Салоникилиқларға 2-хәт 2:1—17
2 Қериндашлар, Һакимдаримиз Әйса Мәсиһниң һазир болуши һәм бизниң униңға жиғилишимиз тоғрисида өтүнүмизки,
2 силәр өз мулаһизилириңларда иккилинишкә алдиримай, йә роһландурулған пикирдин, йә еғизчә йолланған гәптин, йә Йәһваниң күни йетип кәлди дегән бизниңмиш хәттин вайимға чүшмәңлар.
3 Силәрни һечким у яки бу усул билән езиқтурмисун, чүнки у күн авал һәқиқәттин чәтнәшлик кәлмигичә вә һалакәтниң оғли, қанунсизлиқниң адими ечилмиғичә кәлмәйду,
4 у «худа» яки ибадәт қилидиған зат дәп атилидиған нәрсидин өзини үстүн тутқучи, қаршилашқучи. У Худаниң мәркизий ибадәтханисида олтуруп, өзини Худадәк көрситиду.
5 Мән силәрдә болғанда, мошу тоғрилиқ ейтқанлиғим есиңларда әмәсму?
6 Әнди силәр билисиләрки, у өз вақтида ечилғичә, уни немә тутуватиду.
7 Шундиму, бу қанунсизлиқниң сири мана һәрикәткә кәлди, лекин һазирчә, уни тосуп келиватқанлар йолдин кәткичә, у йошурун болиду.
8 Шу чағда қанун бузғучи ашкарилиниду, уни Һакимдаримиз Әйса еғизиниң роһи билән өлтүриду вә һазирлинишиниң һадисиси билән ахирлаштуриду.
9 Қанун бузғучиниң һазир болуши Шәйтанниң һәрқандақ қудрәтлик ишлири һәм сахта мөҗүзилири вә карамәтлири арқилиқ һәрикәтләр билән жүргүзилиду,
10 һәрқандақ һәққанийсиз алдамчилиқ билән — өлүватқанларға өз қутқузулуши үчүн һәқиқәткә меһир-муһәббәтни қобул қилмиғанлиғиға интиқам болиду.
11 Шу сәвәптин Худа уларниң ялғанчилиққа ишиниши үчүн, аздурулуш һәрикитиниң уларға тәсир қилишиға йол қоюватиду,
12 барлиғи һәқиқәткә ишәнмәй, һәққанийсизлиқта раһәтләнгәнлиги үчүн сотлиниду.
13 Лекин биз һәрқачан силәр үчүн, Йәһва сөйгән қериндашлар, Худаға шүкүр ейтимиз, чүнки Худа силәрни роһ билән муқәддәсләп, һәм һәқиқәткә болған ишәнчәңлар арқилиқ баштин ниҗатқа таллиди.
14 У силәрниң Һакимдаримиз Әйса Мәсиһниң шан-шәрипигә егә болушиңлар үчүн, биз ейтиватқан хуш хәвәр арқилиқ бу ниҗатқа чақирди.
15 Шуңлашқа, қериндашлар, мәккәм туруп, силәр үгәнгән әнъәниләргә, мәйли еғизчә яки хетимиз арқилиқ болсун, әмәл қилиңлар.
16 Һакимдаримиз Әйса Мәсиһ вә бизни сөйгән һәм мол меһирлиги түпәйлидин мәңгү тәсәлли вә меһриван үмүт бәргән Худа Атимиз
17 қәлблириңларни хатирҗәм қилип, силәрни һәрқандақ яхши ишта һәм сөздә мустәһкәмлисун.
