ئېسىڭىزدە بارمۇ؟
سىز مۇشۇ يىلدىكى «كۈزىتىش مۇنارى» ژۇرناللىرىنى كۆڭۈل قويۇپ ئوقۇدىڭىزمۇ؟ تۆۋەندىكى سوئاللارغا جاۋاب بېرەلەمسىز؟
«ئەقلىڭىزنى يېڭىلاش» دېگەن بۇ ئىبارە نېمىنى بىلدۈرىدۇ؟ (رىملىقلار 12:2)
بۇ بىز پەقەت بىرقانچە ياخشى ئىشنى قىلىشىمىز كېرەكلىكىنى بىلدۈرمەيدۇ. ئەكسىچە، بىز ئۆزىمىزنى چوڭقۇرراق تەكشۈرۈپ، ھاياتىمىزنى مۇمكىنقەدەر يەھۋانىڭ ئۆلچەم-قائىدىلىرىگە يېقىنلاشتۇرۇش ئۈچۈن زۆرۈر بولغان بەزى ئۆزگەرتىشلەرنى قىلىشىمىز كېرەك.—كم01.23، 8، 9-بەتلەر.
دۇنيادا يۈز بېرىۋاتقان ئىشلارغا قىزىققاندا، تەڭپۇڭلۇقنى قانداق ساقلالايمىز؟
بىز ھازىر دۇنيادا يۈز بېرىۋاتقان ئىشلارغا ۋە ئۇلارنىڭ مۇقەددەس كىتابتىكى بېشارەتلەرنى قانداق ئەمەلگە ئاشۇرىدىغانلىقىنى بىلىشكە قىزىقىمىز. بۇ ھەققىدە پاراڭلاشقاندا ئۆز پەرەزلىرىمىزنى ئوتتۇرىغا قويۇشنىڭ ئورنىغا، يەھۋانىڭ تەشكىلاتى نەشىر قىلغان ماتېرىياللارغا ئاساسلىنىشىمىز كېرەك (1-كورىنت. 1:10).—كم02.23، 16-بەت.
مەسىھنىڭ چۆمدۈرۈلۈشىگە ئۇنىڭ ئەگەشكۈچىلىرىنىڭ چۆمدۈرۈلۈشىدىن قانداق پەرقلىنىدۇ؟
ئۇ خۇداغا بېغىشلانغان خەلقتىن چىققان، شۇڭا ئۇنىڭ يەھۋاغا ئۆزىنى بىزگە ئوخشاش بېغىشلىنىشىنىڭ ھاجىتى يوق ئىدى. ئۇ مۇكەممەل، گۇناھسىز ئىنسان بولغان، شۇڭا خۇدانىڭ ئالدىدا گۇناھلىرىغا توۋا قىلىشنىڭ ھاجىتى يوق ئىدى.—كم03.23، 5-بەت.
جامائەتتە باشقىلارغا جاۋاب بېرىشكە قانداق ياردەم بېرەلەيمىز؟
كۆپرەك كىشىلەر جاۋاب بېرەلىشى ئۈچۈن قىسقا جاۋاب بەرسەك بولىدۇ. شۇنداقلا كۆپ مۇھىم نۇقتىلارنى سۆزلەشتىن ساقلىنىڭ. شۇ چاغدا باشقىلارنىڭ بىر نەرسە دېيىشىگە مۇمكىنچىلىكى بولىدۇ. —كم04.23، 23-بەتلەر.
يەشايا 35:8دە يېزىلغان «مۇقەددەس يول» نېمىنى بىلدۈرىدۇ؟
بۇ كۆچمە مەنىدىكى يول ئىسرائىللارنىڭ بابىلدىن يۇرتىغا قايتىۋاتقان يولنى بىلدۈرىدۇ. بىزنىڭ كۈنلىرىمىزدە «مۇقەددەس يول» نېمىنى بىلدۈرىدۇ؟ 1919-يىلغىچە يولنى تەييارلاش ئىشلىرى، مەسىلەن، مۇقەددەس كىتابنى تەرجىمە قىلىش، ئۇنى بېسىپ چىقىرىش ۋە باشقا ئىشلار قىلىندى. خۇدانىڭ خەلقى «مۇقەددەس يول» بىلەن مېڭىۋاتىدۇ. بۇ يول روھىي جەننەتكە ۋە خۇدا پادىشاھلىقىنىڭ بەرىكەتلىرىگە ئېرىشتۈرىدۇ. —كم05.23، 15–19-بەتلەر.
پەندى-نەسىھەت 9-باپ قايسى ئىككى ئايالنىڭ مىسالىنى كەلتۈرۈپ، نەسىھەت بېرىدۇ؟
پەندى-نەسىھەت كىتابىدا «ئەخمەق ئايالنىڭ» تەكلىپىنىڭ ئاقىۋېتى «گۆرگە» يېتەكلەيدىغانلىقى ۋە «ھەقىقىي دانالىقنى» تەسۋىرلەيدىغان ئايالنىڭ تەكلىپىنى قوبۇل قىلغانلار بىلىمگە ئىگە بولۇپ، ھاياتقا ئېرىشىدىغانلىقى يېزىلغان (پەند. نە 9:1، 6، 13، 18) —كم06.23، 22–24-بەتلەر.
لۇت بىلەن بولغان ۋەقەدە خۇدانىڭ كەمتەرلىكى ۋە غەرەز ئۇقىدىغان ئىكەنلىكى قانداق كۆرۈندى؟
يەھۋا خۇدا لۇتقا سودومدىن چىقىپ، تاغلىق رايونغا قېچىشنى بۇيرىغان. لۇت ئۇنىڭ ئورنىغا زوئار دېگەن شەھەردە پاناھلىنىشقا رۇخسەت قىلىشنى ئۆتۈنگەندە، خۇدا رۇخسەت قىلدى.—كم07.23، 21-بەت.
ئېرى شەھۋانىي مەزمۇنلار كۆرسە، ئايالى نېمە قىلالايدۇ؟
ئۇ ئەيىبلىك ئەمەسلىكىنى ئېسىدە ساقلىشى كېرەك. ئۇ خۇدا بىلەن مۇناسىۋىتىگە دىققەت ئاغدۇرۇپ، مۇقەددەس كىتابتا يېزىلغان تەسەللى بېرەلەيدىغان ئاياللارنىڭ مىساللىرى ھەققىدە چوڭقۇر مۇلاھىزە قىلىشى مۇھىم. ئايالى ئېرىگە خەتەرلىك ۋەزىيەتلەردىن نېرى بولۇشقا ياردەم بېرەلەيدۇ.—كم08.23، 14–17-بەتلەر.
بىرسى ئېتىقادىمىز توغرۇلۇق قىيىن سوئال قويغاندا، سوئالنىڭ سەۋەبىنى چۈشىنىشىمىز مۇلايىملىق بىلەن جاۋاب بېرىشكە قانداق ياردەم بېرىدۇ؟
بىرسىنىڭ سوئال سورىشى كىشىنىڭ ئوي-پىكىرىنى ۋە نېمىگە كۆڭۈل بۆلىدىغانلىقىنى بىلىشنىڭ ئۇسۇلى دەپ ئويلاڭ. شۇ چاغدا مۇلايىملىق بىلەن جاۋاب بېرەلەيمىز.—كم09.23، 17-بەت.
كۈچ-قۇۋۋەتكە قانداق ئېرىشەلەيدىغانلىقىمىز توغرۇلۇق مەريەمنىڭ ئۈلگىسىدىن نېمىگە ئۆگىنەلەيمىز؟
مەسىھنىڭ ئانىسى بولىدىغانلىقىنى بىلگەندە، مەريەم باشقىلاردىن كۈچ-قۇۋۋەتكە ئېرىشكەن. جەبرائىل پەرىشتە ۋە ئېلىزابېت يازمىلارنى قوللىنىپ مەريەمنى ئىلھاملاندۇرغان. بىزمۇ باشقا قېرىنداشلاردىن ئىلھام ئالالايمىز.—كم10.23، 15-بەت.
يەھۋا خۇدا دۇئالىرىمىزغا قانداق جاۋاب بېرىدۇ؟
يەھۋا بىزنىڭ دۇئالىرىمىزنى ئاڭلايدىغانلىقىنى ۋەدە قىلغان ۋە ئىرادىسىنى قانداق ئەمەلگە ئاشۇرىدىغانلىقىنى ئاشكارا قىلىدۇ (يەرەم. 29:12). ئۇ ئوخشاش دۇئالارغا ھەرخىل يوللار بىلەن جاۋاب بەرسىمۇ، ھەردائىم بىزنى قوللاپ-قۇۋۋەتلەيدۇ.—كم11.23، 21، 22-بەتلەر.
رىملىقلار 5:2-دە «ئۈمىد» تىلغا ئېلىنغان، بىراق نېمە ئۈچۈن 4-بابتا يەنە بۇ توغرۇلۇق مۇلاھىزە قىلىنىدۇ؟
ئادەم خۇش خەۋەرنى ئاڭلاپ، يەردە جەننەتتە شاد-خۇرام ياشاش ئۈمىدىگە ئىگە بولىدۇ. بىراق ئۇ سىناقلارغا دۇچ كېلىدۇ ۋە ئۇنىڭغا بەرداشلىق بېرىپ، خۇدانىڭ رازىللىقىنى ھېس قىلغاندا، ئۈمىدى تېخىمۇ چوڭقۇرلىشىپ، كۈچلۈك بولىدۇ.—كم12.23، 12، 13-بەت.
