ئوقۇرمەنلەرنىڭ سوئاللىرى
ئەگەر ئېتىقادچى ئۆزىنىڭ نىكاھلىق جورىسى ئەمەس يات جىنسلىق كىشى بىلەن زۆرۈر ئەمەس ئەھۋالدا كېچىدە بىرگە قونۇپ قالسا، بۇ ئۇلار گۇناھ قىلغانلىق ھېسابلىنىپ، سوت كومىتېتىنى تەشكىللەش كېرەكمۇ؟
زۆرۈر ئەمەس ئەھۋالدا پەقەت شۇ ئىككىسى بىرگە قونۇپ قالغانلىقى ئۇلارنىڭ جىنسىي ئەخلاقسىزلىق قىلغانلىقىغا كۈچلۈك ئىسپات بولالايدۇ. شۇ سەۋەبتىن، ئەگەر ھېچقانداق بىر مۇھىم سەۋەبى بولمىسا، سوت كومىتېتىنى تەشكىللەش لازىم (كورىنتلىقلارغا 1-خەت 6:18).
ئاقساقاللار كېڭىشى سوت كومىتېتىنى تەشكىللەشنىڭ زۆرۈر ياكى زۆرۈر ئەمەسلىكىنى قارار قىلىش ئۈچۈن ھەربىر ۋەزىيەتنى ئەستايىدىل قاراپ چىقىدۇ. مەسىلەن، ئۇلار تۆۋەندىكى ۋەزىيەتلەرنى ئېنىقلايدۇ: ئۇلار مۇھەببەتلىشىپ يۈرگەنمۇ؟ ئاقساقاللار بۇرۇن ئىككىسىنىڭ مۇناسىۋىتى ھەققىدە ئۇلارغا مەسلىھەت بەرگەنمۇ؟ ئۇلار نېمە سەۋەبتىن كېچىدە بىرگە قونۇپ قالغان؟ شۇنداق قىلىشنى ئالدىن-ئالا پىلان قىلغانمۇ؟ ئۇلارنىڭ بىرگە قونۇپ قالماسلىقى ئۈچۈن باشقا ئاماللار تېپىلاتتىمۇ؟ ياكى بولمىسا كۈتۈلمىگەن ۋەقە ياكى جىددىي ئەھۋال تۈپەيلىدىن بىرگە قونۇپ قېلىشتىن باشقا ئاماللىرى يوق بولغانمۇ؟ (ۋەز 9:11). ئۇلار قەيەردە ئۇخلىدى؟ ھەربىر ۋەزىيەت بىر-بىرىگە ئوخشىمايدۇ، شۇڭا ئاقساقاللارنىڭ قارارىغا تەسىر قىلىدىغان باشقا سەۋەبلەرمۇ بولۇشى مۇمكىن.
ئاقساقاللار كېڭىشى ھەممە تەپسىلاتلارنى مۇھاكىمە قىلغاندىن كېيىن، سوت كومىتېتىنى تەشكىللەشنىڭ زۆرۈر ياكى ئەمەسلىكىنى قارار قىلىدۇ.
