Әзәкиял 25:1—17
25 Йәһва яңливаштин маңа мураҗиәт қилди:
2 «Инсан оғли, бетиңни Аммон оғуллириға қаритип, уларға бәшарәт қилғин.
3 Аммонлуқларға мундақ ейт: “Әң Алий Һөкүмран Йәһваниң сөзини аңлаңлар! Илаһ Йәһва мундақ дәйду: “Силәр Мениң муқәддәс орнум тоғрилиқ у булғанғанда вә Исраил зимини үстидин у чөлдәригәндә һәм Йәһуда хәлқи үстидин уни йәр авдурғанда, мәсхирә қилғиниңларни Мән байқидим.
4 Шуниң үчүн Мән силәрни Шәриқ оғуллириниң егилишигә бериветимән. Улар силәрдә өз чедирлирини тикиду. Улар силәрниң йемишлириңларни йәп, падилириңларниң сүтини ичиду.
5 Мән Раббани төгиләр яйлиғиға айландуримән вә аммонлуқларниң йерини қойларниң отлиғи қилимән. Шуниң билән силәр Мениң Йәһва екәнлигимни билисиләр”».
6 «Әң Алий Һөкүмран Йәһва мундақ дәйду: “Силәр чавақ челип, путлириңлар билән тепип, мәсхирә билән Исраил йерини тәңситмигиниңлар үчүн,
7 Мән силәрниң үстүңлардин қолумни созуп, башқа хәлиқләргә силәрни оғрилашқа тапшуримән. Силәрни хәлиқләр санидин чиқирип, қириветимән вә намиңни дөләтләрара йоқ қилимән. Сени пүтүнләй һалак қилғинимда, Мениң Йәһва екәнлигимни чүшинисән”.
8 Әң Алий Һөкүмран Йәһва мундақ дәйду: “Моаб һәм Сәир мундақ дегәнлиги үчүн: “Мана, Йәһуданиң хәлқи башқа хәлиқләрдәк екән”,
9 Мән Моабниң әң четидин башлап, униң шәһәрлирини һимайисиз қалдуримән, униң зимининиң гөзәллири — Бет-Ешимот, Баал-Меон вә Кириатаимниң биқинлирини очуқ қойимән.
10 Мән моаблиқлар билән аммонлуқларни Шәриқ оғуллириниң һөкүмигә бериветимән, шундақ қилип, хәлиқләр ичидә аммонлуқларниң исми башқа әскә елинмайду.
11 Шундақла Моаб үстидин қарар чиқиримән һәм уларму Мениң Йәһва екәнлигимни тонуйду».
12 Әң Алий Һөкүмран Йәһва мундақ дәйду: “Едум Йәһуда өйигә өчмәнлик билән муамилә қилғанлиғи үчүн, у техиму йоған гунада әйипкардур.
13 Шуңа Әң Алий Һөкүмран Йәһва мундақ дәйду: “Мән қолумни Едумға көтирип, униң инсанлири һәм җаниварлирини қирип, униңдин чөл һасил қилимән. Темандин тартип Деданғичә едумлуқлар қиличлиниду.
14 “Мән өчүмни Едумдин елип, уни хәлқим, Исраил, қоли билән бәҗиримән. Униң арқилиқ Едумға Мениң ғәзивим билән нәпритим төкүлүп, у Мениң җазаримни тартиду”,— дәйду Әң Алий Һөкүмран Йәһва.
15 Йәнә мундақ дәйду Әң Алий Һөкүмран Йәһва: “Филистиялиқлар Исраилни әшәддий өч көргәнлиги үчүн вә уни дайим йоқ қиливетишкә интилған еди.
16 Шуңлашқа Илаһий Йәһва мундақ дәйду: “Мана, Мән қолумни филистиялиқларға созуп, критлиқларни вә деңиз бойида яшаватқанларни уҗуқтуримән
17 Мән уларға Өз зор қәһримни чечип, сүрлүк түрдә уларни җазалаймән. Мениң интиқамимни алғанда, Мениң Йәһва екәнлигимни улар тонуйду!”»
