مە‌سىھنىڭ بارچە ئىنسانلارغا ھۆكۈمرانلىق قىلغۇ‌چى بولىدىغانلىقىنى خۇ‌دا ئالدىن ئېيتىقان.‏ خۇ‌دا بىزنىڭ قانداق ھۆكۈمرانلىق قىلغۇ‌چىغا ھە‌قىقە‌تە‌ن مۇ‌ھتاج ئىكە‌نىمىزنى بىلىدۇ.‏ شۇ‌ڭا،‏ ئۇ ئە‌ڭ ياخشى ھۆكۈمراننى تاللىغان.‏ مە‌سىھ ئۆزىنىڭ قانداق ھۆكۈمران ئىكە‌نلىكىنى ئىسپاتلىغان؟‏ ئۇ كۈچ-‏قۇ‌درە‌تلىك سە‌ركە‌ردە؟‏ قابىلىيە‌تلىك سىياسىي ئە‌رباب؟‏ ياكى دانىشمە‌ن پە‌يلاسوپمۇ؟‏ مۇ‌قە‌ددە‌س يازمىلارغا ئاساسلانغاندا،‏ ئە‌يسا مە‌سىھ ئۆزگىچە بىر پە‌يغە‌مبە‌ر بولغان‏.‏‏—‏ مە‌تتا 23:‏10‏.‏

ئە‌يسانىڭ مۇ‌كە‌ممە‌ل،‏ مۇ‌قە‌ددە‌س بولۇ‌پ تۇ‌غۇ‌لىشىغا،‏ خۇ‌دا كاپالە‌تلىك قىلغان.‏ ئۇ‌نىڭدىن باشقا،‏ ئە‌يسا پە‌يغە‌مبە‌ر شە‌يتاننىڭ ئۇ‌نى چىرىكلىك يولىغا باشلاپ قىلغان بارچە ھىيلە-‏مىكىرىگە قارشى تۇ‌رغان.‏ ئە‌يسا پە‌يغە‌مبە‌رنىڭ،‏ خۇ‌دانىڭ كۈچ-‏قۇ‌درە‌ت،‏ ئادىللىق،‏ دانالىق ۋە مېھىر-‏مۇ‌ھە‌ببە‌ت قاتارلىق خۇ‌سۇ‌سىيە‌تلىرىنى مۇ‌كە‌ممە‌ل ئىشلە‌تكە‌نلىكى،‏ ئۇ‌نىڭ گە‌پ-‏سۆز ۋە ئىش-‏ھە‌رىكە‌تلىرىدە كە‌م-‏كۈتسىز ئە‌كس ئە‌تتۈرۈلگە‌ن.‏ قانداق قىلىپ ئە‌يسانىڭ ئۈلگىلىرىدىن ئۆگىنە‌لە‌يدىغانلىقىمىزنى مۇ‌لاھىزە قىلىپ باقايلى.‏

ئۇ خۇ‌دا بە‌رگە‌ن كۈچ-‏قۇ‌درە‌تنى ئىشلىتىپ باشقىلارغا ياردە‌م بە‌رگە‌ن.‏ ئە‌يسا پە‌يغە‌مبە‌ر ھە‌قىقە‌تە‌ن كىشىلە‌رگە غە‌مخورلۇ‌ق قىلغان ۋە سېخىيلىق بىلە‌ن ئۆز كۈچىنى ئىشلىتىپ،‏ ئۇ‌لارنىڭ مۇ‌ھتاجلىقلىرىنى قاندۇ‌رغان.‏ ئۇ:‏ «بۇ كىشىلە‌رگە ئىچىم ئاغرىيدۇ.‏ … ئۇ‌لارنىڭ يە‌يدىغان ھېچ نە‌رسىسى يوق»،‏—‏ دېگە‌ن (‏ماركۇ‌س 8:‏2‏)‏.‏ شۇ‌ڭا،‏ ئە‌يسا پە‌يغە‌مبە‌ر مۆجىزە كۆرسىتىپ،‏ ئۆز تە‌لىملىرىنى ئاڭلىغىلى كە‌لگە‌ن بىر توپ كىشىلە‌رنى تويدۇ‌رغان.‏

ھە‌زرىتى ئە‌يسا جاي-‏جايلارغا بېرىپ تە‌لىم بە‌ردى ۋە «ھە‌ر خىل ئاغرىق-‏سىلاقلارنى ۋە تە‌ندىكى ھە‌رخىل ئاجىزلىقلارنى ساقايتتى» (‏مە‌تتا 4:‏23‏)‏.‏ ئۇ بارغانلا جايلاردا،‏ نۇ‌رغۇ‌ن كىشىلە‌رنىڭ ئۇ‌نىڭغا ئە‌گە‌شكە‌نلىكىنى چۈشىنىشكە بولىدۇ،‏ «پۈتۈن خالايىق ئە‌يساغا قول تە‌گكۈزۈۋېلىشقا تىرىشاتتى.‏ چۈنكى،‏ ئۇ‌نىڭدىن چىققان كۈچ-‏قۇ‌ۋۋە‌ت ھە‌ممىسىنى ساقايتىۋېتە‌تتى» (‏لۇ‌قا 6:‏19‏)‏.‏ ھە‌قىقە‌تە‌ن،‏ ئە‌يسا مە‌سىھ باشقىلارنى «ئۆزىگە خىزمە‌ت قىلدۇ‌رۇ‌ش ئۈچۈن ئە‌مە‌س،‏ بە‌لكى ئۆزى خىزمە‌ت قىلىپ،‏ جېنىنى نۇ‌رغۇ‌نلار ئۈچۈن تۆلە‌م سۈپىتىدە بېرىشكە» كە‌لگە‌ن ئىدى (‏مە‌تتا 20:‏28‏)‏ a‏.‏ بۇ دۇ‌نيا كىشىلىرى ئارىسىدا،‏ قانچىلىك ھۆكۈمران شۇ‌نىڭدە‌ك ئۆزىنى قۇ‌ربان قىلىش روھىنى كۆرسىتىدۇ؟‏

ئۇ خۇ‌دانىڭ ئادىللىقىنى ئە‌كس ئە‌تتۈرگە‌ن.‏ ئە‌يسا پە‌يغە‌مبە‌ر خۇ‌دانىڭ قانۇ‌نىغا رىئايە قىلىپلا قالماي،‏ ھە‌مدە ئاشۇ قانۇ‌نى ئۆز ئىچىگە ئالغان بارچە قائىدە-‏پرىنسىپلارغا ئە‌مە‌ل قىلغان.‏ مۇ‌قە‌ددە‌س يازمىلاردا ئالدىن ئېيتىلغاندە‌ك،‏ ئە‌يسا ئىش-‏ھە‌رىكە‌تلىرىدە داۋۇ‌ت پادىشاھقا ئوخشاش كۆزقاراشنى ئىپادىلە‌پ،‏ ئۇ:‏ «ئە‌ي خۇ‌دايىم،‏ ئىرادە‌ڭنى ئورۇ‌نداش خۇ‌شاللىقىمدۇ‌ر،‏ يېزىلغان قانۇ‌ننىڭ قە‌لبىمگە چوڭقۇ‌ر»،‏—‏ دېگە‌ن (‏زە‌بۇ‌ر 40:‏8‏)‏.‏ ئۇ باي ۋە گاداي،‏ ئە‌ر ۋە ئايال،‏ بالىلار ۋە چوڭلارغا ئىززە‌ت-‏ھۆرمە‌ت كۆرستىپ،‏ ھە‌ممىسىگە تە‌ڭ كۆز بىلە‌ن قاراپ،‏ ئۇ‌لارغا ئوخشاش مۇ‌ئامىلىدە بولغان.‏ بىر كۈنى،‏ ئە‌يسانىڭ قېشىغا بالىلىرىنى ئېلىپ كە‌لگە‌ن ئاتا-‏ئانىلارنى،‏ ئۇ‌نىڭ شاگىرتلىرى ئە‌يىبلىگە‌ن ئىدى.‏ بىراق،‏ ھە‌زرىتى ئە‌يسا:‏ «بالىلار ئالدىمغا كە‌لسۇ‌ن،‏ ئۇ‌لارنى توسماڭلار.‏ چۈنكى،‏ خۇ‌دانىڭ پادىشاھلىقى مۇ‌شۇ‌نداقلارغا تە‌ۋە‌دۇ‌ر»،‏—‏ دېگە‌ن‏.‏‏—‏ ماركۇ‌س 10:‏14‏.‏

ئۇ خۇ‌دادىن كە‌لگە‌ن دانالىقنى نامايان قىلغان.‏ ئە‌يسا باشقىلارنى ئېنىق چۈشىنە‌تتى.‏ «ئۇ ئۆزى ئىنساننىڭ كۆڭلىدە نېمە بارلىقىنى بىلە‌تتى» (‏يۇ‌ھاننا 2:‏25‏)‏.‏ ھە‌زرىتى ئە‌يسانىڭ دۈشمە‌نلىرى ئۇ‌نى تۇ‌تۇ‌شقا ئادە‌م ئە‌ۋە‌تكە‌ندە،‏ ھە‌تتا ئۇ‌لار:‏ «ھېچكىم،‏ ھېچقاچان بۇ كىشىدە‌ك سۆزلىگە‌ن ئە‌مە‌س!‏»—‏ دە‌پ ئېتىراپ قىلىشقان.‏ ئە‌يسا مە‌سىھنىڭ دانالىقى قە‌يە‌ردىن كە‌لگە‌ن؟‏ ئۇ:‏ «مېنىڭ تە‌لىمىم مېنىڭكى  ئە‌مە‌س،‏ بە‌لكى مېنى ئە‌ۋە‌تكۈچىنىڭكىدۇ‌ر»،‏—‏ دە‌پ چۈشە‌ندۈرگە‌ن‏.‏‏—‏ يۇ‌ھاننا 7:‏16،‏ 46‏.‏

ئۇ خۇ‌دانىڭ مېھىر-‏مۇ‌ھە‌ببىتىنى ئە‌كس ئە‌تتۈرگە‌ن.‏ ئە‌يسا پە‌يغە‌مبە‌ر ھە‌مدە كىشىلە‌رگە ئىچ ئاغرىغاچ،‏ ئۇ‌لار ھېسداشلىق قىلغان.‏ «پۈتۈن بە‌دىنىنى ماخاۋ قاپلاپ كە‌تكە‌ن بىر كىشى» ئۇ‌نىڭغا:‏ «ھە‌زرىتىم،‏ ئە‌گە‌ر خالىسىڭىز،‏ سىز مېنى پاك قىلالايسىز!‏»،‏—‏ دە‌پ يالۋۇ‌رغاندا،‏ ھە‌زرىتى ئە‌يسا ئۇ‌نىڭغا ئىچ ئاغرىتىپ،‏ «قولىنى تە‌گكۈزۈپ:‏ «خالايمە‌ن،‏ پاك بولغىن!‏»—‏ دېدى.‏ ئۇ كىشى ماخاۋ كېسىلىدىن شۇ‌ئان ساقايدى» (‏لۇ‌قا 5:‏12،‏ 13؛‏ ماركۇ‌س 1:‏41،‏ 42‏)‏.‏ ئە‌يسا كە‌مبە‌غە‌للە‌رنى ئازاب-‏ئوقۇ‌بە‌تلە‌ردىن خالاس قىلىشنى ھە‌قىقە‌تە‌ن خالىغان ئىدى.‏

ئە‌يسا مە‌سىھ سىزگىمۇ غە‌مخورلۇ‌ق قىلامدۇ؟‏ ئۇ ئۆزى جاۋاب بېرىدۇ:‏ «ئە‌ي جاپاكە‌شلە‌ر ۋە ئېغىر يۈكنى ئۈستىگە ئالغانلار!‏ ھە‌ممىڭلار يېنىمغا كېلىڭلار،‏ مە‌ن سىلە‌رگە ئاراملىق بېرە‌ي.‏ مە‌ن مۇ‌لايىم ۋە كە‌متە‌رمە‌ن،‏ مېنىڭ بويۇ‌نتۇ‌رۇ‌قۇ‌مغا كىرىپ،‏ مە‌ندىن ئۆگىنىڭلار.‏ شۇ‌نداق قىلغاندا جېنىڭلار ئارام تاپىدۇ»‏‏.‏‏—‏ مە‌تتا 11:‏28،‏ 29‏.‏

ھە‌زرىتى ئە‌يسادىنمۇ ياخشىراق ھۆكۈمرانىمىز يوقتۇ‌ر.‏ ھە‌تتا،‏ ئۇ ئۆزى بىزنى:‏ «يېنىمغا كېلىڭلار»،‏—‏ دە‌پ چاقىرغان.‏ ئۇ‌نىڭ كۆڭۈلگە ئىلھامبە‌خش ئېتىدىغان تە‌كلىپنى قوبۇ‌ل قىلامسىز؟‏ شۇ تە‌كلىپنى قوبۇ‌ل قىلىش بە‌خت-‏سائادە‌تلىك تۇ‌رمۇ‌شقا يېتە‌كلە‌يدۇ!‏