«خۇداغا ئۈمىد باغلاپ ئىشىنىمەن»
«ئاخىرقى ئادەم ئاتا ھاياتلىق بېرىدىغان روھ بولدى» (كورىنتلىقلارغا 1-خەت 15:45).
ناخشىلار: 12، 19
1—3. ئا) بىزنىڭ ئاساسىي تەلىملىرىمىز نېمىدىن ئىبارەت؟ ئە) نېمە ئۈچۈن تىرىلىش شۇنچىلىك مۇھىم؟ (ماقالىنىڭ بېشىدىكى رەسىمگە قاراڭ.)
بەزى ئادەملەر دىنى ئېتىقادىڭىز ھەققىدە ئاساسىي تەلىملەرنى سورىسا، قانداق جاۋاب بېرىسىز؟ ئەلۋەتتە، يەھۋا خۇدانىڭ ياراتقۇچى ۋە ھايات بەرگۈچى ئىكەنلىكىنى ئېيتىسىز. شۇنىڭ بىلەن، ئەيسا مەسىھ ئۆز ھاياتىنى تۆلەم سۈپىتىدە بەرگىنىگە ئىشىنىدىغانلىقىڭىزنى دەيسىز. كېلەچەكتە يەر يۈزىدە جەننەت ئورنىتىلىدىغانلىقىنى، ئاندىن خۇدانىڭ خىزمەتچىلىرى مەڭگۈ ھايات كەچۈرىدىغانلىقىنى تىلغا ئېلىشىڭىز سۆزسىز. لېكىن، تىرىلىش ئۈمىدىنىڭ سىزنى ئەڭ خۇشال قىلىدىغان تەلىملەرنىڭ بىرى ئىكەنلىكىنى ئېيتامسىز؟
2 بۈيۈك ئاپەتتە ئامان قېلىپ، يەر يۈزىدە مەڭگۈ ھايات كەچۈرۈشكە ئۈمىدىمىز بولسىمۇ، تىرىلىشنى ئاساسىي تەلىملىرىمىزنىڭ بىرى، دەپ قاراشقا مۇھىم سەۋەبلەر بار. ئەلچى پاۋلۇس تىرىلىشنىڭ نېمىشقا مۇھىم ئىكەنلىكىنى كۆرسەتكەن. ئۇ: «ئۆلۈپ كەتكەنلەر تىرىلمىسە، مەسىھمۇ تىرىلمىدى»،— دېگەن. ئەيسا تىرىلمىگەن بولسا، ئاسماندا پادىشاھ سۈپىتىدە ھۆكۈمرانلىق قىلالمايتى ۋە بىزنىڭ خىزمىتىمىز پايدىسىز بولاتتى (كورىنتلىقلارغا 1-خەت 15:12—19نى ئوقۇڭ). بىراق، بىز ئەيسانىڭ تىرىلگەنلىكىنى بىلىمىز. بۇنىڭغا ئىشەنگەنلىكتىن، ئۆلگەنلەرنىڭ تىرىلىشىنى قەتئىي رەت قىلغان سادۇقىيلارغا ئوخشىمايمىز. ھەتتا باشقىلار بىزنى زاڭلىق قىلسىمۇ، خۇدانىڭ ئۆلگەنلەرنى تىرىلدۈرىدىغانلىقىغا ئىشەنچىمىز كامىل (ماركۇس 12:18؛ ئەلچىلەر 4:2، 3؛ 17:32؛ 23:6—8).
3 پاۋلۇس «ئۆلگەنلەرنىڭ تىرىلىشى» توغرىسىدىكى تەلىماتنىڭ «مەسىھ ھەققىدىكى باشلانغۇچ تەلىملەرگە» كىرىدىغانلىقىنى يازغان (ئىبرانىيلارغا 6:1، 2). ئۇنىڭ ئۆزى تىرىلىشكە ئىشەنگەنلىكىنى تەكىتلەپ ئۆتكەن (ئەلچىلەر 24:10، 15، 24، 25). بۇ تەلىم باشلانغۇچ تەلىم، يەنى خۇدا سۆزىدىكى ئاساسىي ھەقىقەت بولۇپ تونۇلسىمۇ، تىرىلىش ھەققىدە ئەستايىدىل تەتقىق قىلغىنىمىز ياخشى (ئىبرانىيلارغا 5:12). نېمە ئۈچۈن؟
4. تىرىلىش ھەققىدە قانداق سوئاللار پەيدا بولۇشى مۇمكىن؟
4 ئادەملەر مۇقەددەس كىتابنى تەتقىق قىلىشنى باشلىغاندا، بۇرۇن ياشىغانلارنىڭ، مەسىلەن لازارنىڭ تىرىلگەنلىكى ھەققىدە ئوقالايدۇ. شۇنداقلا ئۇلار ئىبراھىم، ئايۇپ ۋە دانىيال پەيغەمبەرلەرنىڭ كېلەچەكتە ئۆلگەنلەر چوقۇم تىرىلىدۇ، دەپ ئىشەنگەنلىكى ھەققىدە بىلىۋالىدۇ. ئۇنداقتا، كىمدۇر بىرسى نەچچە يۈز يىللار ئىلگىرى قىلىنغان بۇ ۋەدىلەرگە نېمە سەۋەبتىن ئىشىنىدىغانلىقىڭىزنى سورىسا، مۇقەددەس كىتابتىن قانداق دەلىل كەلتۈرەلەيسىز؟ مۇقەددەس كىتابتا كېلەچەكتىكى تىرىلىش قاچان يۈز بېرىدىغانلىقى يېزىلغانمۇ؟ بۇ سوئاللارنىڭ جاۋابى ئېتىقادىمىزنى مۇستەھكەملەيدۇ.
نەچچە يۈز يىللار ئىلگىرى بېشارەت قىلىنغان تىرىلىش
5. بىز ئاۋۋال نېمىنى قاراپ چىقىمىز؟
5 يېقىندا ئۆلۈپ كەتكەن ئادەمنىڭ تىرىلىپ قايتا ھايات ياشىغانلىقىنى تەسەۋۋۇر قىلىش ئاسان بولۇشى مۇمكىن (يوھاننا 11:11؛ ئەلچىلەر 20:9، 10). لېكىن، نۇرغۇن يىللار، ھەتتا ئەسىرلەر ئىلگىرى ئۆلۈپ كەتكەنلەر كېلەچەكتە تىرىلىدۇ، دېگەن ۋەدىگە ئىشىنىشكە بولامدۇ؟ بۇ ۋەدە مەيلى بۇرۇن ياكى يېقىندا ئۆلۈپ كەتكەن ئادەم ھەققىدە بولسىمۇ، ئۇنىڭغا ئىشىنەلەمسىز؟ ئەمەلىيەتتە، بىز نەچچە يۈز يىللار ئىلگىرى ۋەدە قىلىنغان، ئاندىن يۈز بەرگەن بىر تىرىلىشكە ئىشىنىمىز. ئۇ كىمنىڭ تىرىلىشى ۋە ئۇنىڭ كېلەچەكتە بولىدىغان تىرىلىش بىلەن قانداق باغلىنىشى بار؟
6. زەبۇرنىڭ 118-بابىدىكى بېشارەتنىڭ ئەيسا بىلەن قانداق باغلىنىشى بار؟
6 زەبۇرنىڭ 118-بابىنىڭ ياردىمى بىلەن نۇرغۇن يىل ئىلگىرى بېشارەت قىلىنغان تىرىلىش ھەققىدە مۇھاكىمە قىلايلى. مۇشۇ بابنى داۋۇت پادىشاھ يازغان بولۇشى ئېھتىمال. بۇ بابتا «قۇتقۇزغايسەن، ئەي پەرۋەردىگار» ۋە «يەھۋانىڭ ئىسمىنى دەپ كېلىۋاتقان مۇبارەك بولسۇن!» دېگەن سۆزلەر بار. ئۆلۈمىدىن بىرنەچچە كۈن ئاۋۋال، ئەيسا 9-نىسان كۈنى يېرۇسالىمغا كىرىپ كەلگەندە، ئادەملەر مەسىھ توغرىسىدا مۇشۇ بېشارەتلىك سۆزلەرنى تىلغا ئالغان (زەبۇر 118:25، 26؛ مەتتا 21:7—9). ئەمما، زەبۇرنىڭ 118-بابىدا كېلەچەكتىكى تىرىلىش ھەققىدە نېمە يېزىلغان؟ مۇشۇ بابتا مۇنداق سۆزلەر بار: «تامچىلار تاشلىۋەتكەن تاش بولسا، بۇرجەك تېشى بولۇپ تىكلەندى» (زەبۇر 118:22).
قۇرۇلۇشچىلار مەسىھنى رەت قىلدى (7-ئابزاسقا قاراڭ)
7. يەھۇدىيلار ئەيسانى رەت قىلغان؟
7 مەسىھنى رەت قىلغان قۇرۇلۇشچىلار يەھۇدىي باشچىلارنى بىلدۈرىدۇ. ئۇلار ئەيساغا بىپەرۋالىق قىلىپ قالماستىن، ئۇنى مەسىھ سۈپىتىدە قوبۇل قىلىشنى رەت قىلغان. نۇرغۇنلىغان يەھۇدىيلار پىلاتۇستىن ئەيسانى ئۆلتۈرۈشنى تەلەپ قىلىپ، ئۇنى رەت قىلغانىدى (لۇقا 23:18—23). ھەئە، ئۇلارنىڭمۇ ھەم ئەيسانىڭ ئۆلۈمى ئۈچۈن جاۋابكارلىقى بار.
خۇدا ئەيسانى بۇرجەك تېشى بولۇش ئۈچۈن تىرىلدۈرگەن (8، 9-ئابزاسقا قاراڭ)
8. قانداقلارچە ئەيسا «بۇلۇڭغا قويۇلىدىغان ئۇل تاش بولدى»؟
زەبۇر 118:22دە يېزىلغان بېشارەتنى نەقىل كەلتۈردى (لۇقا 20:9—17). «يەھۇدىيلارنىڭ باشلىقلىرى، ئاقساقاللىرى ۋە تەۋرات ئۇستازلىرى يېرۇسالىمدا يىغىلغاندا» ئەلچى پېترۇس مۇشۇ ئايەتنى كەلتۈرگەن. «بۇ كىشى سىلەر تۈۋرۈككە مىخلىغان، ئەمما خۇدا تىرىلدۈرگەن ناسىرەلىك ئەيسا مەسىھ»،— دەپ ئېيتقان. ئاندىن: «ئەيسا — بۇ «سىلەر، قۇرۇلۇشچىلار، كېرەكسىز دەپ تاشلىغان تاش، بۇلۇڭغا قويۇلىدىغان ئۇل تاش بولدى»»،— دېدى (ئەلچىلەر 3:15؛ 4:5—11؛ پېترۇسنىڭ 1-خېتى 2:5—7).
8 ئەيسا رەت قىلىنىپ ئۆلتۈرۈلگەن بولسا، ئۇ قانداقلارچە «بۇرجەك تېشى» بولالايدۇ؟ بۇ ئەگەر ئۇ ئۆلۈمدىن تىرىلسە مۇمكىن بولىدۇ. ئەيسا بۇنى ئۈزۈمزارلىقىنى ئىجارىگە بەرگەن بىر خۇجايىن ھەققىدىكى مىسال بىلەن چۈشەندۈرگەنىدى. بۇ خۇجايىن ئىجارە ئالغان باغۋەنلەرگە ئۆز خىزمەتچىلىرىنى ئەۋەتىپتۇ، بىراق ئىجارە ئالغۇچىلار ئۇ ئەۋەتكەن خىزمەتچىلەرگە زىيانكەشلىك قىلىپتۇ. ئاخىرىدا ئۈزۈمزارلىقنىڭ ئېگىسى ئوغلىنى ئەۋەتىپ، ئۇنىڭغا ھۆرمەت كۆرسىتەر دەپ ئويلىغان بولسىمۇ، لېكىن ئۇلار ئوغلىنىمۇ ئۆلتۈرىۋېتىدۇ. ئەيسا مۇشۇ مىسالنى ئېيتقاندىن كېيىن،9. زەبۇر 118:22دە قانداق مۇھىم ۋەقە بېشارەت قىلىنغان؟
9 ھەئە، زەبۇر 118:22دە خاتىرىلەنگەن تىرىلىش ھەققىدىكى بېشارەت نەچچە يۈز يىللاردىن كېيىن ئەمەلگە ئاشقانلىقى ئېيتىلغان. مەسىھ رەت قىلىنغان ۋە ئۆلتۈرۈلگەن. ئەمما، تىرىلدۇرۈلگەندىن كېيىن، بۇلۇڭغا قويۇلغان ئۇل تاش بولغانىدى. مۇقەددەس كىتاب شۇنداق دەيدۇ: تىلدۈرۈلگەن ئەيسادىن باشقا ئادەملەرگە بېرىلگەن ئىسىم يوق، بۇ دېگەنلىك، يەنى ئەيسانىڭ ئىسمى ئارقىلىق «نىجات تېپىشىمىز» مۇمكىن (ئەلچىلەر 4:12؛ ئەفەسلىكلەرگە 1:20).
10. ئا) زەبۇر 16:10دا قانداق بېشارەت يېزىلغان؟ ئە) زەبۇر 16:10دىكى سۆزلەر داۋۇتقا قارىتىلمىغانلىقىنى نەدىن بىلىمىز؟
10 ئەمدى، كېلىڭ، تىرىلىش بىلەن مۇناسىۋەتلىك يەنە بىر ئايەتنى مۇھاكىمە قىلايلى. بۇ سۆزلەر نەچچە يىلدىن كېيىن ئەمەلگە ئاشتى. بۇ بىزگە تىرىلىش ھەققىدىكى ۋەدىنىڭ نۇرغۇن يىللاردىن كېيىن ئەمەلگە ئېشىشى مۇمكىن ئىكەنلىكىگە ئىشىنىشكە ئاساس بېرىدۇ. زەبۇرنىڭ 16-بابىدا داۋۇتنىڭ كېلەركى سۆزلىرىنى ئوقالايمىز: «چۈنكى جېنىمنى تەھتىسارادا قالدۇرمايسەن، شۇنداقلا سېنىڭ مۇقەددەس بەندەڭگە چىرىشلەرنى كۆرگۈزمەيسەن» (زەبۇر 16:10). داۋۇت ئۆزىنىڭ مەڭگۈ ئۆلمەيدىغانلىقى ۋە گۆردە بولمايدىغانلىقىنى ئېيتمىغان. خۇدا سۆزىدە داۋۇتنىڭ قېرىپ ئۆلگەنلىكى ھەم «ئۆز ئاتا-بوۋىلىرىغا قوشۇلۇپ راھەت تېپىپ، داۋۇتنىڭ شەھىرى دېگەن جايدا دەپن قىلىنغانلىغى» ئېنىق يېزىلغان (پادىشاھلار 1-يازما 2:1، 10). شۇنداق بولسا، بۇ سۆزلەر كىمگە قارىتىلغان؟
11. پېترۇس زەبۇر 16:10دىكى سۆزلەرنى قاچان چۈشەندۈرگەنىدى؟
11 داۋۇت مۇشۇ سۆزلەرنى يازغاندىن كېيىن، مىڭ يىلدىن كۆپرەك ۋاقىت ئۆتۈپ، پېترۇس زەبۇر 16:10دىكى سۆزلەر كىمگە قارىتىلغانلىقىنى چۈشەندۈرگەنىدى. ئەيسانىڭ ئۆلۈمىدىن بىرنەچچە ھەپتە ئۆتكەندىن كېيىن، پېترۇس مىڭلىغان يەھۇدىيلار ھەم يەھۇدىي دىنغا كىرگەنلەرگە سۆزلىگەن (ئەلچىلەر 2:29—32نى ئوقۇڭ). ئۇ داۋۇتنىڭ ئۆلگىنىنى ۋە دەپن قىلىنغانلىقىنى ئەسكە سالغانىدى. شۇنداقلا مۇقەددەس كىتابتا پېترۇس داۋۇتنىڭ «مەسىھنىڭ تىرىلىشىنى... ئالدىن-ئالا بىلگەنلىكىنى» ئېيتقاندا، ھېچكىم ئۇنىڭغا قارشى سۆز قىلىپ، ئۇنى تۈزەتكەنلىكى يېزىلمىغان.
12. زەبۇر 16:10دىكى سۆزلەر قانداق ئەمەلگە ئاشۇرۇلدى ۋە بۇنى بىلىش بىزنىڭ تىرىلىشكە مۇناسىۋەتلىك ۋەدىگە ئىشەنچىمىزنى كۈچەيتىشكە قانداق ياردەم بېرىدۇ؟
12 پېترۇس بۇ سۆزىنى ئىسپاتلاش ئۈچۈن داۋۇتنىڭ زەبۇر 110:1دىكى سۆزلىرىنى نەقىل كەلتۈرگەن (ئەلچىلەر 2:33—36نى ئوقۇڭ). ئۇ مۇقەددەس كىتاب ئاساسىدا مۇھاكىمە قىلىپ، كۆپچىلىكنى ئەيسانىڭ «ھاكىمدار ۋە مەسىھ» ئىكەنلىكىگە ئىشەندۈرگەنىدى. ئادەملەر زەبۇر 16:10دا يېزىلغان سۆزلەرنىڭ ئەيسا تىرىلگەندە ئەمەلگە ئاشقانلىقىنى چۈشەنگەن. كېيىنىرەك ئەلچى پاۋلۇس پىسىدىيادىكى ئانتاكىيا شەھىرىدە يەھۇدىيلارغا سۆز قىلغاندا، شۇ ئىسپاتنى قوللانغان. بۇ كىشىلەرگە قاتتىق تەسىر قىلىپ، ئۇلار بۇ ھەققىدە كۆپرەك بىلگۈسى كەلگەن (ئەلچىلەر 13:32—37، 42نى ئوقۇڭ). مۇقەددەس كىتابتىكى شۇ بېشارەتلەر، ھەتتا ۋەدە قىلىنغاندىن نۇرغۇن ئەسىرلەر كېيىن ئەمەلگە ئاشۇرۇلسىمۇ، بىزنىڭ كېلەچەكتىكى تىرىلىشكە بولغان ئىمان-ئېتىقادىمىزنى مۇستەھكەملەيدۇ.
تىرىلىش قاچان بولىدۇ؟
13. تىرىلىشكە مۇناسىۋەتلىك قانداق سوئاللار پەيدا بولۇشى مۇمكىن؟
13 كۆپ ئەسىرلەر ئىلگىرى ۋەدە قىلىنغان تىرىلىش يۈز بېرىدىغانلىقىنى بىلگىنىمىز بىزگە ئىلھام بېرىدۇ. شۇنداق بولسىمۇ، بىزدە: «بۇ يېقىنلىرىمنى كۆرۈش ئۈچۈن ئۇزاق ۋاقىت كۈتۈشۈم كېرەكمۇ؟ مەن ئۈمىد قىلىۋاتقان تىرىلىش قاچان يۈز بېرىدۇ؟» دېگەن سوئاللار پەيدا بولۇشى مۇمكىن. ئېسىڭىزدە بولسا، ئەيسا ئەلچىلىرىگە ئۇلار بىلمەيدىغان ۋە بىلەلمەيدىغان نەرسىلەرنىڭ بولىدىغانلىقىنى ئېيتقانىدى. ئەيسا شاگىرتلىرىغا: «ئاتام ۋاقىت-سائەتنى ئۆز ھوقۇقىغا ئاساسەن بەلگىلىگەن. بۇ سىلەرنىڭ ىلىشىڭلارغا بېرىلمىدى»،— دېگەن (ئەلچىلەر 1:6، 7؛ يوھاننا 16:12). لېكىن تىرىلىش قاچان يۈز بېرىدىغانلىقى ھەققىدە بەزى مەلۇمات بار.
14. ئەيسانىڭ تىرىلىشى ئۇنىڭدىن ئاۋۋال تىرىلگەنلەردىن قانداق پەرقلىنىدۇ؟
14 مۇقەددەس كىتابتا يېزىلغان ئەڭ مۇھىم تىرىلىش — ئەيسانىڭ تىرىلىشى. ئەگەر ئۇ تىرىلمىگەن بولسا، ھېچبىرىمىزدە يېقىنلىرىمىزنى قايتا كۆرۈش ئۈمىدى بولماس ئىدى. ئەيسادىن بۇرۇن تىرىلدۈرۈلگەن، مەسىلەن ئىلىياس ۋە ئېلىشا تىرىلدۈرگەن ئادەملەر، مەڭگۈ ياشىمىغان. ئۇلار قايتىدىن ئۆلۈپ توپىغا ئايلانغان. بىراق ئەيسا «ئۆلۈمدىن تىرىلىپ»، ئەمدى «ئۆلمەيدۇ ۋە ئۆلۈم ئەمدى ئۇنىڭ ئۈستىدىن ھۆكۈمرانلىق قىلالمايدۇ». ئۇ ئاسماندا «ئەبەدتىن-ئەبەدكىچە» ياشايدۇ رىملىقلارغا 6:9؛ ۋەھىي 1:5، 18؛ كولوسىلىقلارغا 1:18؛ پېترۇسنىڭ 1-خېتى 3:18).
(15. نېمە ئۈچۈن ئەيسا دەسلەپكى مېۋە دەپ ئاتالغان؟
15 ئەيسانىڭ روھىي شەخس سۈپىتىدە تىرىلگەنلىكى مۇنداق تىرىلىشنىڭ بىرىنچىسى ۋە ئەڭ مۇھىمى بولغانىدى (ئەلچىلەر 26:23). بىراق، باشقىلارمۇ ئاسماندا روھىي شەخس سۈپىتىدە ياشاش ئۈچۈن تىرىلدۈرۈلگەن. ئەيسا سادىق ئەلچىلىرىنىڭ ئۇنىڭ بىلەن ئاسماندا باشقۇرىدىغانلىقىنى ۋەدە قىلغان (لۇقا 22:28—30). ئۇلار بۇ مۇكاپاتقا پەقەت ئۆلگەندىن كېيىن ئېرىشەلەيدۇ. ئەيساغا ئوخشاش ئۇلار روھىي تەندە تىرىلىدۇ. پاۋلۇس: «مەسىھ ئۆلۈمدىن تىرىلدى، ئۇ ئۆلۈم ئۇيقىسىدا بولغانلارنىڭ ئارىسىدىكى دەسلەپكى مېۋە» بولغانلىقىنى ئېيتقان. ئاندىن ئۇ باشقىلارنىڭمۇ تىرىلىپ ئاسمانغا چىقىدىغانلىقىنى ئېيتتى: «ھەممىسى ئۆز نۆۋىتىدە: مەسىھ — بىرىنچى مېۋە، ئاندىن ئۇنىڭ ھازىرلىنىش ۋاقتىدا — مەسىھكە مەنسۈپلەر» (كورىنتلىقلارغا 1-خەت 15:20، 23).
16. تىرىلىپ ئاسمانغا چىقىش قاچان بولىدىغانلىقىغا ھەققىدە نېمىنى بىلىمىز؟
16 پاۋلۇسنىڭ سۆزلىرىدىن تىرىلىپ ئاسمانغا چىقىشنىڭ قاچان بولىدىغانلىقى ھەققىدە ئۇچۇرغا ئىگە بولدۇق، ئۇ مەسىھنىڭ ھازىر بولۇش ۋاقتىدا يۈز بېرىدۇ. ئۇزۇن يىللار مابەينىدە، يەھۋا گۇۋاھچىلىرى مۇقەددەس كىتابتىن مەسىھنىڭ ھازىر بولۇشى 1914-يىلى باشلانغانلىقىنى ئىسپاتلاپ كەلمەكتە. بىز ھازىرغىچە ئەيسانىڭ ھازىر بولۇش ۋاقتىدا ياشاۋاتىمىز ۋە بۇ رەزىل دۇنيانىڭ ئاخىرى پات-ئارىدا كېلىدۇ.
17، 18. مەسىھنىڭ ھازىر بولۇش پەيتىدە ئايرىم مايلانغانلارغا نېمە بولىدۇ؟
17 تىرىلىپ ئاسمانغا چىقىش ھەققىدە مۇقەددەس كىتابتا يەنە مۇنداق مەلۇمات بار: «شۇنداقلا، قېرىنداشلار، ئۆلۈم ئۇيقىسىدا ئۇخلاۋاتقانلار ھەققىدە... سىلەرنى خەۋەرسىز قالدۇرغۇمىز كەلمەيدۇ. چۈنكى ئەگەر بىز ئەيسانىڭ ئۆلۈپ، تىرىلگەنلىكىگە ئىشەنسەك، ئۇ ۋاقىتتا، ئۆلۈم ئۇيقىسىدا ئۇخلاۋاتقانلارنىمۇ خۇدا ئەيسا ئارقىلىق ئۇنىڭ بىلەن بىللە يۈرگۈزىدۇ... ھاكىمدارىمىزنىڭ ھازىرلىنىشى ۋاقتىغىچە ياشاۋاتقانلارغا، ئۆلۈم ئۇيقىسىدا ئۇخلاۋاتقانلارنى ھېچقانداق ئوزۇپ كېتىش مۇمكىن ئەمەس، چۈنكى ھاكىمدارىمىز ئۆزى ئاسماندىن چاقىرىپ،... مەسىھتە ئۆلگەنلەر بىرىنچى بولۇپ تىرىلىدۇ. كېيىن بىز، ياشاۋاتقانلار، تېخى تىرىكلەر ئۇلار بىلەن ھاكىمدارىمىزنى ھاۋادا ئۇچرىتىش ئۈچۈن، بۇلۇتلاردا ئېلىنىپ كېتىمىز ۋە شۇنداقلارچە ھاكىمدارىمىز بىلەن دائىمىي بىللە بولىمىز» (سالونىكىلىقلارغا 1-خەت 4:13—17).
18 دەسلەپكى تىرىلىش، يەنى ئاسماندىكى ھاياتقا تىرىلىش، مەسىھنىڭ ھازىر بولۇشى باشلانغاندىن كېيىن يۈز بېرىدۇ. بۈيۈك ئاپەت ۋاقتىدا يەردە ياشاۋاتقان مايلانغان مەسىھىيلەر «بۇلۇتلاردا ئېلىنىپ كېتىدۇ» (مەتتا 24:31). بۇ نېمىنى بىلدۈرىدۇ؟ «بۇلۇتلاردا ئېلىنىپ» كېتىدىغانلار «ئۆلۈم ئۇيقىسىدا» ئۇخلىمايدۇ، بۇ ئۇلار كۆپ ۋاقىت ئۆلگەن ھالەتتە بولمايدىغانلىقىنى بىلدۈرىدۇ. ئۇلار ھەققىدە شۇنداق دېيىلگەن: «ھەممىمىز ئۆزگىرىمىز، بىر دەقىقىدە، كۆزنى بىر يۇمۇپ ئاچقۇچە ئاخىرقى كارنەي چېلىنغاندا» (كورىنتلىقلارغا 1-خەت 15:51، 52).
19. «ئەۋزەلرەك تىرىلىش» دېگەن نېمە؟
19 بۈگۈنكى كۈندە كۆپ ساندىكى سادىق ئېتىقادچىلار مايلانمىغان، يەنى مەسىھ بىلەن ئاسماندا ھۆكۈمرانلىق قىلىشقا تاللانمىغان. ئۇلار مۇشۇ رەزىل دۇنيا يوق بولىدىغان ۋاقىتنى، «يەھۋانىڭ كۈنىنى» تاقەتسىزلىك بىلەن سالونىكىلىقلارغا 1-خەت 5:1—3). يەر يۈزىدە جەننەت بولغاندا، باشقا بىر خىل تىرىلىش يۈز بېرىدۇ. شۇ چاغدا ئادەملەر يەردىكى ھاياتقا تىرىلىدۇ ۋە مۇكەممەل بولۇپ، ئەمدى قايتىدىن ئۆلمەيدىغان ئۈمىدى بولىدۇ. بۇ تىرىلىش بۇرۇن بولغان تىرىلىشتىن «ئەۋزەلرەك» بولىدۇ، سەۋەبى بۇرۇن تىرىلگەن ئادەملەر كېيىنىرەك قايتا ئۆلۈپ كەتكەنىدى (ئىبرانىيلارغا 11:35).
كۈتمەكتە. بۇ كۈن ئېنىق قاچان بولىدىغانلىقىنى ھېچكىم بىلمەيدۇ، ئەمما دەلىل-ئىسپاتلار ئۇ كۈن يېقىن ئىكەنلىكىنى كۆرسىتىۋاتىدۇ (20. نېمە ئۈچۈن تىرىلىش تەرتىپلىك ۋە تەشكىللىك بولىدىغانلىقىغا ئىشىنىمىز؟
20 مۇقەددەس كىتابقا ئاساسەن، ئاسماندا ياشايدىغانلارنىڭ «ھەممىسى ئۆز نۆۋىتىدە» تىرىلىدۇ (كورىنتلىقلارغا 1-خەت 15:23). دېمەك، يەر يۈزىدىمۇ تىرىلىش تەرتىپلىك ۋە تەشكىللىك بولىدۇ. بۇنىڭغا مۇناسىۋەتلىك بەزى سوئاللار پەيدا بولىدۇ: «يېقىندا ئۆلۈپ كەتكەنلەر مەسىھنىڭ مىڭ يىللىق ھۆكۈمرانلىقى باشلىنىپ ئۇزۇن ئۆتمەي تىرىلىپ، ئۆز يېقىنلىرى ئۇلارنى قارشى ئالالامدۇ؟ ئۆتمۈشتە ياشىغان قابىلىيەتلىك سادىق يېتەكچىلەر ئاۋۋال تىرىلىپ، يېڭى دۇنيادا خۇدانىڭ خەلقىنى تەشكىللەش ئىشىغا ياردەم بېرەمدۇ؟ يەھۋاغا ھېچقاچان خىزمەت قىلمىغان ئادەملەرگە نېمە بولىدۇ؟ ئۇلار قاچان ۋە قەيەردە تىرىلىدۇ؟» ئەلۋەتتە، بىزدە سان-ساناقسىز سوئاللار پەيدا بولۇشى مۇمكىن. بىراق، ھازىر بۇلارنى ئويلاپ ئەندىشە قىلىشنىڭ ھاجىتى يوق. سەۋچانلىق بىلەن كۈتۈڭ، ۋاقىت-سائىتى كەلگەندە ئۆز كۆزۈمىز بىلەن كۆرۈمىز. يەھۋانىڭ ئىشلارنى قانداق قىلىدىغانلىقىنى كۆرگەندە، ھاياجان ئىلىكىدە، شاد-خۇراملىققا چۆمىدىغانلىقىمىزغا ئىشىنىمىز.
21. سىزنىڭ نېمىگە ئۈمىدىڭىز بار؟
21 شۇ ۋاقىت كەلگىچە، بىز يەھۋاغا بولغان ئىمان-ئېتىقادىمىزنى مۇستەھكەملىشىمىز كېرەك. ئۇ ئۆز خاتىرىسىدە بولغان ھەممە ئۆلگەنلەرنىڭ قايتىدىن ھايات كەچۈرۈشىنى ئەيسا ئارقىلىق ۋەدە قىلغان (يوھاننا 5:28، 29؛ 11:23). يەھۋا ئۆلۈكنى تىرىلدۈردىغانلىقى ھەققىدە مۇشۇمچە دەلىل-ئىسپاتلار سۈپىتىدە ئەيسا مۇنداق دېگەن، خۇدا ئۈچۈن ئىبراھىم، ئىسھاق ۋە ياقۇپنىڭ «بارلىقى تىرىك» (لۇقا 20:37، 38). ئۇنداقتا، بىزدىمۇ ئەلچى پاۋلۇس ئوخشاش مۇنداق ئېيتىشقا سەۋەب بار: «ئۆلگەنلەرنىڭ... تىرىلىشى بولۇشىغا خۇداغا ئۈمىد باغلاپ ئىشىنىمەن» (ئەلچىلەر 24:15).