уларниң йезилирида, Лакиш вә униң етизлирида, Азек вә униңға бағлиқ җайларда тирикчилик қилатти. Улар Бәәршәбадин Еном вадисиғичә җайлашқан еди.
31 Бениаминниң оғуллири Микмастики Гебадин башлап, Гай, Бәйтәл һәм униңға бағлиқ йәрләрдә,
32 Анатот, Ноб, Хананий,
33 Хазор, Рамаһ, Гиттайим,
34 Хадид, Зибоим, Ниболлат,
35 Лод, Оно, Ге-Харашимда яшатти.
36 Ләвийләрдин Йәһуда йеридә болғанларниң бәзилири Бениамин йеригә җайлишип, яшиди.
