شەخسىي ئۆگىنىش تېخىمۇ ئۈنۈملۈك ھەم قىزىقارلىق بولۇشى ئۈچۈن نېمە قىلالايسىز؟
يەشۇئا ئىسرائىل خەلقىنى ۋەدە قىلىنغان زېمىنغا باشلاپ كىرىشى كېرەك ئىدى. بۇ ۋەزىپە ئاسان بولمىغان. ئەمما، يەھۋا ئۇنىڭغا: «جۈرئەتلىك بولۇپ، قورقما»،— دەپ كۈچ-مەدەت بەرگەن. ئاندىن خۇدا يەشۇئاغا ئەگەر ئۇ قانۇننى ئوقۇپ، ئۇنىڭغا ئەمەل قىلسا، يەشۇئانىڭ دانا قارارلارنى چىقىرىپ، ئۇتۇققا ئېرىشىدىغانلىقىنى ئېيتقان (يەشۇئا 1:7، 8).
بىز «ئادەتتىن تاشقىرى قىيىن ۋاقىتلاردا» ياشىۋاتقاچقا، بىزنىڭمۇ تۇرمۇشىمىز قىيىن بولۇشى مۇمكىن (تىموتىيغا 2-خەت 3:1). ئەگەر بىزمۇ يەشۇئاغا ئوخشاش ئۇتۇققا ئېرىشىشنى خالىساق، يەھۋانىڭ ئۇنىڭغا بەرگەن مەسلىھىتىگە قۇلاق سېلىشىمىز كېرەك. بىز مۇقەددەس كىتابنى ئوقۇشنى ئادەتكە ئايلاندۇرۇپ، ئۈگەنگەنلىرىمىزنى ئەمەلىيەتتە ئىشلىتىش ئارقىلىق دانا قارار چىقىرىشىمىز كېرەك.
بەلكىم، بەزىلىرىمىز قانداق تەتقىق قىلىشنى بىلمەسلىكىمىز ياكى ئىزدىنىشنى ئانچە ياخشى كۆرمەسلىكىمىز مۇمكىن. لېكىن، شەخسىي ئۆگىنىش ناھايىتى مۇھىم. سىزنىڭ ئىزدىنىشىڭىزنى ئۈنۈملۈك ھەم قىزىقارلىق قىلىشىڭىزغا « پايدىلىق مەسلىھەتلەر»، دېگەن رامكا ياردەم بېرىدۇ.
زەبۇر يازغۇچىسى مۇنداق دېگەن: «مېنى ئەمىرلىرىڭنىڭ يولىدا ماڭىدىغان قىلغايسەن، چۈنكى مەن ئۇلارنى خۇرسەنلىك دەپ بىلىمەن» (زەبۇر 119:35). سىزمۇ مۇقەددەس كىتابنى تەتقىق قىلىپ خۇشاللىققا ئېرىشەلەيسىز ۋە چوڭقۇر ئىزدىنىپ، نۇرغۇن روھىي غەزنىلەرنى توپلىيالايسىز.
گەرچە سىز يەشۇئاغا ئوخشاش خەلقكە يولباشچىلىق قىلمىسىڭىزمۇ، ئەمما ئۆزىڭىز دۇچ كېلىدىغان قىيىنچىلىقلار بار. شۇڭا، يەشۇئاغا ئوخشاش خۇدا سۆزىنى ئوقۇپ، ئۇنىڭغا بويسۇنۇڭ. شۇنداق قىلسىڭىز، دانا قارارلارنى چىقىرىپ، ئۇتۇققا ئېرىشىسىز.
