Тарихнамә 1-язма 27:1—34
27 Мана, Исраил оғуллириниң сани бойичә нәсиллириниң башчилири, миңбешилири, йүзбешилири, падишаға һәрхил ишлар бойичә хизмәт қилған назарәтчиләр. Жилниң барлиқ айлирида, һәр айда келип-кәткән новәтләр, һәрбир новәт 24 000 адәмдин ибарәт еди.
2 Биринчи новәтни биринчи айда Завдиилниң оғли Йашовам башқуратти: униң новәтчилигидә 24 000 киши хизмәт қилатти.
3 У Парес оғуллиридин болуп, дәсләпки айда әскәрниң һәрқандақ башчилириниң үстидин башлиқ еди.
4 Иккинчи айниң новитини ахохлиқ Додай башқуратти. Униң новәтчилигидә орунбасари Миклот болатти. Униңму новитидә 24 000 ләвий бар еди.
5 Үчинчи айда үчинчи башчи болуп роһаний Йәһоядаһниң оғли Беная болатти. Униң новәтчилигидиму 24 000 ләвий хизмәт қилатти.
6 Ушбу Беная 30 әскәрниң арисида әң күчлүги еди вә у 30ни башқуратти. Униң новитидә оғли Аммизавад болатти.
7 Төртинчи айда төртинчи башчи Йоабниң қериндиши Асаил туратти, униң орунбасари оғли Зәбадия еди. Униң новәтчилигидиму 24 000 киши хизмәт қилатти.
8 Бәшинчи айда бәшинчи башчи болуп израхиятлиқ Шамгут хизмәт атқуратти. Униң новитидә 24 000 ләвий бар еди.
9 Алтинчи айда алтинчи башчи болуп фекоялиқ Икешниң оғли Ира туратти. Униң новитидиму 24 000 киши болатти.
10 Йәттинчи айда йәттинчи башчи Әпрайимниң оғуллиридин пелонийлиқ Хелес болатти. Униң новитидә 24 000 хизмәтчи бар еди.
11 Сәккизинчи айда сәккизинчи башчи Зараһ нәслидин, Хуш аилисидин Сибхай болатти. Униңму новәтчилигидә 24 000 адәм ишләтти.
12 Тоққузинчи айда тоққузинчи башчи болуп Бениамин оғуллиридин, Анатоттин Абиезер туратти. Униң новитидә 24 000 киши бар еди.
13 Онинчи айда онинчи башчи Зараһ нәслидин нетофатлиқ Магарай болатти. Униң новитидиму 24 000 хизмәтчи болатти.
14 Он биринчи айда он биринчи башчи Әпрайим оғуллиридин пиратонлуқ Беная туратти. Униңму новәтчилигидә 24 000 ләвий ишләтти.
15 Он иккинчи айда он иккинчи башчи Гофониилниң әвладидин нетофатлиқ Хелдай туратти. Униң новәтчилигидә 24 000 киши хизмәт атқуратти.
16 Исраил қәбилилири үстидин, рувимлиқларниң әң чоңи болуп Зихрийниң оғли Елиезер, шимонлиқларниң үстидин Мааханиң оғли Шифатия,
17 ләвийләрниң үстидин Кемуилниң оғли Хашавия, Һарун әвлади үстидин Садок,
18 йәһудийларниң үстидин Давутниң акилиридин Елиуй, иссакарлиқларниң үстидин Микаилниң оғли Омри,
19 зәбулунлиқларниң үстидин Обадияниң оғли Ишмая, нафталимлиқларниң үстидин Азриилниң оғли Йеримот,
20 әпрайимлиқларниң үстидин Азазияниң оғли Осия, Манассәниң йерим қәбилиси үстидин Пидаяниң оғли Йоел,
21 Гилиадтики Манассәниң йерим қәбилиси үстидин Зәкәрияниң оғли Иддо, бениаминлиқлар үстидин Абнерниң оғли Йасиел,
22 данлиқларниң үстидин Йәрохамниң оғли Азария башчилиқ атқуратти. Мана, булар Исраил қәбилилириниң бәглиридур.
23 Давут 20 яштин төвән ләвийләрни санимиди, чүнки Йәһва Исраилни асмандики юлтузлардәк көпәйтишини ейтқан еди.
24 Зәруяниң оғли Йоаб һесаплашни башлап, амма пүтәрмиди. Сәвәви, шу вақитта Исраилға Пәрвәрдигарниң ғәзиви қайниди. Шуңлашқа шу һесават Давут падишаниң күндилик йезиқнамилириға кирмиди.
25 Падишаниң ғәзнилиригә Адиелниң оғли Азмабет назарәт қилатти, даладики, шәһәрләрдики, йезилардики, мунарилардики байлиқлириға Уззияниң оғли Йонатан қаратти,
26 етизда ишләватқанлар үстидин Хелубниң оғли Езрий назарәт қилатти.
27 Үзүмзарлиқлар үстидин Рамадин болған Шимей, шараплар амбарлири үстидин Шефамдин болған Завдий,
28 төвән йәрләрдә өсүдиған зәйтун вә әнҗир дәрәқлири үстидин Гедерадин болған Баал-Ханан, сүюқ май сақландилири үстидин Йоаш назарәт қилатти.
29 Шаронда отлайдиған қара мал үстидин шаронлуқ Шитрай, вадиларда отлайдиған мал үстидин Адлайниң оғли Шафат қаратти.
30 Төгиләрниң үстидин исмаиллиқ Овил, ешәкләрниң үстидин Мероноттин Йехдия,
31 ушшақ мал үстидин агарилиқ Йазиз қаратти. Мәзкүр кишиләр Давут падишаниң мал-мүлки үстидин башчилар еди.
32 Давутниң тағиси Йонатан мәслиһәтчиси болғач, оқумушлуқ һәм пәм-парасәтлик киши еди. Хахмонилиқ Йихиел падиша оғуллириниң тәрбийичиси еди.
33 Ахитофел болса падишаниң мәслиһәтчиси, архитилиқ Хушай падишаниң йеқин дости болған еди.
34 Ахитофелдин кейин Бенаяниң оғли Йәһоядаһ вә Абиятар мәслиһәтчиләр хизмитини атқурди, падишаниң баш сәрдари Йоаб болди.
