Тарихнамә 1-язма 11:1—47
11 Барлиқ исраиллиқлар, Давутниң алдида Һибронда жиғилип униңға: «Мана, биз сениң сүйигиң һәм сениң етиң.
2 Һәм түнүгүн һәм бурнакүн, һәтта Саул падиша болған вақитта, сән Исраилни ачиқаттин һәм әкирәттиң вә Йәһва Пәрвәрдигариң саңа: “Сән Мениң хәлқим Исраилниң падичиси болғин һәм сән Мениң хәлқим Исраилниң һөкүмрани болғин”,— дегән еди».
3 Исраилниң барлиқ ақсақаллири падишаниң алдиға Һибронға кәлди вә Давут улар билән Йәһваниң көз алдида келишим түзди. Улар Давутни Самуил пәйғәмбәрниң сөзи бойичә, Йәһваниң ирадисидә, Исраилниң үстидин падиша болушқа майлиди.
4 Шуниң билән Давут һәм пүткүл Исраил Йерусалимға, йәни Йәвусқа, йол тутти. Авал бу шәһәрдә шу йәрниң турғунлири йәвусийлар туратти.
5 Йәвусниң турғунлири Давутқа: «Сән һәргиз бу җайға кирмәйсән!»— деди. Амма Давут Сион қорғинини алди, у шундақла Давутниң шәһиридур.
6 Давут: «Ким әң авал йәвусийларни уҗуқтурса, шу башчи болуп, сәрдар атилиду»,— дәп тәклип қилди. Әң биринчи болуп Зәруяниң оғли Йоаб барди вә у сәрдар болди.
7 Давут мәзкүр қорғанда яшашқа башлиди, шуңлашқа уни Давутниң шәһири дәп аташти.
8 У шәһәрни Миллодин башлап, өп-чөрисини ясап қурди, Йоаб болса шәһәрниң қалған қисимлирини ясиди.
9 Давут падиша барғансери үстүнлиди вә Йәһва Сәрдар униң билән болди.
10 Мана, Давут билән болған күчлүк әрләрниң асасийлири, улар пүткүл Исраил билән униң падишалиғи үчүн қаттиқ курәшкәнләр. Улар Йәһваниң сөзи бойичә Давутни падиша қилиш тәрәпдарлири еди.
11 Мана, Давутта болған қудрәтлик әрләрниң сани: үчиниң бири хакмонийлиқниң оғли Йашовам, у нәйзисини 300 әскәргә көтирип, бир җәңдә уларни өлтүрди.
12 Андин ахохлиқ Додониң оғли Елиазар: у әң күчлүк үчиниң бирси еди.
13 У Давут билән филистийәликләр җәңгә жиғилған Пасдамимда болған. Шу йәрдә арпа терилған өлчүк орун болғанди. Хәлиқ филистийәликләрдин қачқанди,
14 бирақ улар өлчүк җайниң оттурида туруп, хәлиқни һимайә қилип, дүшмәнләрни қиривәтти. Йәһва бүйүк қутқузулушни һәдийә қилди!
15 Оттузниң ичидә әң асасий үчи Давутқа Адуллам өңкүридики ғарташқа кәлгәнди. Шу чағда филистийәликләрниң стани Репайим вадисида орунлашқанди.
16 Давут шу мәзгилдә ушбу панагаһта болған еди, филистийәликләрниң күзәт әскири Бәйтләһәмдә маканлашқанди.
17 Давут чаңқап кәтти вә у: «Ким мени дәрвазиниң қешида турған Бәйтләһәм қудуғидин су билән қандурса?»— дәп товлиди.
18 Шу чағда бу үчи филистийәликләрниң қараргаһиға һуҗум қилип, Бәйтләһәм қудиғидин суни Давутқа елип кәлди. Лекин Давут бу суни ичкүси кәлмәй, Йәһваға уни төкти.
19 У: «Һәргиз бу ишни Худайимим алдида қилмасмән! Наһәтки мән мошу җанлирини қурбанлиққа тутқан әрләрниң қенини ичимәнму? Чүнки улар җанлирини өлүмгә тутуп, бу суни әкәлди!»— дәп, уни ичмиди. Мана, немә ишни ушбу үч ғәйрәтликләр қилди.
20 Башқа үчиниң арисида әң асасийи Йоабниң иниси Абишай еди. У өз нәйзисини 300 әскәргә тәңләп, уларни өлтүрди. Униң исми үчиниң арисида.
21 Мошу үчиниң ичидә у иккисидин мәшһур болуп, уларниң башлиғи еди, бирақ дәсләпки үчиниң дәриҗисигә йәтмиди.
22 Беная Йәһоядаһниң оғли, Кабсеилдин келип чиқиши болған, өз паалийити бойичә бүйүк һәм қәйсәр кишиниң оғли болған. У икки күчлүк моаблиқни уҗуқтурди, у қарлиқ вақтида ориға чүшкән ширни өлтүрди.
23 У шундақла бәш җәйнәк егизлиги бар мисирлиқни уҗуқтурди. Мисирлиқниң қолида тикинчиниң тайиғидәк узун нәйзә болғанди. У униңға яғач билән йеқинлишип, мисирлиқниң қолидин нәйзисини жулувелип, уни униң қурали билән өлтүрди.
24 Мана, мундақ ишларни Йәһоядаһниң оғли Беная бәҗирди. Униң исми мәшһур үчиниң тизимида.
25 У 30дин атақлиқ еди, бирақ дәсләпки үчиниң шәнигә йәтмиди. Давут уни пасибанлириниң башчиси қилип сайлиди.
26 Әскәрләрниң асасийлири: Йоабниң иниси Асаил, Бәйтләһәмдин болған Додониң оғли Әлханан,
27 гародийлиқ Шамма, пелонийлиқ Хелес,
28 Икешниң оғли текоялиқ Ира, Анатоттин Абиезер,
29 Хушниң қәбилисидин Сибхай, ахохлиқ Илай,
30 нетофатлиқ Магарай, нетофатлиқ Баананиң оғли Хелед,
31 Бениамин оғуллириниң Гебасидин болған Рибайниң оғли Иттай, пиратонлуқ Беная,
32 Нагале-Гаашдин Хурай, Арабадин Абил,
33 бархумилиқ Азмабед, шиалботлиқ Елияхба,
34 гизонитлиқ Бенегашим, герарийлиқ Шагейниң оғли Йонатан,
35 герарийлиқ Сахарниң оғли Ахиам, Урниң оғли Елифал,
36 Мехерадин Хетер, пелонийлиқ Ахия,
37 кармиллиқ Хесрий, Азбайниң оғли Наарай,
38 Натанниң қериндиши Йоел, Гагрийниң оғли Мивхар,
39 амонлуқ Зәләк, беротәнлиқ Нагарай, у Зәруяниң оғли Йоабниң қурал көтәргүчиси еди,
40 йитриялиқ Ира, йитриялиқ Гареб,
41 һетийлиқ Урия, Ахлабниң оғли Забад,
42 рувимлиқ Шизаниң оғли Адина, у рувимлиқларниң башчиси болуп, қаримиғида 30 әскәр бар еди,
43 Мааханиң оғли Қанан, митнийлиқ Йәһошафат,
44 аштаротлиқ Уззия, ароерлиқ Хотамниң оғуллири Шама вә Йииел,
45 Шимриниң оғли Йидиаел вә униң қериндиши тизлиқ Йоха,
46 махавилиқ Елиил, Елнаамниң оғуллири Ирибай вә Йошавия, моаблиқ Итма,
47 Мезовайдин Елиил, Обид вә Йасиел.
