Тарихнамә 2-язма 2:1—18
2 Сулайман: «Мән Йәһваниң исмиға бир өйни вә падиша тәхтимниң өйини ясаймән»,— деди.
2 Буниң үчүн Сулайман 70 000 жүк тошиғучи, 80 000 дәрәқөргүчи вә тағда ташйонуғучи һәм уларни назарәт қилғучи 3600 адәмни бөлди.
3 Андин Сулайман падиша Тир шаһи Хирамға адәм әвәтип: «Сиз атам Давут билән қандақ иш тутқан болуп, униңға яшаш өйи үчүн кедрларни әвәткәндәк, маңиму шундақ қарисиңиз.
4 Мана, мән Рәббим Йәһваниң исмиға, Униңға беғишлаш үчүн өй селишни башлидим. У өйдә Униң йүзи алдида хушпурақ исриқни көйдүрүш, дайим тәғдим нанларни тутуш, әтигән һәм кәчқурун көйдүрмиләрни әкелиш, шәнбиләрдә, йеңи ай чиққанларда вә Яратқучимиз Йәһваниң мәйрәмлиридә бу һәрикәтләрни қилиш Исраил үчүн мәңгү қәриз-пәриздур.
5 Мән қуруватқан өй улуқтур, чүнки бизниң Худайимиз барлиқ башқа худалардин бүйүктур!
6 Һәм кимниң күч-қудрити Униңға өй селишқа йетиду?! Чүнки Уни асманлар вә асманларниң асмини өзлиригә патқузалалмайду, һә у чағда, Униңға өй селиш үчүн ким мән?! Бәлки пәқәт Униң йүзи алдида исриқ чиқириш үчүнла мән ярайдиғандимән.
7 Ейтидиғиним, маңа алтундин, күмүчтин, мистин, төмүрдин, сөсүн жуңдин, тоқ қизил һәм көк жиптин, һәрқандақ кесип ясайдиған ишларни қилалайдиған адәмни маңа әвәтип берсиңиз. У атам Давут тәйярлап қойған данишмән кишиләр билән Йәһудия һәм Йерусалимда хизмәт атқуриду.
8 Шундақла кедр яғачлирини, зәйтун мейини вә Либандин қизил дәрәқни әвәтип бәрсиңиз, чүнки мән шуни билимәнки, сизниң қуллириңиз Либан дәрәқлирини кесишни яхши билиду. Мана, мениң хизмәткарлиримму сизниң ишчилириңиз билән биргә әмгәк қилиду.
9 Маңа көплигән яғачларни тәйярлаш лазим, чүнки мән селиватқан өй улуқ һәм әҗайип болушқа тегиш.
10 Мана, дәрәқ кесиватқан қуллириңизға мән тартилған буғдайдин 20 000 кор, арпидин 20 000 кор, шараптин 20 000 бат вә зәйтун мейидин 20 000 бат беримән»,— дәп агаһландурди.
11 Тирниң шаһи Хирам хәт арқилиқ җавап берип, мундақ деди: «Йәһва Өз хәлқигә меһир-муһәббити түпәйли сизни падиша қилип қойди.
12 Йәр-асманни яратқан Исраилниң Худаси Йәһва бәрикәтликтур! У Давут падишаға данишмән, әқил-парасәтлик оғулни бәрди, у Йәһваға өй салиду вә падишалиқ тәхти туридиған өйниму қуриду.
13 Демәкчи, мән сизгә илими бар, дана Хирам-Авия исимлиқ адәмни әвәтиватимән.
14 У Дан қизлиридин бирсиниң оғли болиду, униң атиси алтун, күмүч, мис, төмүр, ташлар вә яғачлар билән ишләшни билидиған тирлиқ киши. У шуниңдәкла сөсүн жуңдин, көк жиптин, әң есил зиғирдин вә тоқ-қизил жиптин һәрқандақ буюмларни тоқушни вә һәрқандақ кәсиптә маһир уста. У сизниң маһир кишилириңиз вә атиңиз, мениң тәхсирим, Давутниң данишмән адәмлири билән ишләләйду.
15 Өзиңиз ейтқандәк, буғдай билән арпини, зәйтун мейи билән шарапни қуллириңизға әвәтиң.
16 Биз болсақ Либандин, сизгә қанчә керәк болса, шунчә дәрәқни кесип, деңиз арқилиқ Яппаға әвәтимиз, өзиңиз уларни Йерусалимға елип кетиң».
17 Шуниң билән Сулайман, Давут өз вақтида һесаплап чиққан, Исраил зиминидики барлиқ мусапирларни санап чиқти. Уларниң сани 153 600 болди.
18 Уларниң арисидин у 70 000 жүк тошиғучи, 80 000 яғачкәскүчи һәм тағда таш йонуғучи вә уларниң үстидин назарәт қилидиған 3600 кишини таллап алди.
