Тарихнамә 2-язма 13:1—22
13 Абия Йеробоамниң һөкүмранлиғиниң 18-жили Йәһуданиң падишаси болди.
2 У Йерусалимда үч жил падиша болди. Анисиниң исми Михая болуп, у Гебадики Уриелниң қизи еди. Абияниң Йеробоам билән уруши давам болди.
3 Абия ушбу урушқа җасарәтлик кишиләрдин, 400 000 талланған ләшкәрләрдин әскәр ачиқти, Йеробоам болса униңға қарши җәңгивар, илғар 800 000 әскәр билән турди.
4 Абия Әпрайим теғиниң Зимарайим чоққисида туруп, мундақ гәп қилди: «Әй, Йеробоам вә барлиқ Исраил, мени тиңшаңлар!
5 Силәр билисиләрғу, Исраилниң Башчиси Йәһва Исраилниң үстидин падишалиқни туз келишими арқилиқ Давутқа һәм униң оғуллириға мәңгүгә бәрди.
6 Лекин Давут оғли Сулайманниң қули, Набатниң оғли Йеробоам туруп, өз ғоҗайиниға қарши исиян көтәрди.
7 Униң өп-чөрисигә яман, һорун адәмләр жиғилип, Сулайманниң оғли Реһабамниң үстидин күчләнди. Реһабам шу вақитта яш болғачқа, аҗизжүрәклик болуп, уларға қарши туралмиди.
8 Әнди силәр Давут оғуллириниң қолидики Йәһваниң падишалиғиға қарши қандақ туралаймиз дәйсиләр? Силәр зор көпчилик вә силәрдә Йеробоам силәр үчүн илаһлар қилип бәргән алтун мозайлар бар.
9 Һарунниң оғуллири, Йәһваниң роһанийлири билән ләвийлирини қоғлаветип, башқа зиминларниң хәлиқлиригә охшаш каһинларни қоювалғанлар, силәр әмәсму? Өзиниң өкүзләр падисидин буқини һәм йәттә қойни беғишлиниш үчүн әкәлгән һәрким, силәрдә ялған худаларниң роһанийи болди.
10 Биздә болса, Пәрвәрдигаримиз Йәһва Худадур! Биз Уни қалдурмидуқ вә Йәһваға Һарунниң оғуллири, роһанийлар һәм ләвийләр, хизмәт қиливатмақта.
11 Һәр әтигәнлиги вә һәр кәчқурунлуғи улар Йәһваға көйдүрмиләрни һәм хушпурақ исриқни көйдүриватиду вә пак үстәлгә нанни қоюп, алтун шамданни һәр кәчқурунлуғи яндуриватиду. Сәвәви, биз Яратқучимиз Йәһваниң күзитидә болуватимиз, силәр болсаңлар Уни ташлидиңлар!
12 Мана, бизгә рәһбәрлик қилип, һәқ Худа Өзи турмақта вә Униң роһанийлири силәргә қарши чиңавазлиқ карнәйләрни чалмақта. Исраил оғуллири! Атилириңларниң Башчиси Йәһва билән урушмаңлар, чүнки силәрдә утуқ болмайду».
13 Шу арида Йеробоам уларниң кәйнидин бесип кирсун дәп, қоршавни әвәтти. Улар өзлири йәһудийларниң алдида турди, қоршав болса кәйнидә еди.
14 Йәһудийлар қариведи, мана, җәң уларға алдидинму һәм кәйнидинму йүз беришкә азла капту. Шуниң билән улар Йәһвани чақирип, роһанийлар карнәйләрни чалди.
15 Йәһудийлар қаттиқ вақириди, улар вақириғанда һәқ Худа Йеробоамни барлиқ исраиллиқлар билән Абия һәм Йәһуданиң көзичә уҗуқтурди.
16 Исраил оғуллири Йәһуда оғуллиридин қачти вә Худа уларни йәһудийларниң қолиға селип бәрди.
17 Абия билән униң хәлқи зор ғалибийәткә еришти. Исраилда әң җәңгивар өлгәнләрниң сани 500 000 адәм болди.
18 Ушбу күни Исраил оғуллири мөмүнләшти, Йәһуда оғуллири болса қудрәтлик көрүнди, чүнки улар атилириниң Рәбби Йәһваға таянди.
19 Абия Йеробоамни қоғлап, униңдин Бәйтәл шәһирини вә униңға бағлиқ йезиларни, Йешана шәһирини униңға қарайдиған кәнтләр билән, Әпрон вә униң йезилирини алди.
20 Абияниң күнлириниң ахириғичә Йеробоам күчигә кирәлмиди. Уни Йәһва җазалиди вә у өлүп кәтти.
21 Абия болса күчлинип, өзигә 14 хотун алди, улардин 22 оғул вә 16 қиз тапти.
22 Абияниң башқа ишлири, униң меңиш-туруши вә сөзлири Иддо пәйғәмбәрниң баянатида тәсвирләнди.
