ئەركىنلىكنىڭ خۇداسى بولغان يەھۋاغا خىزمەت قىلايلى
«يەھۋا خۇدا — روھ، يەھۋانىڭ روھى بولغان جايدا ئەركىنلىك باردۇر» (كورىنتلىقلارغا 2-خەت 3:17).
ناخشىلار: 11، 137
1، 2. ئا) نېمە ئۈچۈن ئەركىنلىك ۋە قۇللۇق پاۋلۇسنىڭ زامانىدا مۇھىم بىر مەسىلە بولغان؟ ئە) پاۋلۇسنىڭ ئېيتىشىچە ھەقىقىي ئەركىنلىكنىڭ مەنبەسى كىم؟
دەسلەپكى مەسىھىيلەر رىم ئىمپېرىيىسىدە ياشىغانىدى. شۇ يەردە ياشىغان ئادەملەر رىملىقلارنىڭ قانۇن، سوت تۈزۈمى ۋە ئەركىنلىكىدىن بەك پەخىرلەنگەن. شۇنداق بولسىمۇ، ئېغىر ئىشنىڭ كۆپىنچىسىنى قۇللار قىلغانىدى. بىر ۋاقىتتا، رىم ئىمپېرىيىسىدىكى ئۈچ ئادەمنىڭ بىرى قۇل بولغان. ئەركىنلىك ۋە قۇللۇق مەسىلىسى ئاددىي خەلىقنى، شۇ جۈملىدىن مەسىھىيلەرنىمۇ قىزىقتۇرغان.
2 ئەلچى پاۋلۇس ئەركىنلىك ھەققىدە پات-پات يازغان. ئەمما، ئۇ شۇ ۋاقىتتا ياشىغان كۆپ ئادەملەرگە ئوخشاش، بۇ دۇنيادىكى مەسىلىلەرنى ھەل قىلىشقا تىرىشمىغان. بۇنىڭ ئورنىغا، پاۋلۇس ۋە باشقا مەسىھىيلەر كۆپ تەر تۆكۈپ، ئادەملەرگە خۇدا پادىشاھلىقى ھەققىدىكى خۇش خەۋەرنى يەتكۈزگەن ۋە ئەيسا مەسىھنىڭ تۆلەم قۇربانلىقى قانچىلىك قىممەت-باھالىق ئىكەنلىكىنى چۈشىنىشكە ياردەم بەرگەن. پاۋلۇس مەسىھىيلەرگە ھەقىقىي ئەركىنلىكنىڭ مەنبەسى كىم ئىكەنلىكىنى ئېيتقان. ئۇ: «يەھۋا خۇدا — روھ، يەھۋانىڭ روھى كورىنتلىقلارغا 2-خەت 3:17).
بولغان جايدا ئەركىنلىك باردۇر»،— دەپ يازغان (3، 4. ئا) كورىنتلىقلارغا 2-خەت 3:17نىڭ ئالدىدىكى ئايەتلەردە پاۋلۇس نېمە ھەققىدە ئېيتقان؟ ئە) يەھۋادىن كەلگەن ئەركىنلىككە ئىگە بولۇش ئۈچۈن نېمە قىلىشىمىز كېرەك؟
3 پاۋلۇس كورىنتلىقلارغا يازغان ئىككىنچى خېتىدە مۇسا پەيغەمبەر سىناي تېغىدىن چۈشكەندە نېمە بولغانلىقىنى ئېيتقان. شۇ يەردە يەھۋا خۇدا مۇسا بىلەن پەرىشتىسى ئارقىلىق سۆزلەشكەن. مۇسانىڭ ئۈزىدىن نۇر ياغدى! ئىسرائىللىقلار بۇنى كۆرۈپ قورقۇپ كەتكەنلىكتىن، مۇسا ئۈزىنى ياپقۇچ بىلەن يېپىۋالدى (چىقىش 34:29، 30، 33؛ كورىنتلىقلارغا 2-خەت 3:7، 13). پاۋلۇس: «لېكىن يەھۋاغا مۇراجىئەت قىلغاندا، ياپقۇچ ئېلىنىدۇ»،— دەپ چۈشەندۈرگەن (كورىنتلىقلارغا 2-خەت 3:16). پاۋلۇس نېمە دېمەكچى بولغان؟
4 ئاۋۋالقى ماقالىدىن بىلگىنىمىزدەك، پەقەت ياراتقۇچىمىز يەھۋا چەكسىز ئەركىنلىككە ئىگە. دېمەك، «يەھۋانىڭ روھى بولغان جايدا ئەركىنلىك باردۇر». ئەگەر بىز مۇشۇنداق ئەركىنلىككە ئېرىشىشنى خالىساق، پاۋلۇس ئېيتقاندەك، يەھۋاغا مۇراجىئەت قىلىشىمىز كېرەك. بۇ ئۇنىڭ بىلەن ياخشى مۇناسىۋەتتە بولۇشنى بىلدۈرىدۇ. چۆلدە بولغان ئىسرائىللىقلار ھەممىگە يەھۋانىڭ ئەمەس، ئىنسانىي كۆزقاراش بىلەن قارىغان. ئۇلارنىڭ يۈرەكلىرى ۋە ئەقىللىرى ياپقۇچ بىلەن يېپىلغاندەك بولغان. ئۇلار يېڭىدىن پەيدا بولغان ئەركىنلىكىنى ئۆزىنىڭ ھەۋەسلىرىنى قانائەتلەندۈرۈش ئۈچۈن ئىشلىتىشنى خالىغان (ئىبرانىيلارغا 3:8—10).
ھەتتا قۇللۇقتا ياكى تۈرمىدە بولغان ئادەمنىڭ ئۆزى ئەركىنلىككە ئېرىشەلەيدۇ
5. ئا) يەھۋانىڭ روھى بىزنى قانداق ئازاتلىققا يەتكۈزەلەيدۇ؟ ئە) بىرى قۇللۇقتا ياكى تۈرمىدە ئولتۇرسىمۇ، يەھۋا بېرىدىغان ئەركىنلىككە ئېرىشەلەيدىغانلىقىنى نەدىن بىلىمىز؟ ب) قانداق سوئاللارنىڭ جاۋابىنى كۆرۈپ چىقىمىز؟
5 يەھۋانىڭ روھى بېرىدىغان ئەركىنلىك قۇللۇقتىن ئازات بولۇشتىنمۇ ئاجايىپ. بۇ روھ ئىنسانلار ھېچقاچان بېرەلمەيدىغان ئەركىنلىكنى بېرىدۇ. ئۇ بىزنى گۇناھ بىلەن ئۆلۈمدىن، يالغان دىن بىلەن ئۇنىڭغا باغلىق ئۇرپ-ئادەتلەرنىڭ قۇللىقىدىن ئازات قىلىدۇ (رىملىقلارغا 6:23؛ 8:2). بۇ نېمە دېگەن ئاجايىپ ئەركىنلىك! ھەتتا قۇللۇقتا ياكى تۈرمىدە بولغان ئادەمنىڭ ئۆزى بۇ ئەركىنلىككە ئېرىشەلەيدۇ (يارىتىلىش 39:20—23). خورست خېنشېل بىلەن يرىخ فروست بۇرادەرلەر ئېتىقادى ئۈچۈن بىرنەچچە يىل قاماقتا ئولتۇرسىمۇ، ئۇلاردا مۇنداق ئەركىنلىك بولغان. ئۇلارنىڭ ئۆز ھاياتى توغرىسىدا ئېيتىپ بەرگەنلىكىنى JW Broadcasting تېلېۋىزىيىسىدىن كۆرەلەيسىز (سۆھبەتلەر ۋە ۋەقەلەر > سىناقلارغا بەرداشلىق بېرىش دېگەن توپلامغا قاراڭ). ھازىر ئىككى سوئالنىڭ جاۋابىنى كۆرۈپ چىقايلى: ئەركىنلىكىمىز بىز ئۈچۈن بەك قىممەتلىك ئىكەنلىكىنى قانداق ئىسپاتلىيالايمىز؟ ئەركىنلىكىمىزنى قانداق قىلىپ دانالىق بىلەن ئىشلىتەلەيمىز؟
يەھۋا بېرىدىغان ئەركىنلىك بەك باھالىق
6. ئىسرائىللىقلارنىڭ يەھۋا بەرگەن ئەركىنلىك ئۈچۈن مىننەتدار بولمىغانلىقىنى نېمىدىن كۆرۈنگەن؟
6 بىرى بىزگە قىممەت-باھالىق سوۋغاتنى بەرگەندە، بىز شۇ ئادەمگە مىننەتدار بولىمىز. ئىسرائىللىقلار بولسا، يەھۋا بەرگەن ئەركىنلىكنى قەدىرلىمىگەن. مىسىرنىڭ قۇللىقىدىن ئازات سانلار 11:5، 6، 10؛ 14:3، 4). بۇ بىز ئۈچۈن مۇھىم ساۋاق.
بولغىنىغا بىرنەچچە ئاي بولغاندا، ئۇلار شۇ يەردە يەپ-ئىچكەن تاماقنى سېغىنىشقا باشلغانىدى. ئۇلار يەھۋا بەرگەن ماننانى ياقتۇرماي، نارازىلىق بىلدۈرگەن. ھەتتا، مىسىرغا قايتقۇسى كەلگەن! ئىسرائىللىقلار ئۈچۈن يەھۋاغا ئىبادەت قىلىشقا مۇمكىنچىلىك بېرىدىغان ئەركىنلىكتىن «بېلىق بىلەن خاڭگا، قوغۇن بىلەن گۈدى، پىياز بىلەن سامساق» مۇھىمىراق بولغان. شۇڭا، يەھۋانىڭ ئۇلارغا غەزەپلەنگەنلىكى ھەيران قالدۇرمايدۇ (7. كورىنتلىقلارغا 2-خەت 6:1دىكى نەسىھىتىنى پاۋلۇس ئۆزى قانداق قوللاندى ۋە بىز ئۇنى قانداق قوللىنالايمىز؟
7 پاۋلۇس ھەممە مەسىھىيلەرنى يەھۋا خۇدا ئوغلى ئەيسا مەسىھ ئارقىلىق بەرگەن ئەركىنلىكنى قەدىرلىمەسلىكتىن ئاگاھلاندۇرغان (كورىنتلىقلارغا 2-خەت 6:1نى ئوقۇڭ). پاۋلۇس مۇكەممەلسىز، گۇناھنىڭ ۋە ئۆلۈمنىڭ قۇلى بولغان. شۇڭا، ئۆزىنى بەك ناچار سەزگەن. ئەمما ئۇ: «ھاكىمدارىمىز ئەيسا مەسىھ ئارقىلىق خۇداغا شۈكۈر!»— دەپ ئېيتقانىدى. ئۇ نېمە ئۈچۈن شۇنداق دېگەن؟ پاۋلۇس بۇنى قېرىنداشلىرىغا چۈشەندۈرۈپ: «روھنىڭ قانۇنى مەسىھ ئەيسا بىلەن بىرلىكتە ھاياتلىق بېرىپ، سېنى گۇناھ ۋە ئۆلۈم قانۇنىدىن ئازات قىلدى»،— دېگەن (رىملىقلارغا 7:24، 25؛ 8:2). بىزمۇ پاۋلۇسغا ئوخشاش، يەھۋانىڭ بىزنى گۇناھ ۋە ئۆلۈمنىڭ قۇللىقىدىن ئازات قىلغانلىقىنى ھېچقاچان ئۇنتۇماسلىقىمىز كېرەك. تۆلەم بىزگە خۇداغا پاك ۋىجدان بىلەن خىزمەت قىلىشقا يول ئېچىپ، ھەقىقىي خۇشاللىق بېرىدۇ (زەبۇر 40:8).
تاللاش ئەركىنلىكىڭىزنى يەھۋانىڭ ئىرادىسىنى ئورۇنلاش ئۈچۈن ئىشلىتەمسىز ياكى ئۆز ئارزۇ-ئىستەكلىرىمىز بويىچە ھەرىكەت قىلامسىز؟ (8—10 ئابزايسلارغا قاراڭ)
8، 9. ئا) ئەركىنلىكىمىزنى قانداق ئىشلىتىش ھەققىدە ئەلچى پېترۇس قانداق ئاگاھلاندۇرۇش ئېيتقان؟ ئە) بىرى ئەركىنلىكىنى قانداق قىلىپ ناتوغرا ئىشلىتىشى مۇمكىن؟
8 يەھۋاغا مىننەتدار ئىكەنلىكىمىزنى ئېيتىپلا قويماي، ئەركىنلىكىمىزنى ناتوغرا ئىشلىتىشتىن ئېھتىيات قىلىشىمىز كېرەك. مەسىلەن، ئەلچى پېترۇس ئەركىنلىكىمىزنى يامان ئىشلارنى ئاقلاش ئۈچۈن پايدىلىنىشتىن ئاگاھلاندۇرغان (پېترۇسنىڭ 1-خېتى 2:16نى ئوقۇڭ). بۇ ئاگاھلاندۇرۇش چۆلدە ئىسرائىللىقلار بىلەن نېمە بولغانلىقىنى ئېسىمىزغا سالىدۇ. بۈگۈنكى كۈندە بىز ئۈچۈن بۇ ئاگاھلاندۇرۇشنىڭ مۇھىملىقى بۇرۇنقىدىنمۇ زور. سەۋەبى شەيتان ۋە ئۇنىڭ دۇنياسى بىزگە كىيىنىش، يەپ-ئىچىش، كۆڭۈل كۆتۈرۈش ئۈچۈن كۆپلىگەن يېقىملىق نەرسىلەر بىلەن قىزىقتۇرىۋاتىدۇ. چېۋەر ئېلان لاھىيىلىگۈچىلەر كېلىشكەن ئادەملەرنى ئىشلىتىپ، بىزنى ئۆزۈمىزگە كېرەك ئەمەس قانداقتۇ بىر نەرسىنى سېتىۋېلىشىمىز كېرەك دېگەنگە ئىشەندۈرىدۇ. بۇ دۇنيانىڭ تۇزىغىغا چۈشۈپ، ئەركىنلىكىمىزنى ناتوغرا ئىشلىتىشنى باشلاش ئاسان بولۇشى مۇمكىن.
9 پېترۇسنىڭ نەسىھىتى بىلىم ئېلىش، ئىشقا كىرىش ۋە مەنسەپ قوغلاشتەك مۇھىم ئىشلار بىلەن باغلىنىشلىق. مەسىلەن، بۈگۈن ياشلارغا ياخشى ئۇنىۋېرسىتېتتا ئوقۇش ئۈچۈن كۆپ تەر تۆكۈش كېرەك دەپ، ھەر تەرەپتىن بېسىم قىلىنىۋاتىدۇ. كۆپچىلىك ئۇلارغا ئالىي بىلىم ئالسا، ياخشى ئىشقا كىرىپ، كۆپ پۇل تاپىدىغان ۋە ھۆرمەتكە ئىگە ئادەم بولىدىغانلىقىنى ئېيتىدۇ. بۇ ئادەملەر ئۇنىۋېرسىتېتتا ئوقۇغانلار مەكتەپتە ئوقۇغانلارغا قارىغاندا، كۆپرەك پۇل تاپىدىغانلىقىنى ئىسپاتلايدىغان مەلۇماتنى كەلتۈرۈشى مۇمكىن. پۈتكۈل ھاياتىغا تەسىر قىلىدىغان قارارنى چىقارغاندا، ئالىي بىلىم ئېلىش ياشلارغا ياخشى مۇمكىنچىلىك بولۇپ كۆرۈنىدىغاندۇ. لېكىن، ياشلار ۋە ئاتا-ئانىلىرى نېمىنى ئەستە تۇتۇشى كېرەك؟
10. شەخسىي ئىشلاردا تېگىشلىك قارار قىلغاندا، نېمىنى ئەستە تۇتۇشىمىز كېرەك؟
10 بىرلىرى: «بۇ ھەركىمنىڭ شەخسىي مەسىلىسى، شۇڭا ۋىجدانى ئازاپلىمىسا، ئادەم ئۆزى خالىغان نەرسىنى تاللىسا بولىدۇ»،— دەپ ئويلىشى مۇمكىن. ئۇلار پاۋلۇسنىڭ: «نېمە ئۈچۈن مېنىڭ ئەركىنلىكىمنى باشقا بىرسىنىڭ ۋىجدانى ھۆكۈم قىلىشىغا يول قويۇشۇم كېرەك؟»— دېگەن سۆزلىرىنى كەلتۈرىدىغاندۇ (كورىنتلىقلارغا 1-خەت 10:29). قانداق بىلىم ئېلىپ، قانداق ئىشقا تۇرۇشنى تاللاش ھوقۇقىمىز بولسىمۇ، ئەركىنلىكىمىزنىڭ چەكلىك ئىكەنلىكىنى ۋە قارارلىرىمىزنىڭ ئاقىۋېتى بولىدىغانلىقىنى ئۇنتۇماسلىقىمىز كېرەك. شۇ سەۋەبتىن پاۋلۇس مۇنداق دېگەن: «ھەممە نەرسە قانۇنىي، ئامما بارلىقى پايدىلىق ئەمەس. ھەممە نەرسە قانۇنلۇق، بىراق بارلىقى مۇستەھكەملىمەيدۇ» (كورىنتلىقلارغا 1-خەت 10:23). شۇڭا، شەخسىي ئىشلاردا قارار قىلىش ئەركىنلىكىمىز بولسىمۇ، خاھىشلىرىمىز ئەڭ مۇھىم ئورۇندا تۇرماسلىقى كېرەك.
خۇداغا خىزمەت قىلساق، ئەركىنلىكىمىزنى دانا قوللىنىمىز
11. يەھۋا بىزنى نېمە ئۈچۈن ئازات قىلغان؟
11 پېترۇس ئەركىنلىكىمىزنى ناتوغرا ئىشلىتىش ھەققىدە ئاگاھلاندۇرغاندا، ئۇنى «رەبنىڭ قۇللىرىدەك» ئىشلىتىشىمىزنىڭ توغرا بولىدىغانلىقىنى ئېيتقان. يەھۋا پۈتكۈل ھاياتىمىزنى ئۇنىڭغا خىزمەت قىلىشقا بېغىشلىشىمىز ئۈچۈن، بىزنى ئەيسا ئارقىلىق گۇناھ بىلەن ئۆلۈمنىڭ قۇللىقىدىن ئازات قىلغان.
ئەركىنلىكىمىزنى ئىشلىتىشنىڭ ئەڭ ياخشى ئۇسۇلى — ۋاقتىمىز ۋە كۈچىمىزنى يەھۋاغا خىزمەت قىلىشقا بېغىشلاش
12. نۇھ ۋە ئۇنىڭ ئائىلىسى بىز ئۈچۈن قانداق ئۈلگە قالدۇرغان؟
12 ئەركىنلىكىمىزنى ئىشلىتىشىنىڭ ئەڭ ياخشى ئۇسۇلى — ۋاقتىمىز بىلەن كۈچىمىزنى يەھۋاغا پۈتۈنلەي خىزمەت قىلىشقا بېغىشلاش. شۇنداق قىلساق، بۇ دۇنياغا خاس بولغان مەقسەتلەر ۋە شەخسىي ھەۋەسلەر ھاياتىمىزدا بىرىنچى ئورۇندا بولمايدۇ (گالاتىلىقلارغا 5:16). نۇھ ۋە ئۇنىڭ ئائىلىسى نېمە قىلغانلىقى ھەققىدە ئويلىنىڭ. ئۇلار ۋەھشىي ۋە ئەخلاقسىز دۇنيادا ياشىغان. بىراق ئۇلار ئەتراپتىكى ئادەملەرنىڭ مەقسەتلىرى بىلەن ئىشلىرىغا قاتناشمىغانىدى. ئۇلار يەھۋا بۇيرىغان ئىش بىلەن بەنت بولغان. نۇھ ۋە ئۇنىڭ ئائىلىسى كېمىنى ياساپ، ئۆزلىرىگە ۋە ھايۋاناتلارغا ئوزۇق يىغىپ تەييارلىغان ۋە باشقىلارنى توپان سۇ ھەققىدە ئاگاھلاندۇرغان. «نۇھ ھەممىنى خۇدا ئۇنىڭغا بۇيرىغاندەك قىلدى. ئۇ نەق شۇنداق قىلدى» (يارىتىلىش 6:22). نەتىجىدە، شۇ دۇنيا ۋەيران قىلىنغاندا، نۇھ ئائىلىسى بىلەن ئامان قالغان (ئىبرانىيلارغا 11:7).
13. يەھۋا بىزگە قانداق بۇيرۇق بەرگەن؟
13 بۈگۈنكى كۈندە يەھۋا بىزگە قانداق بۇيرۇق بەردى؟ بىز ئەيسانىڭ ئەگەشكۈچىلىرى بولغانلىقتىن، خۇدا بىزگە ۋەز قىلىشنى بۇيرىغانلىقىنى بىلىمىز (لۇقا 4:18، 19نى ئوقۇڭ). بۈگۈن شەيتان كۆپلىگەن ئادەملەرنىڭ ئەقىللىرىنى قارغۇ قىلىۋەتتى. شۇ سەۋەبتىن ئۇلار يالغان دىن، مال-دۇنيا ۋە سەياسىي تۈزۈمىنىڭ قۇلى بولغانلىقىنى چۈشەنمەيدۇ (كورىنتلىقلارغا 2-خەت 4:4). ئەيساغا ئوخشاش، بىز ئادەملەرگە ئەركىنلىكنىڭ خۇداسى يەھۋانى تونۇپ-بىلىشكە ۋە ئۇنىڭغا خىزمەت قىلىشقا ياردەم بېرىش شان-شەرىپىگە ئىگە (مەتتا 28:19، 20). باشقىلارغا ۋەز قىلىش ئاسان ئەمەس. بەزى يەرلەردە كىشىلەر خۇدا ھەققىدە بىلىم ئېلىشنى خالىمايدۇ، ھەتتا بىز ئۇلارغا ۋەز قىلغاندا، بەزىلىرى غەزەپلىنىدۇ. بىراق، يەھۋا بىزگە ۋەز قىلىشنى بۇيرىغانلىقتىن، ئۆزۈمىزدىن: «ئەركىنلىكىمنى يەھۋاغا كۆپرەك خىزمەت قىلىش ئۈچۈن ئىشلىتىمەنمۇ؟»— دەپ سورىشىمىز كېرەك.
14، 15. خۇدانىڭ كۆپ خىزمەتچىسى قانداق قارار قىلغان؟ (ماقالىنىڭ بېشىدىكى رەسىمگە قاراڭ.)
14 يەھۋانىڭ كۆپ خىزمەتچىلىرى بۇ دۇنيانىڭ ئاخىرى بەك يېقىن ئىكەنلىكىنى چۈشىنىپ، ھاياتىنى ئاددىيلاشتۇرۇشنى ۋە تولۇق ۋاقىتلىق خىزمەت قىلىشنى تاللىغانلىقى بىزنى ئىلھاملاندۇرىدۇ (كورىنتلىقلارغا 1-خەت 9:19، 23). بەزى پىدائىي ۋەز ئېيتقۇچىلار ئۆزلىرى تۇرغان يەردە خىزمەت قىلىپ، باشقىلىرى بولسا، ياردەمگە مۇھتاج جامائەتلەرگە كۆچۈپ بارىدۇ. يېقىنقى بەش يىل ئىچىدە 250000دىن ئارتۇق قېرىنداش تولۇق ۋاقىتلىق خىزمەتنى باشلىغان ۋە ھازىر 1100000دىن كۆپرەك قېرىنداش پىدائىي ۋەز ئېيتقۇچى بولۇپ خىزمەت قىلماقتا. شۇنچىلىك كۆپ قېرىنداش ئۆز ئەركىنلىكىنى يەھۋاغا شۇنداق خىزمەت قىلىش ئۈچۈن ئىشلەتكەنلىكى نېمە دېگەن ئاجايىپ! (زەبۇر 110:3).
15 ئۇلارغا ئەركىنلىكىنى دانالىق بىلەن ئىشلىتىشكە نېمە ياردەم بەرگەن؟ مۇشۇ 30 يىل جەريانىدا، بىرنەچچە دۆلەتتە خىزمەت قىلغان جون بىلەن جۇدىنىڭ مىسالىنى قاراپ باقايلى. ئۇلارنىڭ ئېيتىشىچە، 1977-يىلى پىدائىي ۋەز ئېيتقۇچىلارنى تەربىيىلەش مەكتىپى باشلانغاندا، ئوقۇغۇچىلار ۋەز ئېيتقۇچىلار ئاز يەرلەرگە كۆچۈپ، شۇ يەردە خىزمەت قىلىشقا دەۋەت قىلىنغان. بۇ مەقسەتكە يېتىش ئۈچۈن جون بىلەن جۇدى ھاياتىنى ئاددىيلاشتۇرۇشى كېرەك ئىدى. شۇڭا، جون ئىشىنى پات-پات ئالماشتۇرۇپ تۇرغان. ئاخىرى، ئۇلار چەت ئەلگە ۋەز قىلىش ئۈچۈن كۆچۈپ كەتكەن. ئۇلارغا يېڭى تىلنى ئۆگىنىشكە ۋە ھاۋا رايىغا كۆنۈشكە نېمە ياردەم بەرگەن؟ جون بىلەن ئايالى يەھۋاغا دۇئا قىلىپ، ئۇنىڭ ياردىمىگە تايانغان. ئۇلار شۇنچە يىلاردىن بۇيان خۇداغا خىزمەت قىلغان ۋاقتى ھەققىدە ياقۇپ 4:8دىكى: «خۇداغا يېقىنلىشىڭلار ھەم ئۇمۇ سىلەرگە يېقىنلىشىدۇ» دېگەن سۆزلەرنى ياخشىراق چۈشىنىدىغان بولدۇم. ھاياتنىڭ مەناسىنى ئىزدەپ تاپتىم»،— دەپ ئېيتقان.
نېمە ئويلايدۇ؟ جون: «بۇ ھاياتىمدىكى بېرىلىپ ئورۇنلىغان ئەڭ ئاجايىپ ئىش بولدى دەپ ئويلايمەن. يەھۋا مەن ئۈچۈن ھەقىقىي شەخس بولۇپ، خۇددى مېھرىبان ئاتىدەك بولۇپ كەتتى.16. مىڭلىغان قېرىنداش ئۆز ئەركىنلىكىنى قانداق ئىشلەتكەن؟
16 بەزىلىرى جون بىلەن جۇدىغا ئوخشاش ئۇزۇن يىللار پىدائىي ۋەز ئېيتقۇچى بولۇپ خىزمەت قىلالايدۇ. باشقىلار ئۆز مۇمكىنچىلىكىگە قاراپ، قىسقا ۋاقىت پىدائىي ۋەز ئېيتقۇچى بولالايدۇ. كۆپلىگەن قېرىنداشلار پىدائىي سۈپىتىدە دۇنيانىڭ جاي-جايلىرىدىكى قۇرۇلۇش ئىشلىرىغا قاتنىشىدۇ. مەسىلەن، ۋورۋىكتىكى (نيۇ-يورك) دۇنياۋىي باش ئىدارىنىڭ قۇرۇلۇشىغا تەخمىنەن 27000 قېرىنداش كاتناشقان. بىرلىرى ئىككى ھەپتىگە، يەنە بىرلىرى بىرنەچچە ئايغا، باشقىلىرى بولسا، بىر يىلغا ياكى ئۇنىڭدىن ئۇزۇن ۋاقىتقا كەلگەن. كۆپلىگەن قېرىنداشلار ۋورۋىكتا خىزمەت قىلىش ئۈچۈن قۇربانلىقلارنى بەرگەن. ئۇلار ئۆز ئازاتلىقىنى ئەركىنلىكنىڭ خۇداسى يەھۋانى مەدھىيىلەش ئۈچۈن پايدىلىنىپ، ئاجايىپ ئۈلگە كۆرسەتكەن!
17. ئەركىنلىكىمىزنى دانالىق بىلەن قوللانساق، نېمىنى تاقەتسىزلىق بىلەن كۈتەلەيمىز؟
17 يەھۋانى تونۇپ-بىلگەنلىكىمىز ۋە ئۇنىڭغا ئىبادەت قىلىش ئارقىلىق ئېرىشكەن ئەركىنلىكىمىز ئۈچۈن چەكسىز مىننەتدارمىز. قانداق قارار قىلغانلىقىمىز بىلەن بۇ ئەركىنلىك بىز ئۈچۈن ناھايىتى قىممەت-باھالىق ئىكەنلىكىنى كۆرسىتەيلى. ئۇنى ناتوغرا ئىشلىتىشنىڭ ئورنىغا، يەھۋاغا بار كۈچىمىزنى سېلىپ خىزمەت قىلايلى. شۇ چاغدا بىز يەھۋانىڭ «ياراتما ئۆزىمۇ چىرىكلىشىش قۇللۇغىدىن قۇتۇلۇپ، خۇدانىڭ پەرزەنتلىرىنىڭ شەرەپلىك ئەركىنلىكىگە چىقىدۇ» دېگەن ۋەدىسى ئورۇنلانغاندا، بەرىكەتلەردىن بەھرىمەن بولالايمىز (رىملىقلارغا 8:21).