Салоникилиқларға 1-хәт 4:1—18
4 Ахирида, қериндашлар, Һакимдаримиз Әйса намидин силәргә илтимас қилимизки вә агаһландуримизки, силәргә қандақ һәрикәт қилиш вә Худаға лайиқ болуш нәсиһитини биздин қобул қилип,— силәрғу шундақ қиливатисиләр,— буни кәлгүсидиму техиму көпирәк қилиңлар.
2 Чүнки силәр Һакимдаримиз Әйсаниң бәргән буйруқлирини билисиләр.
3 Худаниң ирадиси силәрниң җинсий әхлақсизлиқтин өзәңларни тартиш арқилиқ муқәддәс қилиштур.
4 Һәрқайсиңлар өз бәдиниңларни* муқәддәсликтә һәм иззәт-һөрмәттә тутушни билиңлар.
5 Әксичә Худани тонумайдиған хәлиқләргә хас туталмайдиған шәһваний һәвәсликкә йол қоймаңлар.
6 Һечқайсиңлар өзәңларға бурадәриңларниң бу җәһәттин һоқуқлириға сүйиқәстлик қилип, зиян кәлтүрүшиңларға йол қоймаңлар, биз бурунму бу тоғрисида силәргә ейтип, асаслиқ гува бәргинимиздәк, Йәһва мошу һәммә нәрсә үчүн җазалайду.
7 Сәвәви Худа бизни напаклиққа йол қойғили үчүн әмәс, амма бизни муқәддәсләштүрүш үчүн чақирған еди.
8 Шуниң үчүн ким буниң билән һесаплашмиса, инсанни әмәс, бәлки силәрни Өзиниң муқәддәс роһи билән бәрикәтлигән Худани көзгә илмиған болиду.
9 Қериндашлиқчилиқ меһир-муһәббәт тоғрисида силәргә йезишниң һаҗити йоқ, чүнки силәр өзәңлар Худа тәрипидин бир-бириңларни сөйүшкә үгитилгән.
10 Пүткүл Македонийәдики қериндашлар билән силәр шундақ қиливатисиләр. Бирақ, қериндашлар, буни техиму толуқ йосунда қилишқа үндәймиз.
11 Биз силәргә буйруғандәк, өз қоллириңлар билән әмгәк етишни һәм өз ишиңлар билән бәнт болуп, теч өмүр сүрүшни өзәңларға мәхсәт қилиңлар.
12 Шундақ қилсаңлар, сирттикиләр алдида иззәтлик яшайсиләр һәм һечнәрсидин муһтаҗ болмайсиләр.
13 Шундақла, қериндашлар, өлүм уйқисида ухлаватқанлар һәққидә, үмүти йоқ башқилардәк қайғурмас үчүн, силәрни хәвәрсиз қалдурғумиз кәлмәйду.
14 Чүнки әгәр биз Әйсаниң өлүп, тирилгәнлигигә ишәнсәк, у вақитта, өлүм уйқисида ухлаватқанларниму Худа Әйса арқилиқ униң билән биллә жургүзиду.
15 Буни силәргә Йәһва сөзи билән ейтиватимиз: бизгә, Һакимдаримизниң һазирлиниши вақтиғичә яшаватқанларға, өлүм уйқисида ухлаватқанларни һечқандақ озуп кетиш мүмкин әмәс,
16 чүнки Һакимдаримиз өзи асмандин чақирип, баш пәриштиниң авази вә Худаниң карнәйи билән чүшиду вә Мәсиһтә өлгәнләр биринчи болуп тирилиду.
17 Кейин биз, яшаватқанлар, техи тирикләр улар билән Һакимдаримизни һавада учритиш үчүн, булутларда елинип кетимиз вә шундақларчә Һакимдаримиз билән дайимий биллә болимиз.
18 Демәкчи, мошу сөзләр билән бир-бириңларға тәсәлли бериңлар.
Изаһәтләр
^ Сөзму-сөз «қачаңларни».
