Падишалар 1-язма 16:1—34
16 Йәһваниң сөзи Хананийниң оғли Йәһуға Баша тоғрилиқ болди:
2 «Мән сени топидин көтирип, Мениң хәлқим Исраилниң үстидин башчи қилип қойсамму, сән Йеробоамниң йоли билән меңип, хәлқим Исраилни гунаға патуруп, уларниң иш-һәрикәтлири билән Мени ғәзәпләндүриватисән.
3 Мошулар үчүн Мән Башани һәм униң өйини қирип ташлаймән. Униң өйи билән Набатниң оғли Йеробоамниң өйи билән қилған ишни қилимән.
4 Ким Башаниң нәслидин шәһәрдә өлсә, уни иштлар йәветиду, ким далада өлсә, уни қушлар чоқулаветиду!»
5 Баша дәвридә йүз бәргән вақиәләр вә у қилған һәрикәтләр һәм паалийәтләр Исраил падишалириниң тарихнамилиридә тәсвирләнгән.
6 Баша вапат болуп атилириға қошулди. У Тирсада дәпин қилинди. Униң орниға падиша болуп оғли Ела турди.
7 Шуниң билән Баша һәм униң өйи тоғрилиқ Йәһваниң сөзи орунланди. Бу сөз Хананийниң оғли Йәһу пәйғәмбәр арқилиқ йәткүзүлгән болуп, униңда Баша Йәһваниң алдида Надабни өлтүргәнлиги, Йеробоамниң ишлирини давамлаштурғанлиғи үчүн шуниңдәкла җаза алидиғини ейтилған еди.
8 Падишалиқни Йәһуда падишаси Асаниң 26-жили қобул қилип, Башаниң оғли Ела Тирсада Исраил үстидин икки жил һөкүмранлиқ қилди.
9 Униңға қарши униң қули Зимри – җәң һарвулириниң йеримини башқурғучи қәстлик ясиди.
Ела Тирсада униң сарийини башқурғучи Арзаниң өйидә өлгичә һарақ-шарап ичкәнди.
10 Шу мәзгилдә Зимри кирип, уни өлтүрди. Бу вақиә Йәһуда падишаси Асаниң 27-жили йүз берип, қатил униң орниға падиша болди.
11 Зимри падиша болуп тәхткә аран олтирипла, Башаниң барлиқ өйини қирип ташлиди. У униңға иштан кийгән бирму кишини, һәтта дост-ағинилириниму қалдурмиди.
12 Шундақ қилип, Йәһваниң сөзи бойичә, Зимри пүткүл Баасаниң өйини йоқ қилди. Ушбу бәшарәт Йәһу пәйғәмбәр арқилиқ аңлитилип,
13 Башаниң һәммә гуналири вә униң оғли Еланиң қилған гуналири вә шулар арқилиқ хәлиқни бутлири билән әйипкә сазавәр қилғини үчүн, Йәһвани, Исраилниң Рәббини, рәнҗиткәнлиги үчүн улар дәшнәм йеди.
14 Еланиң башқа ишлири Исраил падишалириниң тарихнамилиридә йезилған еди.
15 Зимри Йәһуда падишаси Асаниң 27-жили падиша болуп, Тирсада пәқәт йәттә күн падишалиқ қилди. Шу вақитта хәлиқ филистиялиқ Гиббитонға һуҗум қилип, қараргаһта болғанди.
16 Қараргаһтики хәлиқ Зимриниң қәстлик қилип, падишани өлтүргинини аңлиғанда, өз үстидин падиша қилип шу күнила сәрдари Омрини қойди.
17 Омри һәм униң билән пүткүл Исраил Гиббитондин чекинип, Тирсани қоршавға алди.
18 Зимри шәһәрниң қозғилаңчилар қолиға өткинини көрүп, падиша өйиниң ички бөлмисигә кирип, өйгә от қоювәтти. Өрттә өзиму һалак болди,
19 қилған яман ишлири вә Йәһваниң көзидә Йеробоамниң гуналиридин чәтнимигәнлиги үчүндур.
20 Зимриниң башқа ишлири вә униң әмәлгә ашурған қәстлиги Исраил падишалириниң хатирә қәғәзлиридә әкис әттүрүлгән.
21 Мәзкүр вақитта Исраил хәлқи иккигә бөлүнүп кәтти: хәлиқниң йерими Гинатниң оғли Тибни тәрипидә болса, қалған йерими Омрини падиша қилишқа еди.
22 Ахири Омри үчүн турған қисим Гинатниң оғли Тибни үчүн турған қисимдин алқип, уни һалак қилип, Омрини падиша қилди.
23 Омри Йәһуда падишаси Асаниң 31-жили падиша болуп, Тирсада 12 жил һөкүмранлиқ қилди. Тирса шәһиридә болса у 6 жил падиша болди.
24 У Шемердин Самарийә намлиқ тағни икки талант күмүчкә сетивелип, шу тағниң үстидә шәһәр селип, уни егисиниң исмидин Самарийә дәп атиди.
25 Омри өзини Йәһваниң алдида башқа униңдин бурун болған падишалардин техиму бетәр тутти.
26 У өз һаят тәрзи билән һәммә нәрсидә Набатниң оғли Йеробоамдин бутлири билән қелишмиди. Уни дорап, Исраилниң Худаси Йәһвани териктүрди.
27 Омриниң барлиқ паалийәтлири вә көрсәткән җасурлиғи Исраил падишалириниң тарихнамилиридә тәсвирләнгән.
28 Ахирида Омри атилириға қетилип, Самарийәдә дәпин қилинди. Униң орниға падиша болуп униң оғли Ахаб олтарди.
29 Омриниң оғли Ахаб Йәһуда падишаси Асаниң 38-жили һөкүмранлиғини башлап, Исраил үстидин Самарийәдә 22 жил башчилиқ қилди.
30 Омриниң оғли Ахаб болса Йәһваниң көзидә униңдин авал болған барлиқ падишалардин яманирақ еди.
31 Йеробоамниң гуналириға петип яшаш униңға аз кәлгәндәк, у өзигә хотунлуққа Сидон падишаси Әтбаалниң қизи Изабәлни елип, Баалға ибадәт қилишқа башлиди.
32 У Баалға Самарийәдә салған бутханида қурбангаһ ясиди.
33 Ахаб шундақла Аштаротниң тәсвирини ясап тиклиди. У униңдин бурун болған барлиқ Исраил падишалиридин артуғирақ ярамсиз ишларни бәҗирип, Исраилниң Пәрвәрдигари Йәһвани рәнҗитти.
34 Униң күнлиридә бәйтәллик Ахиил Йерихани ясап чиқти. У өзиниң тунҗиси Абирам туғулғанда шәһәрниң һулини қурди, кәнҗә оғли Сегуб туғулғанда униң дәрвазилирини қойди. Йәһваниң Йәшуа Нун арқилиқ ейтқан сөзи бойичә бу оғуллири өлүп кәтти.
