ئاتا-ئانىلار، بالىلىرىڭلارغا قۇتقۇزۇلۇش ئۈچۈن دانا بولۇشقا ياردەم بېرىڭلار
«بوۋاق چېغىڭدىن مۇقەددەس يازمىلار بىلەن تونۇش بولغىنىڭ، سېنى مەسىھ ئەيسادىكى ئېتىقاد ئارقىلىق قۇتقۇزۇش ئۈچۈن دانا قىلالايدۇ» (تىموتىيغا 2-خەت 3:15).
ناخشىلار: 1، 41
1، 2. بالىلىرى يەھۋاغا ئۆزىنى بېغىشلاپ چۆمدۈرۈلۈش مۇراسىمىدىن ئۆتۈشنى خالىسا، بەزى ئاتا-ئانىلار نېمە سەۋەبتىن ئەنسىرىشى مۇمكىن؟
ھەر يىلى مۇقەددەس كىتابنى تەتقىق قىلىدىغان مىڭلىغان ئادەم يەھۋا خۇداغا ئۆزىنى بېغىشلاپ چۆمدۈرۈلۈش مۇراسىمىدىن ئۆتىدۇ. ئۇلارنىڭ ئارىسىدا ھەقىقەتتە چوڭ بولغان ياشلارمۇ بار. ئۇلار ئەڭ ياخشى ھايات يولىنى تاللىغان (زەبۇر 1:1—3). مەسىھىي ئاتا-ئانا بولسىڭىز، ئوغلىڭىزنىڭ ياكى قىزىڭىزنىڭ چۆمدۈرۈلۈش مەراسىمىدىن ئۆتۈشىنى تاقەتسىزلىك بىلەن كۈتىدىغانسىز (يوھاننانىڭ 3-خېتى 4 سېلىشتۇرۇڭ).
2 شۇنداق بولسىمۇ، بالىڭىز ئۈچۈن ئەنسىرىشىڭىز مۇمكىن. ئېھتىمال، چۆمدۈرۈلگەن بەزى ياشلارنىڭ ۋاقىت ئۆتۈپ، خۇدانىڭ تەلەپلىرىگە ماس ياشاشنىڭ ئۇلار ئۈچۈن پايدىلىق ئىكەنلىكىگە گۇمان قىلىشقا باشلىغانلىقىنى كۆرگەنسىز. بەزىلىرى ھەتتا ھەقىقەتنى تاشلاپ كېتىپ قالغاندۇ. شۇڭا، سىزنىڭمۇ بالىڭىز يەھۋاغا خىزمەت قىلىشنى باشلاپ، كېيىن ھەقىقەتكە بولغان مېھىر-مۇھەببىتىنى يوقۇتۇپ قويۇشىدىن قورقىدىغانسىز. ئۇ بىرىنچى ئەسىردىكى ۋەھىي 2:4). بالىڭىزغا مېھىر-مۇھەببىتىنى مەھكەم ساقلاپ، روھىي جەھەتتىن «ئۆسۈپ، نىجاتقا ئېرىشىشىگە» ياردەم بېرەلەيسىز؟ (پېترۇسنىڭ 1-خېتى 2:2). بىز تىموتىينىڭ ئۈلگىسىدىن ساۋاق ئالساق بولىدۇ.
ئەفەس شەھىرىدىكى ئېتىقادچىلاردەك بولۇپ قېلىشى مۇمكىن. ئەيسا ئۇلار «دەسلەپتە بولغان مېھىر-مۇھەببىتىنى» يوقىتىۋالدى، دەپ ئېيتقان («مۇقەددەس يازمىلار بىلەن تونۇشۇش»
3. ئا) تىموتىي قانداق قىلىپ مەسىھ ئەگەشكۈچىسى بولغان ۋە ئۇ ئالغان بىلىمى بىلەن نېمە قىلدى؟ ئە) پاۋلۇس تىموتىيغا ئۆگىنىشنىڭ قانداق ئۈچ تەرىپىنى كۆرسەتتى؟
3 ئەلچى پاۋلۇس لىسترا شەھىرىگە بىرىنچى قېتىم ب.م. 47-يىلى بارغان. بەلكىم، شۇ چاغدا، تىموتىي ئۆسمۈر بالا بولۇپ، ئەيسانىڭ تەلىملىرىنى ئۆگەنگەن. ئۇ بىلىۋالغانلىرىنى ئەمەلىيەتتە قوللىنىپ، ئىككى يىلدىن كېيىن پاۋلۇس بىلەن بىللە سەپەرگە چىقىشقا باشلىدى. تەخمىنەن 16 يىلدىن كېيىن پاۋلۇس تىموتىيغا مۇنداق يازغان: «سەن كىمدىن تەلىم ئالغىنىڭنى بىلىپ، ئۆگەنگىنىڭدە ھەم كۆز يەتكۈزگىنىڭدە تۇرغىن ۋە بوۋاق چېغىڭدىن مۇقەددەس يازمىلار [ئىبرانىي يازمىلار] بىلەن تونۇش بولغىنىڭ، سېنى مەسىھ ئەيسادىكى ئېتىقاد ئارقىلىق قۇتقۇزۇش ئۈچۈن دانا قىلالايدۇ» (تىموتىيغا 2-خەت 3:14، 15). بايقىسىڭىز، پاۋلۇس تىموتىينىڭ 1) مۇقەددەس يازمىلار بىلەن تونۇش بولغىنىنى، 2) ئۆگەنگىنىگە كۆز يەتكۈزگىنىنى، ۋە 3) مەسىھ ئەيسادىكى ئېتىقاد ئارقىلىق قۇتقۇزۇش ئۈچۈن دانا بولالايدىغانلىقىنى ئېيتقان.
4. كىچىك بالىلىرىڭىزغا ياردەم بېرىش ئۈچۈن قانداق قوراللاردىن پايدىلىنىسىز؟ (ماقالىنىڭ بېشىدىكى رەسىمگە قاراڭ).
4 مەسىھىي ئاتا-ئانا سۈپىتىدە سىز بالىڭىزنىڭ بۈگۈنكى كۈندە ئىبرانىي يازمىلار ۋە گرېك يازمىلاردىن ئىبارەت مۇقەددەس يازمىلارنى بىلىشىنى خالايدىغانلىقىڭىز سۆزسىز. ھەتتا، بەك كىچىك بالىلارمۇ مۇقەددەس كىتابتىكى ئادەملەر بىلەن ۋەقەلەر ھەققىدە ئۆگىنەلەيدۇ. يەھۋانىڭ تەشكىلاتى ئاتا-ئانىلارنىڭ بالىلىرىغا ياردەم بېرەلىشى ئۈچۈن كۆپلىگەن كىتابلار، كىتابچىلار ۋە فىلىملارنى نەشىر قىلدى. بۇلارنىڭ قايسىسى سىزنىڭ تىلىڭىزدا بار؟ بالىڭىز يەھۋا بىلەن يېقىن مۇناسىۋەتنى راۋاجلاندۇرۇشى ئۈچۈن مۇقەددەس كىتابتا نېمە يېزىلغانلىقىنى بىلىشى كېرەك.
«كۆز يەتكۈزۈش»
5. ئا) تىموتىينىڭ نېمىگە «كۆزى يەتتى»؟ ئە) تىموتىينىڭ ئەيسا ھەققىدىكى خۇش خەۋەرگە ئىشەنگەنلىكىنى نەدىن بىلىمىز؟
5 بالىڭىزغا مۇقەددەس كىتابتىكى ئادەملەر بىلەن ۋەقەلەر ھەققىدە بىلىم بېرىشلا يېتەرلىك ئەمەس. ئېسىڭىزدە بولسا، تىموتىي ئۆگەنگەنلىرىگە «كۆز يەتكۈزگەن»، يەنى ئۇلارنىڭ ھەقىقەت ئىكەنلىكىگە ئىشەنچى كامىل بولغان. ئۇ ئىبرانىي يازمىلارنى «بوۋاق چېغىدىن»، يەنى كىچىكىدىن ئۆگىنىپ ئۆسكەن. كېيىنىرەك ئۇ ئەيسانىڭ مەسىھ ئىكەنلىكىگە كۆز يەتكۈزدى. تىموتىينىڭ ئېتىقادى كۈچلۈك بولغان، ئۇ چۆمدۈرۈلۈش مۇراسىمىدىن ئۆتۈپ، پاۋلۇس بىلەن يات ئەل خەلقى ئارىسىدا ۋەز قىلىش خىزمىتىدە بولغانىدى.
6. بالىلىرىڭىزنىڭ مۇقەددەس كىتابقا بولغان ئىمان-ئېتىقادىنى كۈچەيتىشىگە قانداق ياردەم بېرەلەيسىز؟
6 سىزنىڭمۇ بالىلىرىڭىز ئۆگەنلىرىگە تىموتىيغا ئوخشاش «كۆز يەتكۈزۈشى» ئۈچۈن، ئۇلارنىڭ ئېتىقادىنى مۇستەھكەملەشكە قانداق ياردەم بېرەلەيسىز؟ ئەڭ ئاۋال، سەۋۋرچان بولۇڭ. مۇستەھكەم ئېتىقادنى يېتىلدۈرۈش ۋاقىت تەلەپ قىلىدۇ. سىز بىرەر نەرسىگە ئىشەنسىڭىز، بۇ بالىلىرىڭىزنىڭمۇ چوقۇم رىملىقلارغا 12:1نى ئوقۇڭ). ئاتا-ئانا سۈپىتىدە سىز بالىلىرىڭىزغا، بولۇپمۇ ئۇلار سوئال قويغاندا، ئىشەنچىنى يېتىلدۈرۈشىگە زور ياردەم بېرەلەيسىز. ھازىر، بىر ئاتىنىڭ مىسالىدىن قانداق ساۋاق ئالالايدىغانلىقىمىزنى كۆرۈپ چىقايلى.
شۇنىڭغا ئىشىنىدىغانلىقىنى بىلدۈرمەيدۇ. مۇقەددەس كىتابقا بولغان ئىشەنچىنى ئاشۇرۇش ئۈچۈن ھەربىر بالا ئۆزىنىڭ «ئەقلىنى ئىشلىتىشى» لازىم (7، 8. ئا) بىر بۇرادەر قىزىغا تەلىم بەرگەندە قانداقلارچە سەۋرچانلىق كۆرسەتكەن؟ ئە) سىز قاچان بالىڭىزغا سەۋرچانلىق كۆرسىتىشىڭىز كېرەك؟
7 توماس 11 ياشلىق قىزىنىڭ ئۇنىڭغا بەزىدە تۆۋەندىكىدەك سوئاللارنى قويىدىغانلىقىنى ئېيتتى: «يەھۋا يەردە ھاياتلىقنى پەيدا قىلىش ئۈچۈن تەدرىجىي تەرەققىياتنى ئىشلىتىشى مۇمكىنمۇ؟» ياكى «نېمىشقا بىز يەر يۈزىدىكى ئەھۋالنى ياخشىلاش ئۈچۈن سايلامغا ئوخشاش جەمئىيەت ئىشلىرىغا قاتناشمايمىز؟» مۇنداق چاغدا توماس ئاسان يولنى ئىزدەپ، قىزىغا نېمىگە ئىشىنىش كېرەكلىكىنى ئۇدۇل ئېيتىپلا قويۇشتىن ساقىلانغان. چۈنكى، ئۇ ئادەمنىڭ قانداقتۇ بىر نەرسىنىڭ راستلىقىغا كۆز يەتكۈزۈش ئۈچۈن بىر چوڭ ھەقىقەتنى ئەمەس، كۆپلىگەن كىچىك ئىسپاتلارنى كۆرۈشى كېرەكلىكىنى چۈشەنگەن.
8 شۇنداقلا، توماس تەلىم بەرگەندە سەۋرچان بولۇش كېرەكلىكىنىمۇ بىلگەن. ئەمەلىيەتتە، خۇدا خىزمەتچىلىرىنىڭ ھەممىسى سەۋرچان بولۇشى لازىم (كولوسىلىقلارغا 3:12). توماس قىزىنىڭ ئېتىقادىنى كۈچەيتىشىگە ياردەم بېرىش ئۈچۈن، بىر مەزگىل ۋاقىت كېتىدىغانلىقىنى ۋە ئۇنىڭ بىلەن كۆپ پاراڭلىشىش كېرەكلىكىنى كۆرۈپ يەتكەن. ئۇ قىزى بىلەن مۇقەددەس كىتابتا يېزىلغانلار ھەققىدە مۇلاھىزە قىلىشنىڭ زۆرۈرلىكىنى بىلگەن. ئۇ مۇنداق دەيدۇ: «مۇھىم ماۋزۇلارغا كەلگەندە، ئايالىم ئىككىمىز قىزىمىزنىڭ بۇنىڭغا ھەقىقەتەن ئىشىنىدىغانلىقىغا ۋە ياخشى چۈشەنگەنلىكىگە كۆز يەتكۈزۈشنى خالايمىز. قىزىمىزنىڭ سوئاللىرى بولسا، خۇشال بولىمىز. ئەگەر سوئال قويماستىن، بىر نەرسە بىلەن كېلىشسە، مەن ئەنسىرەيتىم».
9. بالىلىرىڭىزنىڭ خۇدا سۆزىگە بولغان ئىشەنچىنى كۈچەيتىشىگە قانداق ياردەم بېرەلەيسىز؟
9 ئاتا-ئانىلىرى سەۋرچانلىق بىلەن تەلىم بەرگەندە، ۋاقىت ئۆتۈپ بالىلىرى ھەقىقەتنىڭ «كەڭلىك، ئۇزۇنلۇق، ئېگىزلىك ھەم چوڭقۇرلۇغىنى» چۈشىنىشكە باشلايدۇ (ئەفەسلىكلەرگە 3:18). تەلىم بەرگەن چاغدا بالىلارنىڭ يېشى بىلەن ئويلاش قابىلىيىتىنى نەزەردە تۇتۇشىمىز كېرەك. ئۆگىنىپ بىلگەنلىرىگە ئىشەنچى مۇستەھكەملەنگەندە، ئۇلار باشقىلارنىڭ، مەسىلەن سىنىپداشلىرىنىڭ ئالدىدا ئۆز كۆزقارىشىنى ئاسان چۈشەندۈرەلەيدۇ (پېترۇسنىڭ 1-خېتى 3:15). مەسىلەن، بالىلىرىڭىز ئادەم ئۆلگەندىن كېيىن ئۇنىڭ بىلەن نېمە بولىدىغانلىقىنى مۇقەددەس كىتابنىڭ ئاساسىدا چۈشەندۈرۈپ بېرەلەمدۇ؟ ئۇنىڭدا يېزىلغانلارنى ئۆزلىرى ياخشى چۈشىنەمدۇ؟ * (ئىزاھاتقا قاراڭ). بالىلىرىڭىزنىڭ خۇدا سۆزىگە بولغان ئىشەنچىنى كۈچەيتىشىگە ياردەم بېرىش ئۈچۈن سەۋرچانلىق كېرەكلىكىنى ئۇنتۇماڭ، بۇنداق قىلىپ جاپا جېكىشكە توغرا كەلسىمۇ، بۇ ھەقىقەتەن ئەرزىيدۇ (تەكرار قانۇن 6:6، 7).
10. تەلىم بېرىشنىڭ يەنە قانداق مۇھىم بىر تەرىپى بار؟
10 ئەلۋەتتە، بالىلارنىڭ ئېتىقادىنى كۈچەيتىشىگە ياردەم بېرىش ئۈچۈن،
ئاتا-ئانىلارنىڭ ئۆز ئۈلگىلىرى ھەم ناھايىتى مۇھىم. ئۈچ قىزنىڭ ئانىسى ستېفانى مۇنداق دەيدۇ: «قىزلىرىم كىچىك بولغاندا ھەردائىم ئويلايدىغىنىم: «بالىلىرىمغا يەھۋانىڭ بار ئىكەنلىكىگە، بىزنى ياخشى كۆرىدىغانلىقىغا ۋە ئۇنىڭ يوللىرى ئەڭ ياخشى ئىكەنلىكىگە ئۆزۈمنىڭ نېمىشقا ئىشىنىدىغانلىقىمنى ئېيتىمەنمۇ؟ مېنىڭ يەھۋانى ھەقىقەتەن سۆيىدىغانلىقىمنى ئۇلار ئېنىق كۆرەلەمدۇ؟» ئۆزۈم ئىشەنمىسەم، بالىلىرىم قانداقلارچە ئىشىنىدۇ؟».«قۇتقۇزۇش ئۈچۈن دانا بولۇش»
11، 12. دانالىق دېگىنىمىز نېمە ۋە ئۇ ئادەمنىڭ يېشىغا باغلىق ئەمەسلىكىنى نەدىن بىلىمىز؟
11 بىز تىموتىينىڭ 1) مۇقەددەس يازمىلار ھەققىدە بىلىم ئالغانلىقىنى ۋە 2) ئۆگەنگەنلىرىگە ئۆزىنىڭ ھەقىقىي ئىشەنچ قىلغانلىقىنى بىلىۋالدۇق. ئۇنداقتا، مۇقەددەس يازمىلاردىكى دانالىق تىموتىينى قۇتقۇزۇشقا ئېرىشتۈرىدىغانلىقىنى ئېيتقاندا، پاۋلۇس نېمە دېمەكچى بولغان؟
12 «مۇقەددەس يازمىلارنى چوڭقۇر چۈشىنىش»، دېگەن كىتابنىڭ 2-تومىدا يېزىلغاندەك، مۇقەددەس كىتابتىكى دانالىق سۆزىنىڭ مەنىسى: «بىلىمىمىز ۋە چۈشىنىش قابىلىيىتىمىزنى قىيىنچىلىقلارنى ھەل قىلىش، خەۋپنىڭ ئالدىنى ئېلىپ ئۇنىڭدىن نېرى تۇرۇش ۋە بەلگۈلۈك مەقسەتلەرگە يېتىش ئۈچۈن ئىشلىتىش كېرىدۇ. ئۇ ئەخمەقلىككە قارىمۇ-قارشى خىسلەت». مۇقەددەس كىتابتا: «نادانلىق سەبى بالىلارنىڭ قەلبىگە باغلاغلىقتۇر»،— دەپ يېزىلغان (پەندى-نەسىھەت 22:15). دانالىق بولسا ئەخمەقلىقا قارمۇ-قارىشى خىسلەت بولغاچ، شۇڭا دانالىق يېتىلىشنىڭ بىر بەلگۈسى. روھىي جەھەتتىن يېتىلگەن ئادەم — يەھۋادىن قورقىدىغان ۋە ئۇنىڭغا قۇلاق سالىدىغان ئادەم. يېتىلىش ئادەمنىڭ يېشىغىلا باغلىق ئەمەس (زەبۇر 111:10نى ئوقۇڭ).
13. قۇتقۇزۇلۇشقا يەتكۈزىدىغان دانالىققا ئىگە ئىكەنلىكىنى ياشلار قانداق كۆرسىتەلەيدۇ؟
13 قانداقتۇ بىر دەرىجىدە روھىي يېتىلگەن ياشلار «ھەرقانداق تەلىماتنىڭ شامىلى بىلەن سەنتۈرۈلۈپ» يۈرمەيدۇ. ئۇلار ئۆز ھەۋەسلىرىگە ياكى باشقا ياشلارنىڭ تەسىرىگە بېرىلمەيدۇ (ئەفەسلىكلەرگە 4:14). ئەكسىچە، «ئاڭ-زېھىنلىرىنى» «ياخشى بىلەن ياماننى پەرق ئېتىشكە» ئۆگىتىدۇ (ئىبرانىيلارغا 5:14). شۇڭا، ئۇلار ئاتا-ئانىسى ياكى باشقا چوڭ كىشىلەر كۆرمىگەن چاغدىمۇ دانا قارارلارنى قىلىدۇ (فىلىپپىلىقلارغا 2:12). مۇنداق دانالىق قۇتقۇزۇلۇش ئۈچۈن زۆرۈر (پەندى-نەسىھەت 24:14نى ئوقۇڭ). بالىلىرىڭىزنىڭ دانالىققا ئىگە بولۇشىغا قانداق ياردەم بېرەلەيسىز؟ گەپ-سۆزىڭىز ۋە ئىش-ھەرىكىتىڭىز بىلەن مۇقەددەس كىتابتىكى ئۆلچەملەرگە ئەمەل قىلىدىغانلىقىڭىزنى كۆرسىتىڭ. خۇدا سۆزىدىكى پرىنسىپلارغا ماس ياشاشقا تىرىشقانلىقىڭىز بالىلىرىڭىزغا ئېنىق كۆرۈنۈشى كېرەك (رىملىقلارغا 2:21—23).
ئاتا-ئانا ھارىماي-تالماي ھەرىكەت قىلىشى كېرەك؟ (14—18 ئابزاسلارغا قاراڭ)
14، 15. ئا) چۆمدۈرۈلۈش مۇراسىمىدىن ئۆتمەكچى بولغان ياشلار نېمە ھەققىدە ئويلىنىشى كېرەك؟ ئە) بالىڭىزغا خۇدا قانۇنلىرى ئېلىپ كېلىدىغان بەرىكەتلەر ھەققىدە مۇلاھىزە قىلىشقا قانداق ياردەم بېرەلەيسىز؟
14 ئەمما، بالىلىرىڭىزنىڭ ئېتىقادنى كۈچەيتىشكە ياردەم بېرىش ئۈچۈن ئۇلارغا نېمىنىڭ توغرا، نېمىنىڭ ناتوغرا ئىكەنلىكىنى ئېيتىپلا قويۇش يېتەرلىك ئەمەس. ئۇلار بىلەن بۇ ھەققىدە مۇلاھىزە قىلىڭ: «نېمىشقا مۇقەددەس كىتاب يېقىملىق بولۇپ كۆرۈنىدىغان نەرسىلەرنى مەنئىي قىلىدۇ؟ مۇقەددەس كىتابتىكى تەلەپلەر مېنىڭ ئۈچۈن دائىم پايدىلىق ئىكەنلىكىگە نېمە ئۈچۈن ئىشەنچىم كامىل بولۇشى كېرەك؟» (يەشايا 48:17، 18).
15 بالىڭىز چۆمدۈرۈلۈش مۇراسىمىدىن ئۆتۈشنى ماركۇس 10:29، 30). بۇ مەسىلىلەر توغرىسىدا چۆمدۈرۈلۈش مۇراسىمىدىن ئۆتۈشتىن ئاۋۋال چوڭقۇر ئويلىنىش بەك مۇھىم. بالىڭىزغا ئىتائەتچانلىق ئېلىپ كېلىدىغان بەرىكەتلەر بىلەن ئىتائەتسىزلىكنىڭ ئاقىۋېتى توغرۇلۇق مۇلاھىزە قىلىشقا ياردەم بېرىڭ. شۇ چاغدا ئۇ مۇقەددەس كىتابنىڭ تەلەپلىرىگە ماس ياشاشنىڭ ھەرقاچان پايدىلىق ئىكەنلىكىگە كۆز يەتكۈزەلەيدۇ (تەكرار قانۇن 30:19، 20).
خالىسا، بۇ قەدەمنىڭ قانداق مەسئۇلىيەتنى ئۆز ئۈستىگە ئالىدىغانلىقى ھەققىدە ئويلاشقا دەۋەت قىلىڭ. ئۇ بۇ جاۋاپكارلىققا قانداق قارايدۇ؟ بۇ قەدەم قانداق بەرىكەتلەرنى ئېلىپ كېلىدۇ؟ قانداق قىيىنچىلىقلار پەيدا بولۇشى مۇمكىن؟ نېمە ئۈچۈن بەرىكەتلىرى قىيىنچىلىقلاردىن كۆپرەك بولىدۇ، دەپ ئېيتالايمىز؟ (چۆمدۈرۈلۈشتىن كېيىن پەيدا بولغان گۇمانلار
16. چۆمدۈرۈلۈشتىن ئۆتكەن بالىسىنىڭ ئېتىقادى ئاجىزلاشقا باشلىغان ئاتا-ئانىلار نېمە قىلىشى كېرەك؟
16 بالىڭىز چۆمدۈرۈلۈش مۇراسىمىدىن ئۆتۈپ، ھەقىقەتكە گۇمانلىنىشقا باشلىسا، نېمە قىلالايسىز؟ بەلكىم، ئوغلۇڭىز ياكى قىزىڭىز بۇ دۇنيادىكى نەرسىلەرگە قىزىقىدىغاندۇ. ياكى بولمىسا، مۇقەددەس كىتابتىكى پرىنسىپلارغا ماس ھەرىكەت قىلىشنىڭ ئەڭ توغرا ھايات يولى ئىكەنلىكىگە گۇمانى پەيدا بولغاندۇ (زەبۇر 73:1—3، 12، 13). مۇنداق چاغدا سىزنىڭ قانداق ھەرىكەت قىلغانلىقىڭىز بالىڭىزنىڭ داۋاملىق يەھۋاغا خىزمەت قىلىدىغان-قىلمايدىغانلىقىغا تەسىر قىلىشى مۇمكىن. بالىڭىز تېخى كىچىك بالا ياكى ئۆسمۈر بولسۇن، بۇ مەسىلە ھەققىدە تالاش-تارتىش قىلماسلىققا تىرىشىڭ. ئەكسىچە، ئۇنى قاتتىق ياخشى كۆرىدىغانلىقىڭىزنى ۋە ياردەم بېرىدىغانلىقىڭىزنى بىلدۈرۈڭ.
17، 18. ياش ئېتىقادچىدا گۇمان پەيدا بولسا، ئاتا-ئانىسى ئۇنىڭغا قانداق ياردەم بېرەلەيدۇ؟
17 چۆمدۈرۈلۈش مۇراسىمىدىن ئۆتكەن ياشلار ئۆزىنى يەھۋاغا بېغىشلغان. يەھۋاغا ئۆزىنى بېغىشلىغاندا، ئۇنى پۈتۈن ۋۇجۇدى بىلەن ياخشى كۆرۈشكە ۋە ئۇنىڭغا خىزمەت قىلىشنى بىرىنچى ئورۇنغا قويۇشقا ۋەدە بەرگەن (ماركۇس 12:30نى ئوقۇڭ). يەھۋا خۇدا ئۆزىنى بېغىشلاشنى ناھايىتى مۇھىم ۋەدە دەپ ھېسابلايدۇ، بىزمۇ ئۇنىڭغا شۇنداق كۆزقاراشتا بولۇشىمىز كېرەك (ۋەز 5:4، 5). بۇنى بالىڭىزنىڭ ئېسىگە سېلىڭ. لېكىن، ئاۋۋال يەھۋانىڭ تەشكىلاتى ئاتا-ئانىلار ئۈچۈن نەشىر قىلغان ماتېرىياللارنى ئوقۇپ تەتقىق قىلىڭ. كېيىن، قولايلىق ۋاقىتنى تاللاپ، مېھرىبانلىق بىلەن بالىڭىزغا يەھۋاغا ئۆزىنى بېغىشلاپ چۆمدۈرۈلۈش مۇراسىمىدىن ئۆتۈش ئارقىلىق ئۇنىڭ بەك مۇھىم بىر قەدەم باسىدىغانلىقىنى، ئەمما سان-ساناقسىز بەرىكەتلەرگە ئېرىشىدىغانلىقىنى ئېيتىڭ.
18 مەسىلەن، «ياشلارنىڭ سوئاللىرى. ئەمەلىي مەسلىھەتلەر» كىتابىنىڭ 1-تومىنىڭ (خەنزۇچە) ئاخىرقى بەتلىرىدىكى «ئاتا-ئانىلارنىڭ سوئاللىرى» قوشۇمچىسىدىن ياخشى مەسلىھەتلەرنى تاپالايسىز. ئۇنىڭدا ئاتا-ئانىلار ئۆسمۈر بالىلىرى ھەقىقەتتىن ۋاز كەچتى، دېگەن خۇلاسىگە كېلىشكە ئالدىرىماي، ئەكسىچە مەسىلىنىڭ ماھىيىتىنى چۈشىنىشكە تىرىشىشى كېرەكلىكى يېزىلغان. بەلكىم، بالا تەڭتۇشلىرىنىڭ بېسىمىغا دۇچ كېلىپ ياكى يالغۇزلۇق سېزىمى بىلەن قىينىلىۋاتقاندۇ. ياكى بولمىسا، باشقا ياشلارغا قاراپ ئۇلارغا ئوخشاش يەھۋاغا كۆپ خىزمەت قىلماسلىق ھەققىدە ئويلىنىپ يۈرگەندۇ. شۇ قۇشۇمچە سوئاللاردا يېزىلغاندەك، بالىنىڭ شۇنداق قىيىنچىلىقلىرى بولسا، ئۇ چوقۇم كۆزقارىشىڭىزغا قارشى ئىكەنلىكىنى بىلدۈرمەيدۇ. ئادەتتە، مۇنداق قىيىنچىلىقلارغا دۇچ كەلگەنلىكى باشقا بىر ۋەزىيەتنىڭ ئاقىۋېتى بولۇشى مۇمكىن. شۇنداقلا بۇ قوشۇمچىدە ئاتا-ئانىنىڭ ھەقىقەتكە گۇمانلىنىۋاتقان بالىسىغا قانداق ياردەم بېرەلەيدىغانلىقىغا مۇناسىۋەتلىك مەسلىھەتلەر بار.
19. ئاتا-ئانىلار بالىلىرىغا «قۇتقۇزۇلۇش ئۈچۈن دانا بولۇشقا» قانداق ياردەم بېرەلەيدۇ؟
19 ئاتا-ئانا سۈپىتىدە، سىز بالىلىرىڭىزنى «يەھۋا بۇيرىغاندەك تەربىيىلىشىڭىز ھەم نەسىھەت بېرىشىڭىز» كېرەك. بۇ — چوڭ مەسئۇلىيەت ھەم ئىمتىياز (ئەفەسلىكلەرگە 6:4). بىلگىنىمىزدەك، ئاتا-ئانا بالىلىرىغا مۇقەددەس كىتابتا يېزىلغانلارنى ئۆگىتىشى ۋە بىلگەنلىرىنىڭ راست ئىكەنلىكىگە كۆز يەتكۈزۈشكە ياردەم بېرىشى كېرەك. ئېتىقادى مۇستەھكەم بولغاندا، ئۇلار ئۆزلىرىنى يەھۋاغا بېغىشلاپ، چۆمدۈرۈلۈش مۇراسىمىدىن ئۆتۈشكە ئىنتىلىدۇ. ئۇنداقتا، يەھۋانىڭ سۆزى ۋە روھى ھەمدە ئەجىر-مېھنىتىڭىز ئارقىلىق بالىلىرىڭىز قۇتقۇزۇلۇش ئۈچۈن دانا بولسۇن!
^ 9-ئابزاس «مۇقەددەس كىتابتا زادى نېمە ھەقىقەت بار؟» دېگەن تەتقىق قىلىش قوراللىرى ياشلارغىمۇ، چوڭلارغىمۇ مۇقەددەس كىتاب ھەقىقەتلىرىنى ھەم ئۆزى ياخشى چۈشىنىپ، ھەم باشقىلارغا چۈشەندۈرۈشكە ياردەم بېرىدۇ. سىز ئۇلارنى org.jw تور بېكىتىدىن كۆپلىگەن تىللاردا تاپالايسىز. نەشىرى ماتېرىياللار > كىتابلار ۋە كىتابچىلار، دېگەن يەرگە قاراڭ.