Пәнд-нәсиһәтләр 13:1—25
13 Дана оғул атисини тиңшайду,
Бузулған пәрзәнт тәрбийини рәт қилиду.
2 Адәм балиси сөзлириниң мевисидин
Яхшилиқ тапар, һарам киши адавәт издәр.
3 Ким тилини күзәтсә, җенини сақлиған болиду,
Ким ағзини йоған ачса, дәрт чақирар.
4 Ялқавниң җени көп нәрсини халайду,
Бирақ униңда һеч немә болмайду.
Ишләмчанниң көп нәрсиси болсиму,
Униң мүлки техиму көпийиду.
5 Һәққаний ялғанчилиққа өч, қанунсиз
Уятта қелип, өзини мәсхирә қилиду.
6 Һәққанийлиқ йоли таза кишини қоғдайду,
Гунаға патқанни рәзиллиги жиқитиду.
7 Бирси гәрчә һечнемиси йоқ болсиму,
Өзини бай көрситиду. Башқиси бәк бай
Болсиму, өзини гадай көрситиду.
8 Һаллиқлар җени үчүн байлиғи билән
Төләйду, гадайларға болса,
Һәтта попуза қилинмайду.
9 Һәққанийларниң нури йоруқтур,
Зулумларниң чириғи өчүватиду.
10 Өзәмчилик арқилиқ маҗралар чиқмақта,
Ким нәсиһәт аңлашқа тәйяр болса,
Уларда һәқиқий данишмәнлик.
11 Мал-мүлүк пай-петәкликтин кемийиду,
Ким алдиримай жиққан болса, у көпийиду.
12 Узақ күтүш жүрәкни ағритиду, әмәлгә
Ашқан арзу — һаятлиқниң дәриғидур.
13 Ким нәсиһәтни тәңситмисә, у чоқум
Зиян тартиду, ким вәсийәтни һөрмәтлисә,
У мукапатқа еришиду.
14 Данишмәнниң тәлими — һаятлиқ мәнбәси,
У өлүмниң қармиғидин қечишқа ярдәмлишар.
15 Яхши мүҗәз-хулуқ илтипат әкелиду,
Рәзилләрниң йоли әгир-донайдур.
16 Зерәк киши әқил билән иш жүргүзиду,
Надан өзиниң әқилсизлигини көрситиду.
17 Ишәнчсиз әлчи апәткә чүшиду, ишәшлик
Әлчидин хошаллиқ келиду.
18 Тәлиматни рәт қилған намратлиқ билән
Уятқа қалиду, нәсиһәтни қобул қилған
Шан-шәрәп тапиду.
19 Орунланған хаһиш адәмгә шат-хорамлиқ
Беғишлайду, наданлар яманлиқни
Инкар қилишни билмәйду.
20 Ким данишмәнләр билән алақида болса,
У өзиму данишмән болиду.
Ким наданлар билән дост болса,
У өзиму вәйран болиду.
21 Гунакарларни зулум қоғлап жүриду,
Һәқанийларни яхшилиқ соғатлайду.
22 Яхши адәм мирасини һәтта нәврилиригиму
Қалдуриду, әйипкарниң мал-мүлки
Һәққаний үчүн сақлиниду.
23 Кәмбәғәлниң етизи мол һосул әкелиду,
Лекин адилсизлиқ уни тартивелиши мүмкин.
24 Ким оғлини яхши көрмисә, уни
Җазалимайду, ким оғлини сөйсә, уни
Пүткүл җан-дилидин тәрбийиләйду.
25 Һәққаний киши тойғичә озуқлиниду,
Амма қанунсизларниң қарни тоймайду.
