Тарихнамә 1-язма 29:1—30
29 Давут падиша пүткүл жиғинға мундақ сөзләрни нәсиһәт қилип ейтти: «Худа таллиған мениң оғлум Сулайман, ялғузум, техи яш һәм аҗиз. Бу иш болса, бәкму бүйүк, чүнки бу имарәт адәм үчүн әмәс, бәлки Пәрвәрдигаримиз Йәһва үчүндур.
2 Күчүм яр бәргичә, мән Худаниң өйи үчүн алтун затларға алтунни, күмүч нәрсиләр үчүн күмүчни, мис затлар үчүн мисни, төмүр керәкликләр учүн төмүрни, яғач буюмлар үчүн яғачни, көзнәклиридә турған оникс ташларни, рәңму-рәң гөзәл ташларни вә һәрқандақ қиммәтбаһа ташларни һәм көплигән мәрмәр ташларниму тәйярлап қойдум.
3 Йәнә Худа өйигә болған сөйүмим түпәйли мениңдә бир алаһидә, шәхсий алтунум билән күмүчим бар. Буларни мән Худайимимниң өйигә, ушбу тәйярланған байлиқлардин ташқири, һәдийә қилимән.
4 Муқәддәс ибадәтхана үчүн 3000 талант алтунни, сап Офир алтунини, еритилгән сап күмүчтин 7000 талант күмүчни. Булар билән беналарниң тамлирини қаплайду,
5 алтун болса алтун затлар үчүн, күмүч болса күмүч затлар һәм зәргарларниң қоллиридин чиққан һәрхил буюмлар үчүндур. Бирақ ким йәнә бүгүн Йәһваға толтурулған қоллири билән кәлди?»
6 Мәзкүр сөзләрдин кейин қәбилиләр башчилири, Исраил әвлатлириниң башлиқлири, миңбешилар, йүзбешилар вә падишада хизмәт қилидиған әмәлдарлар пүткүл қәлбидин ианә қилди.
7 Улар һәқ Худа өйиниң қурулушиға 5000 талант алтун, 10 000 парс алтун тәңгиси, 10 000 талант күмүч, мистин 18 000 талант вә төмүрдин 100 000 талант соға қилди.
8 Кимдә қиммәтбаһалиқ ташлар тепилса, уларни Йәһваниң һәрәнидики ғәзниханиға Гирсон нәслидин чиққан Йихиелниң қолиға тапшурди.
9 Хәлиқ мундақ хәйирлик ишқа интайин хошал болди, чүнки улар Йәһваға пүтүн жүригидин һәдийә қиливататти. Давут падишаму бәк зор шатлиққа чөмди.
10 Шуниң билән Давут Йәһваға барлиқ жиғинниң көзичә миннәтдарлиқ билдүрүп, мундақ мәдһийилиди: «Атимиз Исраилниң Худаси, Сән, Йәһва, әсирдин әсиргичә мубарәк болғин!
11 Йәһва, Саңа улуқлуқ, қадирлиқ, гөзәллик, ғалибийәт, қәдир-қиммәт һәм шундақла асман билән йәрдики һәммә нәрсә тәәллуқтур. Йәһва, Саңа мәнсүп падишалиқ һәм барлиқ нәрсиниң бешида туруп, йүксилишиш.
12 Сениң йүзүңдин байлиқ вә шөһрәт келиду, Сән һәмминиң үстидин егидарчилиқ қилисән. Сениң қолуңда күч-қудрәт вә Сениң һоқуқуңда барчини көтириш һәм қоллап-қувәтләш.
13 Әнди болса, Тәңримиз, биз Сени мәдһийиләп, Сениң улуқ исмиңни махтаймиз.
14 Чүнки ким шунчә мән һәм ким бу хәлиқ, бундақ ианә қилишта күч тепиш? Чүнки һәммә нәрсә Сениңдин һәм биз қолуңдин алған нәрсини Саңа қайтуруватимиз!
15 Сәвәви, биз барлиқ атилиримиздәк, Сениң алдиңда мусапирлар һәм қәләндәрләр, йәр-зиминда болудиған күнлиримиз көләңгүдәк вә һечнәрсигә есилип туралмаймиз.
16 Пәрвәрдигаримиз Йәһва, Сениң муқәддәс исмиңға атап салидиған өй үчүн тәйярлиған барлиқ ғәзниләрни Сениң қолуңдин биз таптуқ вә барлиқ нәрсә Сениңки.
17 Шуни билимәнки, Рәббим, Сән қәлбни байқайсән вә һәққанийлиқни яхши көрисән. Мән һәммә нәрсини сәмимий жүригимдин ианә қилдим, һазир көрсәм, бу йәрдә бәрпа қилған хәлқиң Саңа хошаллиқ билән ианә қиливатиду.
18 Йәһва, атилиримиз Ибраһимниң, Исһақниң вә Исраилниң Пәрвәрдигари! Мошу яхшилиқни мәңгүгә сақлиғайсән, Сениң хәлқиңниң ушбу кәйпиятини вә уларниң жүригини Өзәңгә қаратқайсән.
19 Оғлум Сулайманға пүтүнләй вапа көңүлни бәргәйсән, У сениң вәсийәтлириңни, Сениң аянлириңни, Сениң тохтамлириңни сақлап, мән тәйярлиқ көргән имарәтни тоғра ясап чиқсунчу, Атам!»
20 Андин Давут пүткүл хәлиқкә мураҗиәт қилип: «Худайиңлар Йәһваға разилиқ билдүриңлар!»— деди. Шуниң билән барлиқ җәмийәт әҗдатлириниң Худаси Йәһваға миннәтдарлиқ ейтип, йәргә жиқилип, Йәһваға вә падишаға тазим қилди.
21 Андин әтиси Йәһваға қурбанлиқларни һәм Йәһваға көйдүрмиләрни тәғдим қилди. 1000 буқини, 1000 қойни, 1000 оғлақни ичимлик һәдийәләр билән вә пүтүн Исраил үчүн нурғунлиған қурбанлиқларни әкәлди.
22 Йәһваниң алдида шу күни зор хурсәнлик билән улар йеди һәм ичти. Улар Давутниң оғли Сулайманни иккинчи қетим падиша қилип тәстиқләп, уни Йәһваниң көзичә һөкүмранлиққа майлиди, Садокни болса башроһанийлиққа майлиди.
23 Шундақ қилип, Сулайман атиси Давутниң орниға падиша сүпитидә олтарди вә Йәһваниң тәхтидә муваппәқийәтлик болди вә униңға пүткүл Исраил қулақ салди.
24 Барлиқ сәрдарлар һәм ләшкәрләр, шундақла Давут падишаниң қалған оғуллири Сулайман падишаға беқинди.
25 Йәһва Сулайманни пүтүн Исраилниң көз алдида егиз көтирип, униңдин авал һөкүмранлиқ қилған һечбир падиша көрмигән падишалиқниң шан-шөһритини бәрди.
26 Униң атиси, Йишайниң оғли Давут пүткүл Исраил үстидин падишалиқ қилған.
27 Униң Исраил үстидин һөкүмдарлиқ қилған вақти 40 жил: Һибронда у 7 жил падиша болуп, Йерусалимда 33 жил һөкүмранлиқ қилди.
28 У яхши қерилиқта, өмриниң күнлиригә тоюп, байлиқта һәм шан-шәрәптә яшап, вапат болди. Униң орниға оғли Сулайман падиша болди.
29 Давут падишаниң ишлири, дәсләпкилири һәм ахирқилири, Самуил пәйғәмбәрниң, Натан пәйғәмбәрниң һәм Гад пәйғәмбәрниң китаплирида пүтүлди.
30 Шундақла барлиқ униң һөкүмранлиғи, җасурлиғи вә қандақ дәвирләр һәм вақиәләр униң үстидин, Исраилниң үстидин вә башқа зиминлардики шаһлиқларниң үстидин өткәнлиги хатириләнди.
