ئوقۇرمەنلەرنىڭ سوئاللىرى
ئەلچى پاۋلۇسنىڭ 1-كورىنتلىقلار 15:29-ئايەتتىكى سۆزلىرى، بەزى ئېتىقادچىلارنىڭ ئۆلگەنلەر ئۈچۈن چۆمۈلدۈرۈلۈشتىن ئۆتۈشى كېرەكلىكىنى بىلدۈرەمدۇ؟
مۇقەددەس كىتاب ياكى تارىخىي كىتابلارنىڭ بىرىدىمۇ مەسىھ ئەگەشكۈچىلىرىنىڭ ئۆلگەنلەر ئۈچۈن چۆمۈلدۈرۈلۈشتىن ئۆتۈشى كېرەك، دەپ يېزىلمىغان.
بۇ ئايەت كۆپلىگەن مۇقەددەس كىتاب تەرجىمىلىرىدە، قانداق تەرجىمە قىلىنغانلىقى بەزى ئادەملەرنى ئۆلگەنلەر ئۈچۈن چۆمۈلدۈرۈلۈش مۇراسىمى بىرىنچى ئەسىردىكى ئېتىقادچىلارنىڭ ئارىسىدا كەڭ تارقالغان، دېگەن ئويغا كەلتۈرگەن. بۇنداق تەرجىمىلەرنىڭ بىرى: «ئەگەر ئۆلگەنلەر پەقەت تىرىلىپ قوپمىسا، نېمىشقا بەزىلەر ئۆلگەنلەر ئۈچۈن چۆمۈلدۈرۈلىدۇ؟»— مۇقەددەس كىتاب قەشقەر نەشىرى.
لېكىن، ھازىر ئىككى مۇقەددەس كىتاب تەتقىقاتچىلىرىنىڭ ئىزاھاتلىرىنى كۆرۈپ چىقايلى. گرېگورى لوكۋۇد ئىسىملىك ئالىمنىڭ ئېيتىشىچە، بىرسى ئۆلگەنلەر ئۈچۈن چۆمۈلدۈرۈلۈش مۇراسىمىدىن ئۆتۈش كېرەك، دېگەن كۆز قاراشنىڭ تارىختا ياكى مۇقەددەس كىتابتا بارلىقىغا ھېچقانداق دەلىل-ئىسپاتلار يوق. ئوخشاش كۆز قاراشتا بولغان، گوردون د. فى ئىسىملىك پروفېسسور مۇنداق دېگەن: «بۇنداق چۆمۈلدۈرۈلۈش مۇراسىمىنىڭ مىساللىرى تارىختا ياكى مۇقەددەس كىتابتا يوق. ئىنجىلدىمۇ بۇ تىلغا ئېلىنمىغان. دەسلەپكى مەسىھ ئەگەشكۈچىلىرىنىڭ ھېچبىرىنىڭ ياكى ئەلچىلەرنىڭ ئۆلۈمىدىن كېيىن ئۇزۇن ئۆتمەي پەيدا بولغان ھېچبىر چېركاۋلارنىڭمۇ بۇنداق قىلغانلىقىغا مۇناسىۋەتلىك ھېچقانداق ئىسپاتلار يوق».
مۇقەددەس كىتابتا ئەيسانىڭ ئەگەشكۈچىلىرىگە: «ھەممە خەلقلەردىن شاگىرتلارنى تەييارلاڭلار. ئۇلارنى … سۇغا چۆمدۈرۈڭلار. … بۇيرىغان ھەممە نەرسىلەرگە ئەمەل قىلىشنى ئۇلارغا ئۆگىتىڭلار»،— دېگەن بۇيرۇقى يېزىلغان (مەتتا 28:19، 20). ئادەم چۆمۈلدۈرۈلۈش مۇراسىمىدىن ئۆتۈشتىن ئاۋۋال يەھۋا خۇدا ۋە ئەيسا مەسىھ توغرىسىدا بىلىم ئېلىشى ۋە ئۇلارغا ئىشىنىپ، بويسۇنۇشى كېرەك ئىدى. گۆردە ياتقان ئۆلۈكلەر بۇلارنى قىلالمىغان، بىرمۇ تىرىك ئېتىقادچى ئۇلار ئۈچۈن بۇنى قىلالمايتتى.—ۋەز 9:5، 10؛ يۇھاننا 4:1؛ 1-كورىنت. 1:14—16.
پاۋلۇس نېمە دېمەكچى بولغان ئىدى؟
بەزى كورىنتلىقلار ئۆلگەن ئادەملەرنىڭ تىرىلىدىغانلىقىنى رەت قىلغان (1-كورىنت. 15:12). پاۋلۇس شۇ كورىنتلىقلارغا ئۇلارنىڭ كۆز قارىشى ناتوغرا ئىكەنلىكىنى كۆرسەتكەن. قانداق؟ ئۇ ئۆزى: «ھەر كۈنى ئۆلۈمگە دۇچ كېلىۋاتىمەن»،— دېگەن. ئەلۋەتتە، ئۇ تېخى ھايات ئىدى. بىراق، ئۇ ئۆلۈم خەتىرىنى باشتىن ئۆتكۈزگەنلىكىگە قارىماي، ئەيسا مەسىھكە ئوخشاش ئۆلۈمىدىن كېيىن ئاسماندا ياشاش ئۈچۈن كۈچلۈك روھ سۈپىتىدە تىرىلدۈرۈلىدىغانلىقىغا ئىشەنگەن.—1-كورىنت. 15:30—32، 42—44.
كورىنتلىقلار بۇنى چۈشىنىشى كېرەككى، مەسىھ قىلىنغان ئەيسانىڭ ئەگەشكۈچىسى بولۇش دېمەك، بۇ ئۇلار ھەر كۈنى قىيىنچىلىقلارغا دۇچ كېلىدۇ ۋە ئاسماندا ياشاشقا تىرىلدۈرۈلۈشتىن ئاۋۋال ئۆلىدىغانلىقىنى بىلدۈرىدۇ. شۇڭا، ئۇلار ئەيسا مەسىھ بىلەن بىللە بولۇش ئۈچۈن چۆمۈلدۈرۈلگەندە، ئۇنىڭ ئۆلۈمىگە ئورتاق بولۇش ئۈچۈن چۆمۈلدۈرۈلگەن. (رىملىقلار 6:3). ئۇلار بۇ سىمۋوللۇق چۆمۈلدۈرۈلۈشى سەۋەبلىك ئۇدۇل مەنىدىكى ئۆلۈمنى ۋە ئاسماندا ياشاش ئۈچۈن تىرىلدۈرۈشنى باشتىن ئۆتكۈزىدۇ.
ئەيسا سۇغا چۆمۈلدۈرۈپ ئىككى يىلدىن كۆپرەك ئۆتكەندە، ئۇ ئىككى ئەلچىسىگە: «مەن قوبۇل قىلىۋاتقان چۆمۈلدۈرۈش بىلەن چۆمۈلدۈرۈلۈشنى قوبۇل قىلالامسىلەر؟»،— دېگەن (ماركۇس 10:38، 39). بۇ ئايەتتە، ئەيسا مەسىھ ئۆزىنىڭ خۇداغا بولغان ساداقەتمەنلىكى ئۆلۈمگە ئېلىپ كېلىدىغانلىقى ھەققىدە دېمەكچى بولغان. پاۋلۇس مەسىھ قىلىنغان ئېتىقادچىلارغا: «ئۇنىڭ بىلەن بىرلىكتە ئازاب-ئوقۇبەت چەكسەك، ئۇنىڭ بىلەن بىرلىكتە شان-شەرەپكە ئېرىشىمىز»،— دەپ يازغان (رىملىقلار 8:16، 17؛ 2-كورىنت. 4:17). شۇڭا، ئۇلار ئاسماندا ياشاش ئۈچۈن ئۆلۈپ كېتىشكە توغرا كېلىدۇ.
خۇلاسىلىسەك، ئەلچى پاۋلۇسنىڭ سۆزلىرىنى مۇنداق تەرجىمە قىلىشقا بولىدۇ: «تىرىلىش بولمىسا، ھازىر ئۆلۈش ئۈچۈن سۇغا چۆمۈلدۈرۈلۈشنىڭ نېمە ئەھمىيىتى بار؟ ئۆلگەنلەر راستىنلا تىرىلىپ تۇرمىسا، نېمە ئۈچۈن ئۇلار ھازىر ئۆلۈش ئۈچۈن سۇغا چۆمۈلدۈرۈلىدۇ؟»
بۇلارغىمۇ قىزىقىشىڭىز مۇمكىن
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى — ئىيۇل، 2022
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى. 2022، ئاپرېل
مۇقەددەس كىتاب قەسەم توغرىسىدا نېمە دەيدۇ؟
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى _ 2022، ئاپرېل
ئەگەر بىر خۇدا خىزمەتچىسى، ئاجرىشىشقا مۇقەددەس كىتابقا ئاساسلانغان سەۋەبى بولمىسىمۇ، ئاجرىشىپ، باشقا بىرى بىلەن توي قىلسا، جامائەت ئۇنىڭ بۇرۇنقى نىكاھى بىلەن يېڭى نىكاھىغا قانداق كۆزقاراشتا بولىدۇ؟
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى. مارت، 2022
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى — دېكابىر 2021
«كۆزىتىش مۇنارى» (تەتقىق قىلىش نەشىرى)
