تىموتىي ئىسىملىك يىگىت خۇشاللىق بىلەن ئادەملەرگە ياردەم بەرگەن.‏ بۇ مەقسەت بىلەن ئۇ كۆپ شەھەرلەرنى ئارىلىغان ۋە ئۇنىڭ ھاياتى ناھايىتى قىزىقارلىق بولغان.‏ سىز ئۇ توغرىسىدا كۆپرەك بىلىشنى خالامسىز؟‏ –‏

تىموتىي لىسترا دېگەن شەھەردە چوڭ بولغان.‏ ئۇ كىچىك بولغاندا،‏ مومىسى لوئىدە ۋە ئانىسى ئېۋنىكە ئۇنىڭغا يەھۋا توغرۇلۇق ئېيتىپ،‏ تەلىم بەرگەن.‏ تىموتىي چوڭ بولغاندا،‏ باشقىلارغا يەھۋا توغرىسىدا بىلىشكە ياردەم بېرىشنى خالىغان.‏

تىموتىي تېخى ياش بولغاندا،‏ پاۋلۇس ئۇنى باشقا جايغا بېرىپ،‏ بىللە ۋەز قىلىشقا چاقىرغان.‏ تىموتىي بۇنىڭغا ماقۇل بولدى.‏ ئۇ بېرىپ،‏ باشقىلارغا ياردەم بېرىشكە تەييار ئىدى.‏

تىموتىي بىلەن پاۋلۇس ماكېدونىيەدىكى  سالونىكا شەھىرىگە ئاتلاندى.‏ ئۇ يەرگە يېتىش ئۈچۈن ئۇلار ئۇزاق يول مېڭىپ،‏ كېيىن كېمە بىلەن سەپەر قىلىدى.‏ شەھەرگە يېتىپ بارغاندا،‏ ئۇلار كۆپ ئادەملەرگە يەھۋا توغرۇلۇق بىلىشكە ياردەم بەردى.‏ لېكىن بەزى ئادەملەرنىڭ ئاچچىقى كېلىپ،‏ ئۇلارغا زىيان كەلتۈرمەكچى بولدى.‏ شۇنىڭ ئۈچۈن پاۋلۇس بىلەن تىموتىي شەھەردىن كېتىپ،‏ باشقا يەرگە بېرىپ ۋەز قىلدى.‏

بىرنەچچە ئايدىن كېيىن پاۋلۇس تىموتىينى سالونىكىغا قايتا بېرىپ،‏ قېرىنداشلارنىڭ ئەھۋالىنى بىلىپ كېلىشكە ئەۋەتتى.‏ لېكىن شۇ شەھەرگە بېرىش خەتەرلىك ئىدى.‏ شۇنىڭ ئۈچۈن تىموتىيغا جاسارەتلىك بولۇشى كېرەك ئىدى.‏ ئۇ قېرىنداشلار ئۈچۈن ئەنسىرەپ،‏ يولغا چىقتى.‏ تىموتىي پاۋلۇسقا ياخشى خەۋەر ئېلىپ كەلدى.‏ سالونىكىدىكى قېرىنداشلارنىڭ ئەھۋالى بەك ياخشى ئىدى!‏

تىموتىي پاۋلۇس بىلەن كۆپ يىل بىرگە خىزمەت قىلدى.‏ بىر كۈنى پاۋلۇس تىموتىينى جامائەتلەرگە ياردەم بېرىدىغان ئەڭ ياخشى خىزمەتچى دەپ ئېيتتى.‏ تىموتىي يەھۋانىمۇ،‏ ئادەملەرنىمۇ ياخشى كۆرگەن.‏

سىز ئادەملەرنى ياخشى كۆرەمسىز؟‏ ئۇلارغا يەھۋا توغرىسىدا بىلىشكە ياردەم بېرىشنى خالامسىز؟‏ –‏ شۇنداق قىلسىڭىز،‏ سىزنىڭمۇ ھاياتىڭىز تىموتىينىڭ ھاياتىغا ئوخشاش بەختلىك ۋە قىزىقارلىق بولىدۇ!‏