تەرجىمىھال
باشقىلارغا كۆڭۈل بۆلۈش ئۆمۈرلۈك بەرىكەتلەرنى ئېلىپ كېلىدۇ
1948-يىلى، ئانام، سىڭلىم ۋە پات بىلەن بىللە
ئانگلىكان چېركاۋسى ھەقىقەتنى ئۆگەتمەيدۇ. قىزىم داۋاملىق ھەقىقەتنى ئىزدەڭ. ئانگلىكان چېركاۋىغا بارغان مومام مۇشۇ سۆزنى قىلغاندىن كېيىن، ئاپام ھەقىقىي دىننى ئىزدەشكە باشلىغانىدى. بىراق، ئۇ يەھۋا گۇۋاھچىلىرى بىلەن پاراڭلىشىشنى خالىمىغان، شۇڭا ئۇلار كانادانىڭ تورونتودىكى ئۆيىمىزگە كەلگەندە ماڭا يوشۇرۇنۇۋېلىشنى ئېيتقان. ئەمما، 1950-يىلى ئاپامنىڭ سىڭلىسى گۇۋاھچىلار بىلەن تەتقىق ئۆگىنىشىنى باشلىغاندا، ئاپام سىڭلىسىغا قوشۇلۇپ ئۆگەنگەن. ئۇلار ھاممامنىڭ (كىچىك ئاپام) ئۆيىدە ئۆگەنگەن ۋە كېيىن سۇغا چۆمۈلدۈرۈلگەن.
دادام بولسا كانادا يەرلىك بىرلەشمە چېركاۋىنىڭ بىر ئاقساقىلى ئىدى، شۇڭا ھەر ھەپتىدە ئۇ سىڭلىم بىلەن ئىككىمىزنى چېركاۋنىڭ بالىلارغا ئۆگىتىدىغان يەكشەنبە ئەتىگەنلىك دەرسلىرىگە ئەۋەتەتتى، سائەت 00:11دە دادام بىلەن بىرلىكتە چېركاۋنىڭ ئىبادىتىگە قاتنىشاتتۇق. چۈشتىن كېيىن بولسا، بىز ئاپام بىلەن بىللە گۇۋاھچىلارنىڭ ئىبادەت يىغىلىش زالىغا باراتتۇق. بىز ئىككى دىننىڭ پەرقىنى ئاسانلا كۆرەلىگەنىدۇق.
1958-يىلىدىكى «خۇدانىڭ ئىرادىسى» ناملىق خەلقئارا چوڭ يىغىلىشتا خوتچىسون ئائىلىسى بىلەن بىللە
ئاپام ئۆزىنىڭ يېڭى ئېتىقادىنى ئۇزۇن يىللىق دوستلىرى بوب ۋە مارىيون خۇتچسون بىلەن ئورتاقلاشتى، ئۇلارمۇ ھەقىقەتنى قوبۇل قىلىپ، يەھۋا گۇۋاھچىلىرى بولدى. 1958-يىلى خۇتچسون ئائىلىسى مېنى ئۈچ ئوغلى بىلەن بىللە نيۇ-يوركتا ئۆتكۈزۈلگەن خۇدانىڭ ئىرادىسى ناملىق سەككىز كۈنلۈك خەلقئارا چوڭ يىغىلىشقا ئېلىپ باردى. ئۆتمۈشنى ئەسلەپ كەينىگە قارىسام، ئۇلارنىڭ مېنى ئۆزلىرى بىلەن ئېلىۋېلىشى ئاسان بولمىغانلىقىنى ئەمدى چۈشەندىم، ئەمما شۇ چوڭ يىغىلىش ھاياتىمدىكى ئەڭ ئەھمىيەتلىك گۈزەل ئەسلىمىلەرنى قالدۇرغان
قېرىنداشلار يەھۋاغا كۆپرەك خىزمەت قىلىشىمغا ياردەم بەرگەن
ئۆسمۈرلۈك چاغلىرىمدا، مەن دېھقانچىلىق مەيدانىدا تۇراتتىم. ئۇ يەردە ئۆي ھايۋانلىرى ۋە قۇشلىرىنى بېقىپ، كۈنلىرىم خۇشال-خۇرام ئۆتەتتى. مەن مال دوختۇرى بولۇش توغرۇلۇق ئەستايىدىل ئويلغانىدىم. بۇ ئويۇمنى ئاپام بىر جامائەت ئاقساقىلىغا ئېيتتى. ئۇ مېھرىبانلىق بىلەن ماڭا «ئاخىر زاماندا» ياشاۋاتقانلىقىمىزنى ئەسكەرتىپ، بىرنەچچە يىل ئۇنىۋېرسىتېتتا ئوقۇشنىڭ يەھۋا بىلەن بولغان مۇناسىۋىتىمگە قانداق تەسىر كۆرسىتەلەيدىغانلىقىنى سورىدى (2-تىموت. 3:1). نەتىجىدە، مەن ئۇنىۋېرسىتېتتا ئوقۇشقا بارماسلىقنى قارار قىلدىم.
مەن تولۇق ئوتتۇرا مەكتەپنى پۈتتۈرگەندىن كېيىن، نېمە قىلىشىم كېرەكلىكى توغرۇلۇق يەنىلا ئويلاپ يۈرەتتىم. گەرچە ھەر ھەپتە ئاخىرىدا ۋەز خىزمىتىگە قاتناشقان بولساممۇ، ئۇنىڭدىن ھېچبىر خۇشاللىق تاپالمىغانىدىم ۋە ئۆزۈمنى پىدائىي ۋەز ئېيتقۇچى بولالايمەن دەپ ئويلىمايتتىم. شۇ چاغلاردا، يەھۋا گۇۋاھچىسى ئەمەس دادام ۋە تاغام مېنى تورونتودىكى داڭلىق بىر سۇغۇرتا شىركىتىدە پۈتۈن كۈن ئىشلەشكە دەۋەت قىلدى. ئۇ يەردە تاغامنىڭ مۇھىم ھوقۇق ئورنى بار ئىدى، شۇڭا مەن بۇ خىزمەتنى قوبۇل قىلدىم.
تورونتودا، كۆپۈنچە ۋاقىتلاردا نورمال ئىش ۋاقتىدىن ئاشۇرۇپ ئىشلەش ۋە يەھۋا گۇۋاھچىسى ئەمەس كىشىلەر بىلەن باردى-كەلدى ئالاقىدە بولۇش دائىم جامائەت يىغىلىشلىرى ۋە ۋەز خىزمىتىگە قاتنىشىشقا توسالغۇ بولدى. مەن دەسلەپتە گۇۋاھچى بولمىغان بوۋام بىلەن تۇراتتىم. ئەمما، ئۇ ۋاپات بولغاندىن كېيىن، باشقا بىر تۇرىدىغان جايغا ئېھتىياجلىق بولدۇم.
مېنى 1958-يىلدىكى چوڭ يىغىلىشقا ئېلىپ بارغان خۇتچسون ئەر-ئايال ماڭا ئۆز ئاتا-ئانامدەكلا كۆيۈنەتتى. ئۇلار مېنى ئۆز ئۆيىدە تۇرۇشقا تەكلىپ قىلدى ۋە مېنىڭ يەھۋا بىلەن دوستلۇقۇمنى كۈچەيتىشىمگە ياردەم بەردى. 1960-يىلى، مەن ئۇلارنىڭ ئوغلى جون بىلەن بىللە سۇغا چۆمۈلدۈرۈلدۈم. جون پىدائىي ۋەز ئېيتقۇچى بولۇشقا باشلىدى، ئۇ مېنى كۆپرەك ۋەز خىزمەتكە چىقىشقا ئۈندىدى. جامائەتتىكى بۇرادەرلەر مېنىڭ روھىي جەھەتتىكى ئىلگىرىلىگەنلىكىمگە دىققەت قىلغانىدى، ئاخىرىدا ھازىر ھاياتىمىز ۋە ۋەز خىزمىتىمىز يىغىلىشى دەپ ئاتالغان تەلىم-تەربىيىگە مەسئۇل ئاقساقال بولۇپ تەيىنلەندىم a.
ئاجايىپ بىر ھەمراھنى تاپتىم ۋە پىدائىي ۋەز ئېيتقۇچى بولدۇم
1966-يىلى، توي كۈنىمىز
1966-يىلى، مەن ۋەز ئېيتقۇچىلارغا ئېھتىياجلىق جايدا خىزمەت قىلىشنى ئوتتەك ئارزۇ قىلدىغان، قىزغىن پىدائىي ۋەز ئېيتقۇچى راندى بېرگې بىلەن توي قىلدىم. رايونغا مەسئۇل ئاقساقال بىز بىلەن پاراڭلىشىشقا شەخسەن ۋاقىت چىقىرىپ،بىزنى ئونتارىيونىڭ ئورىلىيادىكى جامائەتكە ياردەم بېرىشكە دەۋەت قىلدى. شۇنىڭ بىلەن، دەرھال نەرسىلىرىمىزنى يىغىشتۇرۇپ، كۆچۈپ كەتتۇق
ئورىلىياغا كېلىپلا، راندىغا قوشۇلۇپ، پىدائىي ۋەز ئېيتقۇچى بولدۇم. ئۇنىڭ قىزغىنلىقى ئاللىقاچان ماڭا تەسىر قىلغان ئىدى! مەن ماھىر بىر پىدائىي ۋەز ئېيتقۇچى بولۇش ئۈچۈن جاپالىق تىرىشقاندىن كېيىن، مۇقەددەس كىتابنى ئىشلىتىشتىن ۋە كىشىلەرنىڭ ھەقىقەتنى چۈشىنىشنى كۆرۈشتىن كېلىدىغان خۇشاللىقنى ھېس قىلىشقا باشلىدىم. ئورىلىيادا ئېسىل بىر جۈپ ئەر-ئايالنىڭ تۇرمۇشىدا ئۆزگەرتىشلەرنى قىلىپ، يەھۋانىڭ خىزمەتچىلىرى بولۇشىغا ياردەم قىلىش نەقەدەر كىشىنى خۇشال قىلىدىغان بەرىكەت، ھە!
يېڭى تىل ئۆگەندۇق ۋە كۆز قارىشىمىزنى ئۆزگەرتتۇق
تورونتوغا ساياھەتتە بارغاندا، مەن ئارنولد ماكنامارا بۇرادەر بىلەن كۆرۈشتۈم. ئۇ بەيتەلدە يېتەكچىلىك قىلدىغان بۇرادەرلەرنىڭ بىرى ئىدى. ئۇ بىزنىڭ مەخسۇس پىدائىي ۋەز ئېيتقۇچى بولۇشنى خالايدىغان-خالىمايدىغانلىقىمىزنى سورىدى. مەن دەرھال جاۋاب بەردىم: «ئەلۋەتتە، ئەمما كۋېبېكتىن باشقا جايلاردا!» مەن ئىنگلىز تىلىدا سۆزلىشىدىغان كانادالىقلارنىڭ كۋېبېك ئۆلكىسىدىكى فرانسۇزچە سۆزلىشىدىغانلار ھەققىدىكى سەلبىي ھېس-تۇيغۇلىرىنىڭ تەسىرىگە ئۇچرىغان ئىدىم. ئەينى ۋاقىتتا، كىشىلەر ھۆكۈمەتكە قارشى نامايىش ئۆتكۈزۈپ، كۋېبېكنىڭ كانادادىن ئايرىلىپ،مۇستەقىل دۆلەت بولۇشىنى تەشەببۇس قىلغانىدى
بۇرادەر ئارنولد جاۋاب بېرىپ مۇنداق دىدى: «ھازىر بەيتەل مەخسۇس پىدائىي ۋەز ئېيتقۇچىلارنى پەقەتلا كۋېبېك ئۆلكىسىگە ئەۋەتىدۇ». مەن دەرھال بېرىشقا قوشۇلدۇم. مەن ئاللىقاچان راندىنىڭ ئۇ يەردە خىزمەت قىلىشقا قىزىقىدىغانلىقىنى بىلەتتىم. كېيىنچە، بۇنىڭ ھاياتىمىزدىكى ئەڭ ياخشى قارارلارنىڭ بىرى بولغانلىقىنى ھېس قىلدىم
بەش ھەپتىلىك فرانسۇز تىلى دەرسىگە قاتناشقاندىن كېيىن، راندى ئىككىمىز باشقا بىر جۈپلەر بىلەن مونترېالغا تەخمىنەن 540 كىلومېتىر كېلىدىغان شەرقىي شىمالدىكى رىموسكىغا باردۇق. ئۇ ۋاقىتتا فرانسۇزچەم ياخشى ئەمەس ئىدى. بىر قېتىم، جامائەت يىغىلىشىدا بىر ئېلاننى ئوقۇغاندا، شۇنداق بىر ئىش يۈز بەرگەنلىكى ئېسىمدىن چىقمايدۇ. مەن پات-ئارىدا ئۆتكۈزۈلىدىغان چوڭ يىغىلىشتا نۇرغۇن «ئاۋسترىيەلىك مېھمانلار» كېلىدۇ دەپ ئوقۇشنىڭ ئورنىغا، نۇرغۇن «تۆگە قۇش مېھمانلار» كېلىدۇ دەپ ئوقۇغان ئىدىم.
رىموسكىدىكى ئاقسارايدا
رىموسكىدا، بىز ئىككى جۈپلەرگە يەنە تۆت قىزغىن ئايال قېرىنداش، خۇبېردىۇس ئەر-ئايال ۋە ئۇلارنىڭ ئىككى قىزى قوشۇلدى. خۇبېردىۇس ئەر-ئايال بىر يەتتە ھۇجرىلىق چوڭ بىر ئۆينى ئىجارىگە ئالغان بولۇپ، پىدائىي ۋەز ئېيتقۇچىلارنىڭ ھەممىسى شۇ ئۆيدە تۇراتتى، كۆپچىلىك بىرلىشىپ، ئىجارە ھەققىنى تۆلەيتتى. ئۇ ئۆينىڭ سىرتى ۋە ئىشىكى ئالدىدىكى تۈۋرۈكلەر ئاق رەڭدە بولغاچ، بىز ئۇ ئۆينى ئاق ساراي دەپ ئاتايتتۇق. ئۇ ئۆيدە ئادەتتە 12دىن 14كىچە ئادەم ياشايتتى. بىز مەخسۇس پىدائىي ۋەز ئېيتقۇچى بولغاچ، راندى ئىككىمىز ئەتىگەندىن كەچكىچە ۋەز خىزمەتتە بولاتتۇق. دائىم بىز بىلەن بىرلىكتە، ھەتتا قىش پەسلىدىكى سوغۇق كەچقۇرۇن چاغلاردا، بىز بىلەن بىللە ۋەز خىزمەتكە چىقىدىغان ئادەم تېپىلاتتى. بىز ئۇلارنىڭ بولغانلىقىغا ئىنتايىن مىننەتدار ئىدۇق.
بىز ئاشۇ سادىق پىدائىي ۋەز ئېيتقۇچىلار بىلەن ئىنتايىن يېقىن بولۇپ كەتتۇق، ئۇلار بىلەن خۇددى بىر ئائىلە كىشىلىرىدەك بولۇپ كەتكەن ئىدۇق. بەزىدە بىز بىرلىكتە دالىدا گۈلخان يېقىپ، ئەتراپىدا پاراڭلىشىپ ئولتۇراتتۇق. ئۇ كۈنى ھەممىمىز ئوخشىمىغان قىيمىلارنى تەييارلاپ، بىرلىكتە ئولتۇرۇپ چۆچۈرە تۈگۈشۈپ يەتتۇق. بىر بۇرادەر مۇزىكانت ئىدى، شۇڭا شەنبە كۈنى كەچتە بىز دائىم ناخشا ئېيتىپ ئۇسسۇل ئوينايتتۇق.
رىموسكىدىكى ۋەز خىزمىتىمىز مېۋە بەردى! بەش يىل ئىچىدە، مۇقەددەس كىتابنى تەتقىق قىلغانلاردىن بىرقانچە كىشى سۇغا چۆمۈلدۈرۈلۈشتىن ئۆتتى. جامائىتىمىزدە 35 ۋەز ئېيتقۇچى بار بولدى. بۇنى كۆرۈپ ئىنتايىن خۇشال بولدۇق.
كۋېبېكتا، بىز خۇش خەۋەرنى ۋەز قىلغۇچىلار سۈپىتىدە ناھايىتى ياخشى تەلىم-تەربىيە ئالدۇق. ۋەز خىزمەتتە ۋە ماددىي ئېھتىياجىمىزنى قامداشتا، يەھۋانىڭ بىزگە قانداق ياردەم قىلغانلىقىنى كۆردۇق. ئۇندىن باشقا، بىز فرانسۇزچە سۆزلەيدىغان كىشىلەرنى، ئۇلارنىڭ تىلىنى ۋە مەدەنىيىتىنى سۆيۈشنى ئۆگەندۇق. كېيىنرەك، بۇ بىزنىڭ كۆڭلى كۆكسىمىزنى كەڭ تۇتۇپ، باشقا خەلقلەرنىڭ مەدەنىيەتلىرىنى سۆيۈشمىزگە ياردەم بەردى.—2-كورىنت. 6:13.
ئويلىمىغان يەردىن، بەيتەل بىزنى يېڭى برۇنسىۋىكنىڭ شەرقىي قىرغىقىدىكى تراكادى شەھەر-بازىرىغا كۆچۈشنى تەلەپ قىلدى. بۇ ئۆزگۈرۈش بەزى قىيىنچىلىققا يول ئاچتى. چۈنكى، بىز ئەمدىلا ئۆي ئىجارە توختامى تۈزگەن ۋە مەن مەكتەپ مۇدىرىيىتى بىلەن سائەتلىك ئوقۇتۇش توختامى ئىمزالىغان ئىدىم. ئۇندىن باشقا، بىز بىلەن مۇقەددەس كىتابنى تەتقىق قىلغان بەزى كىشىلەر ئەمدىلا ۋەز ئېيتقۇچى بولغان ئىدى ۋە بىز ئىبادەت زالى قۇرۇلۇشىنى ئېلىپ بېرىۋاتقان ئىدۇق.
بىز ھەپتە ئاخىرىدا پۈتۈن كۈن بۇ ئىش توغرىسىدا دۇا قىلدۇق ۋە تراكادىغا بىر قېتىم بېرىپ كۆردۇق. بۇ يەر رىموسكىغا ئوخشىمايتتى. ئەمما، يەھۋا بىزنى ئۇ يەرگە تەكلىپ قىلغانىكەن، چوقۇم بېرىشنى قارار قىلدۇق. بىز يەھۋانى سىناپ باقتۇق ۋە ئۇنىڭ ئالدىمىزدىكى ھەر بىر توساقنى ئېلىپ تاشلىغانلىقىنى كۆردۇق (مالاك. 3:10). راندى پىداكار، خۇشخۇي ۋە يەھۋا بىلەن يېقىن مۇناسىۋەتتە بولغانلىقتىن، باشقا يەرگە كۆچۈش ئاسانراق بولغان.
روبېرت روس يېڭى جامائىتىمىزدىكى بىردىن-بىر ئاقساقال ئىدى. ئۇ ئايالى لىندا بىلەن تراكادىدا پىدائىي ۋەز ئېيتقۇچى بولۇپ خىزمەت قىلاتتى، ئۇلارنىڭ تۇنجى بالىسى تۇغۇلغاندىن كېيىن، ئۇلار بۇ جامائەتتە قېلىشنى قارار قىلغان ئىدى. ئۇلار كىچىك بالىسىنى بېقىشقا كۆڭۈل بۆلۇۋاتقان بولسىمۇ، ئۇلار بىزنى قىزغىن كۈتۈۋالدى. ئۇلارنىڭ مۇستەھكەم ئىمان-ئېتىقادى، ۋەز خىزمەتتىكى قىزغىنلىقى ئەر-ئايال ئىككىمىزگە كۆپ ئىلھام بەردى.
قەيەردە ئېھتىياج بولسا، شۇ يەردە خىزمەت قىلىپ، خۇشاللىق تاپتۇق
تۇنجى قېتىم زىيارەت خىزمىتىنى باشلىغان چاغدىكى قىش پەسلى
بىز تراكادادا ئىككى يىل پىدائىي ۋەز ئېيتقۇچى بولغاندىن كېيىن، ئويلىمىغان يەردىن يەنە بىر قېتىم ھەيران قالارلىق بىر تەكلىپ تاپشۇرۇۋالدۇق. بىزنى ئىنگىلىز تىلى جامائەتلىرىنى زىيارەت قىلىش خىزمىتىگە تەيىنلىدى. بىز ئىنگلىز تىلىدا سۆزلىشىدىغان جامائەتلەر ئارىسىدا يەتتە يىل خىزمەت قىلغاندىن كېيىن، كۋېبېكتىكى فرانسۇز تىلى جامائەتلىرىنى زىيارەت قىلىش خىزمىتىگە ئەۋەتىلدۇق. بىزنىڭ كۋېبېكتىكى دائىرىگە مەسئۇل ئاقساقال لېونسې كرېپولت ئېيتقان نۇتۇقلىرىم ئۈچۈن ماختىدى. ئەمما، كېيىن ئۇ ھەمىشە «قانداق قىلغاندا، ئۇلار تېخىمۇ ئەمەلىي قوللىنىشچان بولىدۇ؟» b دەپ سورايتتى. ئۇنىڭ ماڭا شەخسەن كۆڭۈل بۆلۈشى بىلەن، تېخىمۇ ئېنىق ۋە چۈشىنىشلىك تەلىم بېرىشكە دىققەت ئاغدۇرۇشنى ئۆگەندىم.
ئەڭ ئۇنتۇلغۇسىز ۋەزىپىلىرىمدىن بىرى، 1978-يىلى، مونترېالدا ئۆتكۈزۈلگەن «غەلبە قازاندۇرغۇچى ئېتىقاد» ناملىق خەلقئارالىق چوڭ يىغىلىشتا ماڭا تاپشۇرۇلغان ئىش ئىدى. مەن يېمەك-ئىچمەك تەمىنلەش خىزمىتىنى قىلدىم. بىز 000،80 ئادەم ئۈچۈن مۇلازىمەت قىلىشىمىز كېرەكتى. يېمەك-ئىچمەك تەمىنلەش ئۈچۈن يېڭى ئورۇنلاشتۇرۇش يولغا قويۇلغان بولۇپ، ھەممىسى پۈتۈنلەي يېڭى ئىدى: ئۈسكۈنىلەر، تاماق تىزىملىكى ۋە تەييارلىق ئۇسۇلى. بىزدە 20چە چوڭ توڭلاتقۇ بار بولۇپ، بەزىدە ئۇلار ئىشلىمەي قالاتتى. تەنتەربىيە مۇسابىقە پائالىيىتى سەۋەبلىك، مەيدانغا كىرەلمىگەچ، بىرىنچى كۈنى باشلىنىشتىن بۇرۇن، يېرىم كېچىگىچە تەييارلىق قىلىشنى باشلىيالمىدۇق. تاڭ ئېتىشتىن بۇرۇن، ناشتىلىق تەييارلاش ئۈچۈن دوخوپكىلارنى قىزىتىشنى باشلىشىمىز كېرەك ئىدى! بىز ھېرىپ ھالىمىزدىن كەتتۇق، ئەمما جاپادىن قورمايدىغان، ئىماندا پىشىپ يېتىلگەن ۋە يۇمۇرىستىك قېرىنداشلاردىن نۇرغۇن نەرسىلەرنى ئۆگەندىم. ئۇلار بىلەن ھازىرغىچە دوستلۇقىمىز داۋام قىلىۋاتىدۇ. بۇ كۋېبېكتا ئۆتكۈزۈلگەن تارىخى بىر چوڭ يىغىلىش بولدى، ھەممىمىز شاد-خۇراملىققا چۆمدۇق! چۈنكى، بۇ ئۆلكىدە 1940—1950-يىللار ئارىسىدا، كۆپلىگەن زىيانكەشلىكلەرنى باشتىن ئۆتكۈزگەن ئىدۇق
1985-يىلى، راندى ئىككىمىز چوڭ يىغىلىشنىڭ تەييارلىق ئىشلىرىغا ياردەم بېرىۋاتقاندا
مونترېالدىكى چوڭ يىغىلىشتىن باشقا رايونغا مەسئۇل ئاقساقاللاردىن نۇرغۇن نەرسىلەرنى ئۆگەندىم. بىر يىلى، ھازىر يېتەكچى كېڭەشتە خىزمەت قىلىۋاتقان دېيۋىد سىپلان چوڭ يىغىلىشقا مەسئۇل ئاقساقال ئىدى. كېيىنكى بىر چوڭ يىغىلىش ئورۇنلاشتۇرۇش خىزمىتىگە مېنى مەسئۇل قىلىپ تەيىنلىدى. ئەمما، دېيۋىد خىزمىتىمگە ھەمكارلاشتى.
راندى ئىككىمىز جامائەتنى زىيارەت قىلىش خىزمىتىنى 36 يىل داۋام قىلغاندىن كېيىن، مېنى جامائەت ئاقساقاللىرىنى تەربىيىلەش مەكتىپىدە ئوقۇتقۇچى بولۇشقا تەكلىپ قىلدى. بىز ئىككى يىل ئىچىدە ئوخشىمىغان 75 كارىۋاتتا ئۇخلىدۇق، ئەمما ھەر بىر قۇربانلىقنى بېرىشكە ئەرزىيدۇ. ھەر ھەپتىنىڭ ئاخىرىدا، ئاقساقاللار ئىنتايىن مىننەتدار بولاتتى. چۈنكى، يېتەكچى كېڭەش ئاقساقاللارنىڭ يەھۋا بىلەن بولغان مۇناسىۋىتىگە قانچىلىك كۆڭۈل بۆلىدىغانلىقىنى كۆردى.
كېيىن، پادىشاھلىق خۇش خەۋىنى ۋەز ئېيتقۇچىلىرىنى تەربىيلەش مەكتىپىدە دەرس بەردىم. ئوقۇغۇچىلار ھەمىشە چارچاش ھېس قىلىپ قالماي، غەم-تەشۋىش ھەم قىلاتتى: كۈندە يەتتە سائەت ئەتراپىدا دەرستە ئولتۇرۇش، ھەر كۈنى كەچتە ئۈچ سائەت تاپشۇرۇق ئىشلەش، ھەپتىدە تۆت ياكى بەش تاپشۇرۇقنى ئورۇنداش. باشقا ئوقۇتقۇچى بىلەن مەن، يەھۋانىڭ ياردىمى بولمىسا، ئۇلارنىڭ قىلالمايدىغانلىقىنى چۈشەندۈردۇق. ئوقۇغۇچىلار يەھۋاغا تايىنىش ئارقىلىق ئۆزلىرى ئويلىغاندىنمۇ كۆپ نەتىجىگە ئېرىشەلىگەنلىكىنى كۆرۈپ، ئۇلار قانچىلىك ھەيران قالغانلىقىنى ھەردائىم ئېسىمدىن چىقارمايمەن.
باشقىلارغا كۆڭۈل بۆلۈش ئۆمۈرلۈك بەرىكەتلەرنى ئېلىپ كېلىدۇ
ئاپامنىڭ باشقىلارغا ئىنتايىن كۆڭۈل بۆلەتتى، بۇ ئۇنىڭ بىلەن مۇقەددەس كىتابنى تەتقىق قىلغانلارنىڭ ئالغا ئىلگىرىلىشىگە ياردەم بېرىپ قالماي، ھەتتا دادامنىڭ ھەقىقەتكە بولغان كۆز قارىشىنى ئۆزگەرتىشىگە ياردەم بەرگەنىدى. ئاپام ۋاپات بولۇپ ئۈچ كۈندىن كېيىن، دادام جامائەت يىغىلىشىغا كېلىپ، ئاممىۋى نۇتۇقنى ئاڭلىدى، بۇ بىزنى بەك ھەيران قالدۇردى. ئۇ كېيىنكى 26 يىلدا، داۋاملىق ئىبادەت يىغىلىشىغا قاتناشتى. گەرچە دادام چۆمۈلدۈرۈلۈشتىن ئۆتمىگەئىن بولىسمۇ، ئاقساقاللار ماڭا ئۇنىڭ ھەر ھەپتە يىغىلىشىلارغا بىرىنچى بولۇپ كېلىدىغانلىقىنى ئېيتتى.
ئاپامنىڭ ئۈلگىسى ماڭا ۋە ئۈچ سىڭلىمغا چوڭقۇر تەسىر قالدۇرغانىدى. مېنىڭ ئۈچ سىڭلىم ۋە ئۇلارنىڭ يولداشلىرى يەھۋاغا سادىقلىق بىلەن خىزمەت قىلىدۇ. ئىككى سىڭلىم تارماق بەيتەللەردە، يەنى بىرى پورتۇگالىيەدە، يەنە بىرى ھايتىدا خىزمەت قىلىدۇ.
راندى ئىككىمىز ھازىر ئونتارىيونىڭ خامىلتون شەھىرىدە مەخسۇس پىدائىي ۋەز ئېيتقۇچى بولۇپ خىزمەت قىلىمىز. بىز جامائەتلەرنى زىيارەت قىلىش خىزمىتىنى قىلىۋاتقان چېغىمىزدا، بىز باشقىلارنىڭ قايتا يوقلاش ۋە مۇقەددەس كىتاب تەتقىق ئۆگىنىشلىرىگە قاتنىشىپ خۇشال بولاتتۇق. ئەمما، ھازىر بىز، ئۆزىمىز بىلەن تەتقىق ئۆگىنىشى ئۆتكۈزگەن كىشىلەرنىڭ يەھۋانى سۆيۈشنى ئۆگەنگەنلىكىنى كۆرۈپ خۇشال بولدۇق. يېڭى جامائىتىمىزدىكى قېرىنداشلار بىلەن يېقىن دوست بولۇشقا باشلىغاندا، يەھۋانىڭ ياخشى-يامان كۈنلەردە ئۇلارنى قانداق قوللاپ-قۇۋۋەتلىگەنلىكىنى كۆردۇق، بۇ بىزگە كۆپ ئىلھام-مەدەت بەردى.
ئارقىمىزغا قارايدىغان بولساق، نۇرغۇن كىشىلەرنىڭ بىزگە شەخسەن كۆڭۈل بۆلگىنى ئۈچۈن چوڭقۇر مىننەتدارمىز. شۇڭا، بىزمۇ باشقىلارغا سەمىمىي كۆڭۈل بۆلۈپ، ئۇلارنى ئۆزىدە بار بولغان ئەڭ ياخشىسىنى يەھۋاغا بېرىشكە ئىلھاملاندۇردۇق (2-كورىنت. 7:6، 7). مەسىلەن، بىر ئائىلىدە ئانا، ئوغۇل، قىز ئۈچ كىشى تولۇپ ۋاقىت يەھۋاغا خىزمەت قىلاتتى. مەن ئائىلە بېشى بولغان بۇرادەردىن پىدائىي ۋەز ئېيتقۇچى بولۇشنى ئويلاپ باققانمۇ؟ دەپ سورىدىم. ئۇ جاۋاب بېرىپ، ئائىلىسىدىكى ئۈچ پىدائىي ۋەز ئېيتقۇچىنى قوللاپ-قۇۋۋەتلەۋاتقانلىقىنى ئېيتتى. شۇنىڭ بىلەن، مەن ئۇنىڭدىن، «ئۇلارنى يەھۋادىن ياخشىراق قوللىيامسىز؟» دەپ سورىدىم. مەن ئۇنى ئۇنىڭ ئائىلىسىدىكىلەر ھۇزۇرلىنىۋاتقان نەرسىلەردىن ھۇزۇرلىنىشقا ئىلھاملاندۇردۇم. ئۇ ئالتە ئايدىن كېيىن، پىدائىي ۋەز ئېيتقۇچى بولدى.
راندى ئىككىمىز يەھۋانىڭ «ئېسىل ئەسەرلىرى» توغرىسىدا داۋاملىق «كېيىنكى ئەۋلادلارغا سۆزلەيمىز»، بىز ئۇلارنىڭ مۇلازىمىتىدىن بىزدەك بەھرىمەن بولۇشىنى ئۈمىد قىلىمىز.—زەبۇر 71:17، 18.
a ھازىر «ھاياتىمىز ۋە خىزمىتىمىز» يىغىلىشىغا جاۋابكار ئاقساقال دەپ ئاتىلىدۇ.
b لېونسې كرېپولنىڭ تەرجىمھالىنى، كۈزىتىش مۇنارى 2020-يىل، 2-ئاي سانى، 26-بەتتىن 30-بەتتىن ئوقۇڭ.
