Әзра 7:1—28
7 Парс шаһи Артахшаштниң һөкүмранлиғи вақтида, ушбу вақиәләрдин кейин, Хилқияниң оғли, Азарияниң оғли, Сераяниң оғли Әзра Бабилдин чиқти.
2 Хилқия Шаллумниң оғли, у Садокниң, Ахитубниң,
3 Амарияниң, Азарияниң Мирайотниң,
4 Зәрахияниң, Уззияниң, Буккийниң,
5 Абишуйниң, Пинихасниң, Елиазарниң, башроһаний Һарунниң оғли еди.
6 Мошу Әзра Бабилдин чиқти. У Исраил Худайи Йәһва бәргән Муса қанунини бәк яхши билгән Тәврат устази болғанди. Униңға шаһ Тәңри Йәһваниң қоллап-қувәтлишида барлиқ халиған нәрсини бәрди.
7 Униң билән Исраил оғуллиридин бирмунчә роһанийлар, ләвийләр, сазәндиләр, күзәтчиләр һәм нефинейлар Артахшаштниң йәттинчи жилида Йерусалимға маңди.
8 Әзра Йерусалимға бәшинчи айда кәлди. Бу болса шаһниң һөкүмранлиғиниң йәттинчи жили болған еди.
9 Сәвәви, Бабилдин чиқиш тунҗа айниң биринчи күни йүз бәрди. У Рәббиниң бәрикәтлигән қолиниң күчи билән бәшинчи айниң биринчи күнидә Йерусалим шәһиригә йетип кәлди.
10 Әзра өз қәлбини шуниңға қойғанки, Йәһваниң Қануниға чоңқур чөкүп, уни орунлап вә исраиллиқларни қануний һәм һәққаний нәрсиләргә үгитиш еди.
11 Мана, Артахшашт шаһ роһаний Әзраға тапшурған хетиниң көчәрмиси вә у киши Исраилға берилгән Йәһваниң вәсийәтлири һәм көрсәтмилирини чоңқур үгәнгән Тәврат устази еди:
12 «Шаһларниң шаһи Артахшашт самавий Худаниң Қанунини мукәммәл үгәнгән роһаний Әзраға вә башқилар.
13 Мәндин пәрман берилидуки, мениң шаһлиғимда болған Исраил хәлқидин һәрким, мәйли роһанийлардин, мәйли ләвийләрдин, мәйли башқилардин Йерусалимға ихтиярий һалда қайтишни халиса, кетишкә рухсәт.
14 Сән, Әзра, шаһтин һәм униң йәттә мәслиһәтчисидин Йәһудия билән Йерусалимни Яратқучиңниң қолуңдики Қануни бойичә чарлап келишкә әвәтиливатисән.
15 Шуниңдәкла шаһ һәм униң мәслиһәтчилири макани Йерусалимда болған Исраил Худасиға ианә қилишқа халиған алтуни билән күмүчини апирисән.
16 Шундақла Бабилниң пүткүл өлкилиридә жиққан алтун билән күмүчни, Йерусалимдики Рәббиниң өйи үчүн пүткүл вуҗудидин қилинған хәлиқниң һәм роһанийларниң ианилирини қошуп йәткүзисән.
17 Шуңа ушбу күмүчкә чапсан өкүзләрни, қойларни, қозиларни вә нан һәдийәлири билән шарапларни сетивелип, уларни Йерусалимдики Худайиңлар ибадәтханисиниң қурбангаһида тәғдим қил!
18 Қалған күмүч билән алтундин Илаһиңлар ирадиси бойичә сән һәм қериндашлириң еһтияҗлиқ нәрсиләрни қилиңлар.
19 Саңа Худа өйидә пайдилиниш үчүн тапшурулған қачиларни Йерусалим Худасиниң алдиға қойғин.
20 Рәббиңниң ибадәтханисиға лазим нәрсиләрни шаһниң ғәзнисидин бәр.
21 Мәндин, шаһ Артахшашттин, дәрияниң у қетидики барлиқ ғәзничиләргә әмир қилиниду: асман Илаһиниң Қанунини тәтқиқ қилған Тәврат устази, роһаний Әзра силәрдин неминила тәләп қилмиса, барлиқ нәрсини чоқум тәвсийә қилиңлар!
22 Һәтта 100 талант күмүч, 100 кор буғдай, 100 бат шарап, 100 бат зәйтун мейи, тузни қәғәзсиз бериңлар.
23 Әрш Пәрвәрдигари немини тәләп қилса, Худаниң өйи үчүн чапсан йәткүзүлиши лазим, сәвәви Униң ғәзиви шаһлиққа, шаһқа һәм униң оғуллириға чүшмисун!
24 Силәргә шу мәлум болсунки, һәммә роһанийлардин, ләвийләрдин, нахшичилардин, дәрвазичилардин, нефинейлардин вә Тәңри ибадәтханисида хизмәт қиливатқан һечкимдин селиқ, җәриман, баҗлар елиш мәнъий қилиниду!
25 Сән болсаң, Әзра, Худайиңниң саңа берилгән даналиғиға түпәйли өзәң һакимлар билән сотчиларни бәлгүлигин. Улар дәрияниң у қетидики хәлиқни тоғра назарәт қилсун. Қара, уларниң барлиғи Рәббиңниң Қанунини билгәй, билмигәнләр болса, уларни үгәткин.
26 Кимду-ким Пәрвәрдигарниң Қанунини вә шаһниң қанунини орунлимайдиған болса, ундақ кишини тохтатмай сотлап, өлүмгә яки йәр авдурушқа, яки җәриманға, яки зинданға мәһкүм қилинсун!»
27 Шаһниң жүригигә әшундақ ойни — Йерусалимдики Йәһва өйини безәндүрүшни — салған әҗдатлириниң Қорғини Йәһваға мубарәк болсун!
28 У маңа шаһниң, мәслиһәтчилириниң һәм барчә қудрәтлик бәгләрниң меһир-шәпқитини яғдурди. Шундақ қилип, мән Башпанайим Йәһваниң қолиниң ярдимидә роһлинип, мениң билән меңишқа тәйяр башчиларни жиғдим.
