Қанун шәрһи 29:1—29
29 Мана, Йәһваниң Исраил оғуллириға Моаб йеридә Муса арқилиқ әмир қилинған келишиминиң сөзлири. Бу келишим У улар билән Хориб теғида түзгән келишимидин башқисидур.
2 Муса барлиқ Исраил оғуллириға мураҗиәт қилип, мундақ деди: «Силәр өз көзүңлар билән Йәһваниң Мисир йеридә пирәвн вә униң барлиқ хизмәткарлири һәм униң пүткүл йери билән немә қилғанлиғини көрдүңлар.
3 Бу бүйүк җазалар, бүйүк карамәтләр вә мөҗүзиләр Униң көтирилгән қаттиқ һәм күчлүк қоли еди.
4 Амма мошу күнгичә Йәһва силәргә чүшинидиған жүрәкни, көрүдиған көзни вә аңлайдиған қулақни бәрмиди.
5 У 40 жил силәрни қақас чөлдә жүргүзди, кийимлириңлар кониримиди вә путуңлардики аяқ кийимиңлар житилмиди.
6 Силәр Мән Йәһва Худайиңлар екәнлигимни билишиңлар үчүн, силәр йолда нан йемидиңлар вә шарап ичмидиңлар.
7 Силәр мәзкүр йәргә кәлгәндә, силәргә қарши Хешбонниң падишаси Сигон вә Башанниң падишаси Ог чиқип җәң қилди, лекин биз уларни йеңип һалак қилдуқ.
8 Уларниң йерини елип, уни Рувим, Гад қәбилилиригә һәм Манассә қәбилисиниң йеримиға бәрдуқ.
9 Демәк, мошу келишимниң барлиқ сөзлирини сақлап, немила қилмисаңлар, барлиғида пәм-парасәтлик билән иш тутушиңлар үчүн, уларға әмәл қилиңлар.
10 Бүгүн һәммиңлар Тәңриңлар Йәһваниң көз алдида туруватисиләр: қәбилилириңларниң башчилири, ақсақал-йетәкчиләр, назарәтчиләр, барлиқ исраиллиқлар,
11 пәрзәнтлириңлар, аяллириңлар вә қараргаһиңларда болуватқан мусапирлар, отун йериватқанлардин тартип сүйүңни тошуватқанларғичә.
12 Силәр һәммиңлар бүгүн Худайиңлар Йәһва силәр билән орнитиватқан Йәһваниң келишимигә қәсәм билән киришиңлар үчүндур.
13 У атилириң Ибраһим, Исһақ вә Яқупқа қәсәм билән сениң Худайимиң болуп, сән Униң хәлқи болушуң һәққидә вәдә қилғинидәк, бүгүн У шуни орунлаватиду.
14 Пәқәт силәр биләнла мән бу келишимни қәсәм арқилиқ түзүватмаймән,
15 пәқәт бүгүн мошу җайда Худайимиз Йәһваниң йүзи алдида туруватқанлар биләнла әмәс, бәлки бүгүн мошу йәрдә биз билән болмиғанлар биләнму түзүватимән.
16 Силәр өзәңлар биз Мисир зиминида қандақ яшап һәм хәлиқләр арисидин қандақ өткинимизни билисиләр.
17 Биз уларниң жиркиничликлирини вә уларниң тезәктәк бутлирини көрдуқ. Улар яғачтин, таштин, күмүчтин вә алтундин ясалған еди.
18 Шуниңдин пәхәс болуңларки, араңларда әр киши яки аял киши, қандақту-бир аилә яки қәбилә жүригини Худайиңлар Йәһвадин тартип, шу хәлиқләрниң бутлириға ибадәт қилишқа бурап кәтмисун. Араңларда оғилиқ әмән чиқиридиған йилтиз өсүп чиқмисун.
19 Бундақ адәм ушбу ләнәтниң сөзлирини аңлисиму, жүригидә: “Мән һечнәрсигә қаримай, өз қәлбимниң хаһиши бойичә жүрүп, бәрибирму бәхитлик болимән”,— дәп махтиниду. У шундақ қилип, тоқниму һәм ачниму һалакқа әкелиду.
20 Йәһва ундақ кишини һәргизму кәчүрмәйду, бәлки Йәһваниң ғәзиви тутушуп вә Униң аччиғи шу адәмгә төкүлүп, бу Қанун китавида йезилған келишимниң қарғишлири униңға йепилип, Йәһва у инсанниң исмини асман астидин әбәткә йоқитиду.
21 Шундақ қилип, Йәһва уни барлиқ Исраил қәбилилиридин, мошу Қанун китавида йезилған келишимниң ләнәтлиригә мувапиқ, мәңгү айрийду.
22 Шу вақитта силәрдин кейинки әвлатлар, силәрдин кейин туғулидиған балилириңлар вә жирақ йәрдин келидиған мусапир бу зиминниң Йәһва тәрипидин җазалар билән уҗуқтурулишини көрүп,
23 пүткүл йәрниң гуңгут билән туздин көйүп, униңда һечнәрсә өсмәй, кәби Йәһва Өз дәрғәзивидә Садом, Гамора, Адма вә Севоимни уҗуқтурғинидәк, кокатниңму чиқмайватқини көриду.
24 Барлиқ хәлиқләр шу чағда мундақ соал қоюду: “Немә үчүн Йәһва бу йәр билән шундақ қилди? Немишкә мошундақ бүйүк дәрғәзәп йүз бәрди?”
25 Җававән уларға: “Сәвәви, улар атилириниң Худайи Йәһва билән түзгән келишимни ташлиғини үчүндур. У уларни Мисирдин ачиққанда бу келишимни бәргән еди.
26 Улар башқа илаһларға хизмәт етип, У уларға бәлгүлимигән худаларға ибадәт қилғанди.
27 Мошуниң үчүн Йәһваниң ғәзиви бу йәргә төкүлүп, У келишимдә аталған барлиқ қарғишларни кәлтүрди.
28 Шуниң билән, Йәһва уларни дәрғәзәптә вә интайин зор нәпрәттә бу йәрдин елип, һазир көрүватқинимиздәк, башқа йочун зиминға ташлиди”,— дәйду.
29 Йошурун һәммә нәрсә Худайимиз Йәһваға тәәллуқ, бизгә һәм әвлатлиримизға пәқәт ечип бәргән нәрсиләр әбәдий-әбәт тәәллуқтур. Бу шуниң үчүнки, биз ушбу Қанунниң сөзлирини булҗутмай орунлишимиз үчүндур.
