Һагай 1:1—15
1 Дариос шаһниң иккинчи жилида, алтинчи айниң дәсләпки күнидә Йәһва Худа Һагай пәйғәмбәргә мураҗиәт қилди. Униң арқилиқ У Йәһудияниң һакими Шалтийәлниң оғли Зәрубабилға вә Йосадокниң оғли Йәшуа башроһанийға мундақ деди:
2 «Қошунлар Сәрдари Йәһва мундақ дәйду: “Ушбу хәлиқ: “Техи Йәһваниң ибадәтханисини салидиған вақит кәлмиди”,— дәватиду».
3 Андин Йәһваниң сөзи Һагай пәйгәмбәр арқилиқ давам қилди:
4 «Мәзкүр ибадәтхана харабилиқта ятса, силәр өзәңларға яғач қапланған өйләрдә яшашқа вақит кәлдиму?
5 Шуңлашқа Йәһва Сәрдар мундақ дәйду: “Ойлап көрүңлара, силәр қандақ яшаватисиләр.
6 Силәр көп тәрсәңларму, аз жиғиватисиләр. Йесәңларму тоймайватисиләр, ичсәңларму услуғиңлар қанмайватиду. Кийинсәңларму иссинмайватисиләр, ишлисәңларму маашиңлар төшүк қапчуқтин чүшүватиду”».
7 «Қошунлар Худайи Йәһва мундақ дәйду: “Өз йоллириңларға диққәт ағдуруңлар”.
8 “Таққа берип, лимларни кесип әкелип, Мән силәргә рази болушум һәм мәдһийилинишим үчүн, ушбу өйни қуруңлар”,— дәйду Йәһва».
9 «“Силәр мол һосул күтисиләр, лекин азғина озуқ елип келисиләр, амма униму Мән чечиветимән,— дәйду Сәрдар Йәһва.— Немә үчүн? Сәвәви, Мениң маканим бузуқлуқ турса, силәр һәрқайсиңлар өз өйүңлар үчүн тиришиватисиләр.
10 Шуңа үстүңлардики асман шәбнәм бәрмәйватиду вә йәр өз мевисини тутувалди.
11 Мән қурғақчилиқни зиминға, тағларға, данға, шарапқа, майға вә барчә өсүмлүкләргә чақирдим. Шуңлашқа силәрму һәм җаниварлириңларму азап тартиватисиләр. Һәммә әмгигиңлар бекарға кетиватиду”».
12 Шалтийәлниң оғли Зәрубабил, Йосадокниң оғли, башроһаний Йәшуа һәм барлиқ хәлиқ өз Тәңри Йәһвани һәм Йәһва әвәткән Һагай пәйғәмбәрни тиңшиди. Чүнки хәлиқ Йәһваниң алдида һәйвәтлик һөрмәтни туйди.
13 Йәһва хәвәрчиси Һагай Йәһваниң тапшуруғи билән хәлиқкә мундақ деди: «“Мән силәр билән!”— дәйду Йәһва».
14 Шундақ қилип, Йәһва Шалтийәлниң оғли, Йәһудияниң һакими Зарубабилниң, Йосадокниң оғли, башроһаний Йәшуаниң һәм барлиқ кишиләрниң роһини қозғиди. Улар ишқа киришип, өз Худайи, Сәрдар Йәһваниң ибадәтханисини тикләшкә башлиди.
15 Бу иш Дариос шаһниң иккинчи жилиниң алтинчи ейиниң жигирмә төртинчи күни йүз бәрди.
