Әзәкиял 10:1—22
10 Андин қарисам, хурабинлар башлириниң төпидә турған мәйданниң үстидә яқут ташқа охшайдиған тәхтни көрдүм.
2 Худа зиғир кийимгә кийингән адәмгә мундақ деди: «Кирип, хурабинлар астидики чақларниң арисида туруп, хурабинлар арисида көйүватқан чоғлардин пүтүн бир патман елип, уларни шәһәргә ташла». У киши мениң көзүмчә шу җайға кирди.
3 Бу киши шу йәргә турғанда, хурабинлар ибадәтханиниң оң тәрипидә туратти вә ичкәрки һойлини булут қаплатти.
4 Йәһваниң шөһрити хурабинлардин көтирилип, ибадәтханиниң босуғиға йөткәлди вә өйни пәйдин-пәй булут қаплиди. Һойла болса, Йәһваниң сәлтәнитиниң парлиши билән йоруйди.
5 Хурабинлар қанатлириниң тавуши ташқи һойлида аңлинип, Һәммигә Қадир Илаһниң үнигә охшатти.
6 Андин У зиғир кийимдики кишигә мундақ буйруқ бәрди: «Чақлар һәм хурабинлар оттурисида көйүватқан оттин ал!» У киши берип, бир чақниң қешида турди.
7 Шу вақитта хурабинларниң бири қолини хурабинлар арилиғида көйүватқан ялқунға сунуп, уни алди. У чөғлуқ отни зиғир кийимдики кишиниң қоллириға селип бәрди. У өртни елип, чиқип кәтти.
8 Хурабинларниң қанатлири астида адәмниң қоллириға охшайдиған қоллири бар еди.
9 Мән шуниму байқидимки, хурабинларниң қешида төрт чақ болуп, йәни һәрбир хурабинниң қешида бирдин чақ болған еди вә бу чақлар хризолит есил таштәк пақирап туратти.
10 Қаримаққа, һәммә төрт чақ охшаш еди вә һәрбир чақниң ичидә йәнә бир чақтин болатти.
11 Улар һәрқайси төрт тәрәпкә уттур, бурулмай маңатти. Улар хурабинларниң башлири қайси тәрәпкә қаритилған болса, шу тәрәпкә маңатти вә уларда бурулуш муһтаҗлиғи йоқ еди.
12 Хурабинларниң бәдәнлири, дүмбилири, қоллири, қанатлири һәм шундақла чақлири, барлиқ төртиниң чақлири, һәммә тәрәптин көзләргә толған еди.
13 Мән чақларға: «Чақлар, пеқираңлар!»— дегән әмирни аңлидим.
14 Һәрбир ушбу тирик җанниң төрттин үзи бар еди: биринчи үз — хурабинниң үзи, иккинчи үз — адәмниң үзи, үчинчи үз — ширниң үзи вә төртинчи үз — бүркүтниң үзи.
15 Хурабинлар көтирилди, улар мән Кевар дәриясиниң бойида көргән тирик мәхлуқлар еди.
16 Улар һәрикәткә кәлгәндә, йенидики чақларму улар билән биллә маңатти. Хурабинлар йәр үстидин егиз көтирилиш үчүн қанатлирини көтәргәндә, чақларму йенида болуп, улардин қелишматти.
17 Улар тохтиғанда, чақларму тохтатти вә улар көтирилгәндә, чақларму биллә көтириләтти, чүнки чақларда тирик мәхлуқларниң роһи бир еди.
18 Андин Йәһваниң шөһрити ибадәтхана босуғидин чәтнәп, хурабинларниң үстидә тохтиди.
19 Мән шуни көрдүмки, хурабинлар қанатлирини қеқип, көзүмчә йәрдин көтирилди. Улар жирақлашқанда, чақлири йенида болди. Улар Йәһва маканиниң шәрқий дәрвазилири киришидә тохтиди вә уларниң үстидә Исраил Тәңриниң сәлтәнити парлатти.
20 Булар мән Кевар дәриясиниң қирғиғида Исраил Худайиниң тәхти астида көргән һелиқи тирик җанлар еди. Шундақ қилип, мән буларниң хурабин-пәриштиләр екәнлигинини билдим.
21 Уларниң һәрқайсиниң төрттин үзи, төрттин қанити вә қанатлири астида инсан қоллиридәк қоллири болғанди.
22 Уларниң үзлири мән Кевар дәриясиниң йенида көргән хурабинларниң үзлиридәк көрүнәтти. Һәрбир хурабин көз алдидики тәрәпкә уттур маңатти.
