Санлар 6:1—27
6 Йәһва Мусаға мундақ деди:
2 «Исраил оғуллириға монуни җекилигин: “Әгәр әр яки аял киши өзини Йәһваға беғишлап, назир болуш вәдисини бәрсә,
3 у шараптин вә һәрқандақ мәс қилидиған ичимликләрдин, шараптин болған сиркидин яки мәс қилидиған башқа ичимликләрдин, үзүмдин ясалған һәрқандақ ичимликтин өзини нери тутсун. Шундақла у һөл вә қурутқан үзүм мевилирини йемиши лазим.
4 Назир күнлириниң һәммисидә үзүмдин қилинған һечбир нәрсини йемәйду, мәйли мевиси болсун, мәйли һәтта униң шакилини.
5 Назир болуш вәдисини өтәш күнлири униң бешиға устура селинмиши шәрт. Өзини Йәһваға беғишлиған күнләр пүткичә у муқәддәс санилиду: бешида чачлирини өстүрүши керәк.
6 Өзини Йәһваға назир қилип беғишлиған вақитта у җәсәткә йеқинлимиши шәрт.
7 Һәтта атиси, аниси, ака-иниси, һәдә-сиңлиси өлүп қалсиму, у уларға қол тәккүзмиши лазим, чүнки униң бешида Йәһваға беғишлиниш бәлгүси бар.
8 Барлиқ назирлиқ күнлиридә у Йәһва Худаға беғишланғандур.
9 Әгәр униң йенида тәсадипи бирси өлүп қалса вә у шундақ қилип булғанса, у тазилиниш күни, йәттинчи күни, бешини қирип чүшириветиши керәк.
10 Сәккизинчи күни икки пахтәкни яки икки яш кәптәрни роһанийға жиғин чедириниң киришигә әкәлсун.
11 Роһаний болса, қушларниң бирсини гуна үчүн қурбанлиққа, иккинчисини көйдүрмигә әкелип, уни өлүк җәсәткә тәккәнлигидин болған булғиништин тазилап, униң бешини шу күни муқәддәсләйду.
12 Андин кейин назир яңливаштин өзини Йәһваға беғишлап, бир яшлиқ қозини әйип қурбанлиғиға әкелиду. Униң авалқи күнлири йоқайду, чүнки униң назирлиғи булғанған еди.
13 Мана, бу назирлиқ вақти тошқандин кейин назир тоғрилиқ қанун. Уни муқәддәс чедирниң киришигә әкелиш керәк.
14 У Йәһваға қурбанлиққа бир яшқа толмиған нуқсансиз әркәк тохлини көйдүрмигә вә йешиға толмиған нуқсансиз чиши тохлини гуна қурбанлиғиға, бир қойни течлиқ қурбанлиғиға әкәлсун.
15 Шуниңға қошуп, әң яхши буғдай унидин май қошулған оюқ тоғачларни, зәйтун мейи билән майланған петир нанларни салған севәтни, шундақла ашлиқ һәдийәси вә шарапларниму тәғдим қилсун.
16 Буниң барлиғини роһаний Йәһва алдиға қоюп, униң гуна қурбанлиғини вә көйдүрмисини әкелиду.
17 Роһаний қойни петир нанлар севити билән течлиқ қурбанлиққа, ашлиқ вә шараплар һәдийәсини әкелиду.
18 Назир чедирниң кириши алдида бешини қирип чүширип, назирлиқ чачлирини течлиқ қурбанлиғи астида көйүватқан отта көйдүриветиду.
19 Чечини қирип чүшәргән назирниң қолиға роһаний пиширилгән қойниң мүрисини, бир оюқ тоғачни вә петир нанни севәттин елип қойиду.
20 Буни роһаний Йәһваниң алдида силкитип әкелиду: бу роһаний үчүн муқәддәслик, буниңға йәнә төш билән пут кириду. Андин назир шарапни истимал қилса болиду.
21 Әгәр назир өз назирлиғи үчүн қанунлуқ һәдийәләрни әкелиштин башқа йәнә һәдийәләрни өз һалиға беқип, әкелишни вәдә бәрсә, бу қилишқа тегишлик қанундур”».
22 Йәһва Мусаға сөзини давамлаштурди:
23 «Һарун билән оғуллириға: “Исраил оғуллирини бәрикәтлигәндә, мундақ дәңлар:
24 “Йәһва Худайиң сени бәрикәтлисун вә сени сақлисун.
25 Йәһва саңа очуқ чирайи билән қарисун вә саңа рәһим қилсун.
26 Йәһва Пәрвәрдигариң саңа йүзини қаратсун вә течлиқ бәрсун!”
27 Шундақ қилип, роһанийлар Мениң исмимни чақирғанда, Мән Исраил оғуллирини бәрикәтләймән».
