ئاللا ئۆز ۋەدىلىرى ھەققىدە ئېيتىپ بېرىدۇ
ئەزەلدىن تارتىپ، ياراتقۇچىمىز ئۆز سۆزلىرىنى پەرىشتىلەر ۋە پەيغەمبەرلەر ئارقىلىق ئىنسانىيەتكە يەتكۈزگەن. ئۇنىڭدىن باشقا، ئۇ ئۆز سۆزلىرى ۋە ۋەدىلىرىنى يازدۇرۇپ، كېلەچىكىمىز ھەققىدە بىزگە ئالدىن خەۋەر بەرگەن. ئۇنداقتا، شۇ ۋەدىلەرنى قەيەردىن ئوقۇيالايسىز؟
پەرۋەردىگار يەتكۈزمەكچى بولغان خەۋەرنى مۇقەددەس يازمىلارغا يازدۇرغان (2-تىموتىي 3:16). خۇدا ئۆز ئوي-پىكىرلىرىنى پەيغەمبەرلەرنىڭ ئەقلىگە سالغان. ئۇلار بولسا، شۇ ئوي-پىكىرلەرنى قەلەمگە ئالغان (2-پېترۇس 1:21). بۇنى چۈشىنىش ئۈچۈن بىر مىسالنى كۆرۈپ چىقايلى. ئەگەر بىر شىركەت مۇدىرى ئۆز نامىدىن خەت يېزىش ئۈچۈن كاتىپىنى ئىشلەتسە، بۇ خەتنىڭ مۇئەللىپى كاتىپ ئەمەس، مۇدىر بولىدىغانلىقىغا گۇمانلانمايمىز. شۇنىڭغا ئوخشاش، ھەممىگە قادىر ئاللا ئادەملەرنى ئىشلىتىپ مۇقەددەس يازمىلارنى يازدۇرغان بولسىمۇ، ئاللا ئۆزى بۇ كىتابنىڭ ھەقىقىي مۇئەللىپىدۇر.
ياراتقۇچىنىڭ سۆزى كەڭ تارقالغان
خۇدادىن كېلىدىغان خەۋەر ئىنتايىن مۇھىم بولغاچ، ئۇ بارچە ئىنسانلارنىڭ شۇ خەۋەرنى ئوقۇپ چۈشىنىشىنى خالايدۇ. بۈگۈنكى كۈندە «ھەر بىر مىللەت، قەبىلە، تىل ۋە خەلق» خۇدانىڭ مەڭگۈلۈك خۇش خەۋىرىنى ئاڭلىيالايدۇ (ۋەھىيلەر 14:6). ئاللانىڭ رەھمىتى ۋە بەرىكىتى بىلەن، ھازىر مۇقەددەس يازمىلار تولۇق ياكى قىسمەن 3000دىن كۆپرەك تىلغا تەرجىمە قىلىنىپ، يەر يۈزىدە ئەڭ كەڭ تارقالغان كىتابقا ئايلانغان.
بۇلارغىمۇ قىزىقىشىڭىز مۇمكىن
مۇقەددەس كىتابنىڭ ئاساسىي تەلىملىرى
مۇقەددەس كىتابنىڭ مۇئەللىپى كىم؟
ئەگەر ئۇنى ئادەملەر يازسا، ئۇنى ھوقۇقلۇق تۈردە خۇدانىڭ سۆزى دەپ ئېيتىشقا بولامدۇ؟ مۇقەددەس كىتابتا كىمنىڭ ئويلىرى يېزىلغان؟
