4-بۆلۈم
خۇدا كىم؟
ئادەملەر نۇرغۇن ئىلاھلارغا ئىبادەت قىلىشىدۇ. ئەمما، مۇقەددەس كىتاب پەقەت بىرلا ھەق ئاللا بار، دەپ تەلىم بېرىدۇ. ئۇ يېگانە تەڭدىشى يوق، ئەڭ ئۇلۇغ ۋە مەڭگۈ بار بولغۇچىدۇر. ئۇ ئاسمان ۋە يەردىكى بارلىق مەۋجۇداتلارنى ياراتقان، بىزلەرگە ھاياتلىق بەرگەن. شۇڭا، يالغۇز ئۇنىڭغىلا ئىبادەت قىلىش خاستۇر.
قەدىمقى ئۆلۈك دېڭىز قول يازمىلىرى خۇدانىڭ ئىسىمىنى كۆرسىتىدۇ
ئاللانىڭ نۇرغۇن نام-ئۇنۋانلىرى بار، ئەمما ئۇنىڭ خاس ئىسىمى يەھۋا. ئۇ مۇسا پەيغەمبەرگە: «ئىسرائىل ئوغۇللىرىغا مۇنداق ئېيتقىنكى، مېنى سىلەرگە ئاتا-بوۋىلىرىڭلارنىڭ خۇداسى، ئىبراھىم، ئىسھاق ۋە ياقۇپنىڭ خۇداسى يەھۋا ئەۋەتتى. بۇ مېنىڭ مەڭگۈلۈك ئىسىمىمدۇر ۋە ئەۋلادتىن ئەۋلادقىچە مەن بۇ ئىسىم بىلەن يادقا ئېلىنىمەن»،— دەپ بۇيرۇق قىلغان (چىقىش 3:15). مۇقەددەس يازمىلاردا يەھۋا دېگەن ئىسىم 7000 قېتىمچە ئۇچرايدۇ. زەبۇر 83:18-ئايەتتە خۇدا ھەققىدە، «ئىسىمى يەھۋا بولغان سەن، پۈتكۈل يەر يۈزى ئۈستىدە ئەڭ ئۇلۇغ بولغۇچىدۇرسەن»،— دەپ يېزىلغان.
«پەرىشتىلەر ئارقىلىق مۇسا پەيغەمبەرگە» تەۋرات قانۇنى چۈشۈرۈلگەن
ھېچبىر ئىنسان خۇدانى كۆرگىنى يوق. خۇدا مۇسا پەيغەمبەرگە: «سەن يۈزۈمنى كۆرەلمەيسەن. چۈنكى، مېنى كۆرگەن ھېچبىر كىشى تىرىك قالمايدۇ»،— دېگەن (چىقىش 33:20). خۇدا ئاسمانلاردا ئورۇن ئالغان ۋە ئىنسانلار ئۇنى كۆرەلمەيدۇ. خۇداغا ۋەكىللىك قىلىدۇ، دەپ بۇتلار ۋە سۈرەتلەرنى ياساپ، ئۇنىڭغا چوقۇنۇش خاتا. يەھۋا ئاللا مۇسا پەيغەمبەرگە: «ئۆزۈڭ ئۈچۈن يۇقىرىدا ئاسماندا، تۆۋەندە يەردە ۋە يەر ئاستىدىكى ياكى سۇدىكى ھېچقانداق بىر نەرسىنىڭ شەكلىدە ئويما بۇت ياكى سۈرەتلەرنى ياسىما. ئۇلارغا سەجدە ياكى خىزمەت قىلما. چۈنكى مەن، خۇدايىڭ يەھۋا، مۇتلەق ساداقەتنى تەلەپ قىلىدىغان خۇدادۇرمەن»،— دەپ بۇيرۇق بەرگەن (چىقىش 20:2–5). كېيىنچە، خۇدا يەنە يەشايا پەيغەمبەرگە: «مەن يەھۋامەن، بۇ مېنىڭ ئىسىمىمدۇر. ئۆز ئۇلۇغلۇقۇمنى باشقا بىرىگە، ماڭا سۇنۇلغان ھەدھىيىلەرنى ئويما بۇتلارغا بەرمەيمەن»،— دېگەن.— يەشايا 42:8.
گەرچە بەزىلەر خۇداغا ئىشەنسىمۇ، ئۇ توغرىسىدا بىلىش ۋە ئۇنىڭغا يېقىنلىشىش مۇمكىن ئەمەس، دەپ قاراپ، ئۇنى سۆيۈشنىڭ ئورنىغا، ۋەھىمىگە چۈشۈپ قورقىشىدۇ. سىز ئۆزىڭىز قانداق قارايسىز؟ خۇدا شەخسەن سىزگە كۆڭۈل بۆلەمدۇ؟ سىز ئۇ توغرىسىدا بىلىمگە ئىگە بولالامسىز؟ ھەتتا ئۇنىڭغا يېقىنلىشالامسىز؟ تۆۋەندە مۇقەددەس يازمىلارنىڭ، خۇدانىڭ خاسلىقى توغرىسىدا نېمە دەيدىغانلىقىنى كۆرۈپ باقايلى.
بۇلارغىمۇ قىزىقىشىڭىز مۇمكىن
مۇقەددەس كىتابنىڭ ئاساسىي تەلىملىرى
خۇدانىڭ ئىسمى بارمۇ؟
خۇدانىڭ نۇرغۇن ئۇنۋانلىرى بار. ئۇلارنىڭ بەزىلىرى: ھەممىگە قادىر، ياراتقۇچى ۋە رەب. لېكىن خۇدانىڭ خاس ئىسمى مۇقەددەس كىتابتا 7000 قېتىم ئۇچرايدۇ.
