Падишалар 1-язма 15:1—34
15 Абия Йәһуданиң падишаси болған жили Набатниң оғли Йеробоамниң һөкүмранлиқ қиливатқининиң 18-жили еди.
2 У Йерусалимда үч жил падиша болди. Униң аниси Абсаламниң кизи Маака болған.
3 У өз атисиниң гуналиридин нери болмиди вә униң жүриги Тәңри Йәһваға әҗдади Давутниңкидәк пүтүнләй берилмиди.
4 Лекин атиси Давутқа Йәһва Худа униңға Йерусалимда чирақ бәрди, шуңлашқа униң оғли қоюлуп, Йерусалим мәккәм туратти.
5 Буниң һәммиси Давутниң Йәһва алдида өмриниң барлиқ күнлиридә униңға қоюлған тәләпләрниң һечбирсидин чәтнимәй, пәқәт һетийлиқ Урия билән болған қилмишидин башқа, һәққаний турғанлиғи үчүн берилгән еди.
6 Йеробоам билән Реһабам һаятиниң давамида өз ара урушта болди.
7 Абияниң башқа паалийәтлири, униң қилған ишлири Йәһудия падишалириниң тарих китаплирида пүтүлгән еди. Абияниңму Йеробоам билән уруши давамлашти.
8 Абия өлүп, атилири билән қәбирдә Давут шәһиридә дәпин қилинди. Униң орниға падиша болуп оғли Аса кәлди.
9 Аса Йәһуданиң падишаси болған вақтида Исраил падишаси Йеробоамниң һөкүмранлиқ қиливатқан 20-жили болғанди.
10 У Йерусалимда 41 жил падишалиқ қилди. Момисиниң исми Маака еди, у Абсаламниң нәвриси болған.
11 Аса Йәһваниң көз алдида униң әҗдади Давуттәк һәққаний ишларни бәҗирди.
12 У бу зиминдин зинахор әркишиләрни қоғлап чиқарди вә атилири ясиған барлиқ бутларни йоқитишқа пәрман чүшәрди.
13 Момиси Маакани падиша ханум шәрәплик намидин мәһрум қилди, чүнки у жиркиничлик Аштаротниң бутини ясиған еди. Бу дәһшәтлик бутни Аса чепип, андин Кедрон өстиңиниң бойида көйдүрүвәтти.
14 Амма егизликләр техи йоқитилмиған еди. Һалбуки, Асаниң жүриги Йәһваға пүтүн өмри садиқ еди.
15 У Йәһваниң өйигә атиси һәм өзи Униңға беғишлиған затларни—алтун, күмүч вә һәртүрлүк қача-қомучларни әкирди.
16 Аса билән Исраил падишаси Баша арисида уларниң өмри вақтида уруш болуп турди.
17 Баша, Исраилниң падишаси, уруш билән Йәһудаға маңди. У һечким униңдин кәтмиши вә Йәһуданиң падишаси Асаға бармиши үчүн Рамаһни қурди.
18 Аса Йәһваниң ибадәтханисида вә падиша өйиниң ғәзнилиридә болған һәммә алтун һәм күмүчни елип, хизмәткарлириниң қолиға тапшуруп, уларни Хезионниң оғли, Табримонниң оғли Бенһададқа әвәтти. У арамий падишаси болуп, Дәмәшқтә яшатти. Хизмәткарлири арқилиқ униңға мундақ сөз қилди:
19 «Мениң вә сизниң аримизда, мениң атам вә сизниң атиңиз арисида дайим иттипақ болған еди. Мана, мән сизгә һәдийәгә алтун билән күмүчни әвәтиватимән. Өтүнимән, Исраил падишаси Баша билән қурған келишимиңизни бузувәтсиңиз. Шунда, бәлким, у мәндин нери кетиду».
20 Бенһадад Аса падишаниң сөзигә қулақ селип, өзидики сәрдарларни Исраил шәһәрлиригә қарши әвәтип, Ийон, Дан, Абел-Бәйт-Мааха вә Нәпталим зиминидики пүткүл Киниретқа зәрбә йәткүзди.
21 Буни аңлап Баша Рамаһни селишни тохтитип, Тирсаға қайтип кәлди.
22 Аса падиша барлиқ йәһудийларға һечқайсини қоймай Рамаһтин Баша қурулушқа ишләткән ташлар билән яғачларни ачиқиветишини буйриди. Улардин Аса Бениаминниң Гебасини вә Миспаһни салди.
23 Асаниң барлиқ башқа иш-паалийәтлири вә униң қөрсәткән җасурлиғи һәм салған шәһәрлири Йәһуда падишалириниң тарихий китаплирида пүтүлгән. Қериғинида у пут ағриғиға дучар болди.
24 Ахири Аса атилириға қошулуп, улар билән Давутниң шәһиридики қәбирдә дәпин қилинди. Униң орниға оғли Йәһошафат падиша болди.
25 Исраилниң үстидин Йеробоамниң оғли Надаб һөкүмранлиқ қиливататти. У һөкүмранлиқни Йәһуда падишаси Асаниң иккинчи жилида қобул қилип, Исраил үстидин икки жил падиша болди.
26 У Йәһваниң алдида яман ишларни қилип, атиси Йеробоамниң гуналирини қайтилап, атисини дорап жүрди.
27 Исақар қәбилисидин Ахияниң оғли Баша униңға қарши чиқти. Баша уни филистиялиқ Гиббитонда уҗуқтурди. Шу чағда Надаб вә пүткүл Исраил Гиббитонни қоршавда тутувататти.
28 Баша уни Йәһуда падишаси Асаниң үчинчи жилида өлтүрүп, униң орниға падиша болди.
29 У падиша болуп, Йеробоамниң пүткүл өйини қиривәтти. Йеробоамға бирму җанни қалдурмиди. Шундақ қилип, Йәһваниң шилоһлиқ пәйғәмбири Ахия арқилиқ ейтқан бәшарити орунланди.
30 Буниң һәммиси Йеробоамниң әйиплири үчүн вә у Исраилни гунаға паттурғини үчүн һәм Исраилниң Егиси Йәһвани рәнҗиткини үчүн берилгән җаза еди.
31 Надабниң барлиқ сәргүзәштилири билән қилған ишлири Исраил падишалириниң тарихнамилиридә йезилди.
32 Асаниң Исраил падишаси Баша билән пүткүл өмүр бойи уруши тохтимиди.
33 Ахияниң оғли Баша Йәһуда падишаси Асаниң үчинчи жили һөкүмран болди. У пүткүл Исраил үстидин Тирса шәһиридә 24 жил падишалиқ қилди.
34 У Йәһваниң алдида рәзил ишларни қилип, Йеробоамға униң барлиқ яман ишлирида варислиқ қилип, Исраилни гунаға толтурди.
