Падишалар 1-язма 6:1—38
6 Исраил оғуллириниң Мисирдин чиққининиң 480-жили, Сулайманниң Исраил үстидин һөкүмранлиқ қилишиниң төртинчи жили, иккинчи ай санилидиған зиб ейида у Йәһваға өй-бәйт қурушқа башлиди.
2 Сулайман падиша Йәһва Худаға салған өйиниң узунлуғи 60 җәйнәк, кәңлиги 20 җәйнәк вә егизлиги 30 җәйнәк еди.
3 Муқәддәс ханиниң алдидики айванниң узунлуғи өйниң кәңлигигә мувапиқ 20 җәйнәк, кәңлиги 10 җәйнәк болди.
4 Сулайман өйгә ичидин ташқириға тарийидиған пәнҗирилик деризиләрни ясиди.
5 Өйниң темиға чаплап, у икки яни вә арқиси, йәни әң муқәддәс җайни бойлап, қошумчә ханиларни қурди.
6 Бу имарәтниң биринчи қәвитидики һөҗриләрниң кәңлиги 5 җәйнәк, иккинчи қәвитидикиләрниң 6 җәйнәк, үчинчи қәвитидикиләрниң 7 җәйнәк болғанди. Өйниң тамлириға четилмаслиғи үчүн өп-чөрисидә тәкчиләр қилинған еди.
7 Өй қурулуватқанда таш ярғучи җайдин әкәлгүзгән пүтүн ташлар ишлитилди. Шуңлашқа өй селиниватқанда йә болқиниң, йә палтиниң, йә башқа бир төмүр қуралниң үни аңланмиди.
8 Төвән қәвәттики ян һөҗриләргә кириш өйниң җәнуп тәрипидә болған. Шу йәрдин айналма пәләмпәй билән оттура қәвәткә, андин үчинчи қәвәткә чиққили болатти.
9 Сулайман өй-бәйтни ясап, уни қариғай тахтайлар һәм лимлар билән қаплап түгәтти.
10 У барлиқ өйниң әтрапиға пешайванларни қуруп, уларниң егизлиги 5 җәйнәк болуп, өйгә кедр қариғайлиқ лимлар арқилиқ четилди.
11 Шу чағда Сулайманға Йәһваниң сөзи болди:
12 «Мениң, сән өй селиватисән. Әгәр сән Мениң көрсәтмилиримгә мувапиқ иш қилип, Мениң қанунлиримни орунлап, Мениң барлиқ вәсийәтлиримгә әмәл қилсаң, Мән атаң Давутқа ейтқан Өз сөзүмни сениңда орунлаймән.
13 Шуниң билән Исраил оғуллириниң арисида яшап, Өз хәлқим Исраилни қалдурмаймән!»
14 Сулайман өйни ясап, уни түгәтти.
15 У бәйтниң ичини едәндин тартип торусқичә кедр қариғийиниң тахтайлири билән қаплап, барлиқ тамлирини яғач билән қаплиди.
16 Андин у өйниң кәйнидики тамдин 20 җәйнәк бошлуқни бөлүп, бу қисимни айрип, кедр тахтайлири билән пүтүнләй қаплап, ичкири бөлмини – әң муқәддәс җайни ясиди.
17 Шундақ қилип, ибадәтханиниң алдиңқи тәрипиниң узунлиғи 40 җәйнәк болди.
18 Өйниң ичидә һәммә нәрсә кедр билән қаплинип, ташлар көрүнмәтти. Бу тахтайларда явайи тавузлар һәм ечиливатқан гүлләр тәсвирләнгән еди.
19 Бәйтниң кәйнидики бөлүмни, Сулайман у йәрдә Йәһваниң келишим сандуғини қоюш үчүн, тәйярлиди.
20 Ушбу ичкиридики бөлүм узунлиғи 20 җәйнәк, кәңлиги 20 җәйнәк вә егизлиги 20 җәйнәк еди. Сулайман уни сап алтун билән қаплап, шуниңдәкла қариғайдин ясалған қурбангаһниму таза алтун билән қаплиди.
21 Ибадәтханиниң ичини Сулайман сап алтун билән қаплап, әң муқәддәс бөлминиң алдида алтун зәнҗирләрни тартип, ичкири бөлүмниму пүтүнләй алтунға қаплиди.
22 Сулайман пүткүл өйни алтунға қаплиди. Униң әң муқәддәс җайиниң алдида турған ис чиқириш қурбангаһиниму алтунға қаплиди.
23 Ичкири бөлүмдә у зәйтун дәриғидин икки хурабинни ясиди. Уларниң егизлиги 10 җәйнәк еди.
24 Хурабинниң бир қанити 5 җәйнәк узунлуқта, иккинчи қанити 5 җәйнәк еди. Қанитиниң бир четидин йәнә бир четигичә 10 җәйнәк болатти.
25 Иккинчи хурабинму 10 җәйнәк еди. Улар иккилиси охшаш өлчәмдә ясилип, охшаш көрүнәтти.
26 Бир хурабинниң егизлиги 10 җәйнәк, йәнә бирсиниңму шундақла еди.
27 Сулайман хурабинларни ичкири бөлүмгә орунлаштурди. Хурабинларниң қанатлири йейиқлиқ болуп, бир хурабинниң қанити бир тамға, йәнә бир хурабинниң қанити башқа тамға тегип туратти. Оттуридики қанатлири бир-бирсигә тегип туратти.
28 Хурабинларниму падиша алтун билән қаплиди.
29 Өп-чөридики барлиқ тамларда у хурабинларниң тәсвирлирини, хорма дәрәқлирини вә ечилған гүлләрни оюп ясатқузди.
30 Бәйтниң барлиқ едәнлирини алтун билән қаплиди.
31 Ичкири бөлүмгә кириш үчүн Сулайман зәйтун дәриғидин ишикләрни ясиди. Шундақла ишик түврүклирини вә бу түврүкләрниң қаплири бәшинчи қисимдин ибарәт еди.
32 Зәйтун дәриғидин ясалған икки қапқилиқ ишиктә у оюлған хурабинларни, ечилған гүлләрни вә пальмиларни ясап, уларни алтун билән қаплиди.
33 Ибадәтханиға киридиған җайда Сулайман зәйтун дәриғидин төртбүҗгәклик ишик түврүклирини ясиди.
34 Шундақла у арча дәриғидин икки қапқилиқ ишикләрни ясиди. Бу ишикләрниң иккидин бөлиги пеқиртма болуп, һәрикәтлинип йепип-ечилатти.
35 Сулайман уларда хурабинларни, хорма дәрәқлирини вә ечилған гүлләрни оюп яситип, уларни варақ шәклидики алтун билән қаплиди.
36 У ички һойлини йонулған үч қур таштин вә бир қур қариғай лимлиридин қоршиди.
37 Йәһва Пәрвәрдигарниң өйиниң һули төртинчи жилниң зив ейида қурулди.
38 Он биринчи жилниң бул ейида, йәни сәккизинчи ейида, Сулайман өйни барлиқ униң тәәллуқатлири билән пүтәрди. У уни лайиһиниң һәммә тәләплиригә бенаән ясап, 7 жил давамида селип болди.
