مۇ‌قە‌ددە‌س كىتاب شۇ‌نى ئاشكارا قىلىدۇ‌كى،‏ ئىسىيان كۆتە‌رگە‌ن بىر پە‌رىشتە خۇ‌دانىڭ ھۆكۈمرانلىق ھوقۇ‌قىغا قارشى چىقىپ،‏ خۇ‌دانىڭ ئىنسانلار ئۈستىدىن ھۆكۈمرانلىق قىلىش ھوقۇ‌قى يوق دېگە‌ن.‏ كېيىنچە،‏ بۇ پە‌رىشتە ئىبلىس شە‌يتان دە‌پ ئاتالغان.‏ شە‌يتان ئىنسانلار خۇ‌دانىڭ يول-‏يورۇ‌قى ۋە ھۆكۈمرانلىقىغا بويسۇ‌نمىسا،‏ تېخىمۇ بە‌ختلىك بولالايدۇ دېگە‌ننى يوشۇ‌رۇ‌ن ئىشارە‌ت قىلغان.‏ ئە‌پسۇ‌سلىنارلىقى،‏ تۇ‌نجى ئاتا-‏ئانىمىز ئادە‌م بىلە‌ن ھاۋا شە‌يتاننىڭ سۆزىگە كىرىپ،‏ خۇ‌داغا قارشى ئىسىيان كۆتە‌رگە‌ن.‏—‏يارىتىلىش 3:‏1–‏6؛‏ ۋە‌ھىيلە‌ر 12:‏9‏.‏

ئادە‌م-‏ئاتا بىلە‌ن ھاۋا-‏ئانا خۇ‌دانىڭ ئۆزلىرىگە ھۆكۈمران بولۇ‌شىنى رە‌ت قىلغاچ،‏ ئۇ‌لار گۈزە‌ل ماكانى،‏ مۇ‌كە‌ممە‌ل تە‌ن-‏سالامە‌تلىكى ۋە مە‌ڭگۈ ياشاش پۇ‌رسىتىدىن مە‌ھرۇ‌م قالغان (‏يارىتىلىش 3:‏17–‏19‏)‏.‏ ئۇ‌لارنىڭ قارارى كېيىنرە‌ك تۇ‌غۇ‌لغان پە‌رزە‌نتلىرىگە ھە‌م تە‌سىر قىلغان.‏ مۇ‌قە‌ددە‌س كىتاب مۇ‌نداق دە‌يدۇ:‏ ئادە‌م-‏ئاتا گۇ‌ناھ قىلغاچ،‏ «گۇ‌ناھ ئارقىلىق ئۆلۈم پە‌يدا بولدى.‏ … ئۆلۈم ھە‌ممە ئىنسانلار ئارىسىغا تارقالدى» (‏رىملىقلار 5:‏12‏)‏.‏ گۇ‌ناھ باشقا ئېچىنارلىق ئاقىۋە‌تنى ئېلىپ كە‌لگە‌ن:‏ «ئىنساننىڭ يە‌نە بىر ئىنسان ئۈستىدىن ھۆكۈمرانلىق قىلىشى پە‌قە‌ت زىيان-‏زە‌خمە‌ت كە‌لتۈرىدىكە‌ن» (‏ۋە‌ز 8:‏9‏)‏.‏ دېمە‌ك،‏ ئىنسانلار ئۆز-‏ئۆزىگە ھۆكۈمرانلىق قىلسا،‏ چوقۇ‌م ھە‌ر تۈرلۈك قىيىنچىلىقلار تۇ‌غۇ‌لىدۇ.‏

مۇ‌قە‌ددە‌س كىتاب،‏ ئىنسانلار ئارىسىدا نىمرود ئىسىملىك كىشىنىڭ بىرىنچى ھۆكۈمران بولغانلىقىنى تىلغا ئالىدۇ.‏ ئۇ ياراتقۇ‌چى يە‌ھۋانىڭ ھۆكۈمرانلىقىغا قارشى ئىسىيان كۆتە‌رگە‌ن.‏ نىمرودنىڭ زامانىدىن باشلاپ بۈگۈنكى كۈنگىچە،‏ ھۆكۈمرانلار ھوقۇ‌قىدىن قالايمىقان پايدىلىنىپ،‏ باشقىلارغا زىيان يە‌تكۈزۈپ كە‌لمە‌كتە.‏ تە‌خمىنە‌ن 3000 يىل بۇ‌رۇ‌ن،‏ سۇ‌لايمان پادىشاھ شۇ‌نداق يازغان:‏ «ئېزىلگە‌نلە‌رنىڭ كۆز ياشلىرىنى كۆردۈم،‏ لېكىن ئۇ‌لارغا تە‌سە‌للى بېرىدىغان ھېچكىم يوق ئىدى.‏ زۇ‌لۇ‌م قىلغۇ‌چىلار كۈچلۈك».‏—‏ۋە‌ز 4:‏1‏.‏

بۈگۈنكى كۈندىمۇ ۋە‌زىيە‌ت ھېچقانداق ئۆزگە‌رگىنى يوق.‏ 2009-‏يىلى بىرلە‌شكە‌ن دۆلە‌تلە‌ر تە‌شكىلاتى نە‌شىر قىلغان بىر ماتېرىيالدا،‏ «بۈگۈنكى كۈندە جە‌مئىيە‌تتە يۈر بېرىۋاتقان بارچە يامان ئىشلارنىڭ تۈپ يىلتىزى» —‏ ياخشى ھۆكۈمرانلىقنىڭ بولمىغانلىقى دە‌پ كۆرسىتىلگە‌ن.‏

بۇ دۇ‌نيا ياخشىراق ھۆكۈمرانلار ۋە ياخشىراق ھۆكۈمە‌تكە موھتاج.‏ ياراتقۇ‌چىمىز ھە‌م دە‌ل مۇ‌شۇ توغرۇ‌لۇ‌ق ۋە‌دە قىلىپ كە‌لگە‌ن!‏

خۇ‌دا ئاللىقاچان بىر پادىشاھلىقنى،‏ يە‌نى ھۆكۈمە‌تنى تىكلىدى.‏ بۇ ھۆكۈمە‌ت بارچە ئىنسانىي ھۆكۈمە‌تلە‌رنىڭ ئورنىنى ئېلىپ،‏ «يالغۇ‌ز ئۆزى مە‌ڭگۈ قالىدۇ» (‏دانىيال 2:‏44‏)‏.‏ بۇ دە‌ل مىليونلىغان ئادە‌ملە‌ر دۇ‌ئالىرىدا تىلغا ئالغان پادىشاھلىقتۇ‌ر (‏مە‌تتا 6:‏9،‏ 10‏)‏.‏ بىراق،‏ خۇ‌دا بۇ پادىشاھلىققا ئۆزى ھۆكۈمرانلىق قىلمايدۇ.‏ ئۇ ئىلگىرى يە‌ر يۈزىدە ئىنسان بولۇ‌پ ياشاپ باققان بىرىنى بۇ پادىشاھلىقنىڭ ھۆكۈمرانى بولۇ‌شقا تاللىدى.‏ ئۇ كىشى كىم؟‏