Филимунға 1:1—25
1 Әйса Мәсиһ үчүн мәһбус болған мән Паулдин вә бурадәримиз Тимотийдин — әзиз қериндишимиз, вә һәмкаримиз Филимунға,
2 сиңлимиз Апияға, сәпдишимиз Архипқа һәм сениң өйүңдики җамаәткә салам.
3 Атимиз Худадин вә Һакимдаримиз Әйса Мәсиһтин силәргә мол меһирлик вә течлиқ-аманлиқ болсун.
4 Өз дуалиримда сени әсләп, һәрқачан Рәббимгә миннәтдарлиғимни билдүримән.
5 Һакимдар Әйсаға вә һәммә муқәддәсләргә көрсәткән етиқатиңни вә меһир-муһәббитиңни аңлап,
6 биз өзүмиз Мәсиһкә бағлиқ көплигән яхшилиқларға егә болғинимизни сезиватқанлиғиңдин, башқилар билән ортақлашқан етиқатиң сени яхши ишларға үндишини халаймән.
7 Сениң меһир-муһәббитиң маңа көп хошаллиқ вә тәсәлли бәрди, чүнки сән арқилиқ, бурадәрим, муқәддәсләрниң назук һиссиятлири тәскин* тапти.
8 Мошу сәвәптин, гәрчә Мәсиһ билән бирликтә чоң сөз әркинлигигә егә болған болсамму, сениң қилишиңға тегишлик ишни саңа буйрушниң орниға,
9 йәнила, сени меһир-муһәббәт асасида, һазирму техи Әйса Мәсиһ үчүн мәһбус болуватқан, яшанған киши — мән Паул дәвәт қиливатимән.
10 Зиндандики кишәнләнгән вақтимда мән атиси болған оғлум Онисим тоғрилиқ саңа илтимас қилимән.
11 У бурун саңа пайдисиз болған еди, амма һазир саңиму вә маңиму пайдилиқтур.
12 Һә уни, мән қәлбимдә униңға иллиқ сезимлирим бар болғанни, саңа қайтуриватимән.
13 Мән хуш хәвәр үчүн зинданда кишәнләнгинимдә, уни өзәм үчүн сениң орнуңда тутушни вә маңа хизмәт қилишни давамлаштурушини халаттим.
14 Амма сениң разилиғиңсиз һечнемә қилғум йоқ, сәвәви сениң яхши ишиң мәҗбурий әмәс, бәлки өз ихтияриң бойичә болуши үчүндур.
15 Бәлким, униң аз вақитқа кетип қалғини, сениң уни дайимлиқ қобул қилишиң үчүн болуп,
16 әнди қул сүпитидә әмәс, бәлки қулдинму артуқ — қиммәтлик бурадәрдәк, болупму мениң үчүн. Һәм сениң үчүн қулуңдәк һәм Һакимдарниң хизмәтчисидәк нәқәдәр у қиммәтликтур!
17 Шуңа, әгәр сән мени өзәңниң һәмкариң дәп һесаплисаң, уни мени қандақ хурсәнлик билән қарши алғиниңдәк, униму шундақ қарши алғин.
18 Әгәр у сениң алдиңда бирәр әйип өткүзгән болса яки саңа бирәр нәрсидә қәриз болса, уни маңа артқин.
19 Мән, Паул, өз қолум билән йезиватимән: мән төләймән. Сән һәммидин башқа өз өзәң билән маңа қәриздар екәнлигиңни ейтмисамму, билисән.
20 Һә, бурадәрим, Һакимдар йолиға түпәйли сәндин өзәмгә пайда елишқа рухсәт қилғин: мениң Мәсиһтики назук сезимлиримға тәскин бәргин.
21 Сениң разилиғиңға үмүтлинип, мениң ейтқинимдинму көпирәк қилидиғиниңни билип, саңа йезиватимән.
22 Шуниң билән биллә маңа туридиған җай тәйярлап қойғин, чүнки силәрниң дуалириңларға бенаән, силәр үчүн азатлиққа чиқишни үмүт қиливатимән.
23 Мән билән Әйса Мәсиһ үчүн зинданға соланған Епафрас,
24 шундақла хизмәтдашлирим Марк, Аристарх, Димас, Луқа саңа салам йоллаватиду.
25 Һакимдар Әйса Мәсиһниң мол меһри силәр көрситиватқан роһ билән болсун.
Изаһәтләр
^ Яки «мустәһкәмләнди».
