ياراتقۇچىنىڭ بەرىكەتلىرىدىن مەڭگۈ بەھرىمەن بولۇڭ!
ياراتقۇچىمىز ئىبراھىم پەيغەمبەرگە ئۇنىڭ ئەۋلادىدىن بىرى ئارقىلىق يەر يۈزىدىكى ھەممە خەلقلەرنى بەرىكەتلەيدىغانلىقىنى ۋەدە قىلغان (يارىتىلىش 22:18). ئۇنداقتا، ۋەدە قىلىنغان شۇ ئەۋلاد كىم؟
خۇدا تەخمىنەن 2000 يىل بۇرۇن، ئىبراھىم پەيغەمبەرنىڭ ئەۋلادى بولغان ئەيسا پەيغەمبەرگە زور مۆجىزىلەرنى كۆرسىتىش كۈچىنى بەرگەن. بۇ مۆجىزىلەر ئاللانىڭ ئىبراھىمغا بەرگەن شۇ ۋەدىسىنىڭ ئەيسا ئەلەيھىسسالام ئارقىلىق ئەمەلگە ئاشۇرۇلىدىغانلىقىنى كۆرسەتكەن.—گالاتىلىقلار 3:14.
ھەزرىتى ئەيسانىڭ مۆجىزىلىرى — ئادەملەرنىڭ ئۇ دەل خۇدا تاللىغان ئەۋلاد ئىكەنلىكىنى ئېنىقلىشىغا ياردەم بەرگەن ۋە ئاللانىڭ كېلەچەكتە ئىنسانىيەتنى قانداق بەرىكەتلەرگە ئېرىشتۈرمەكچى بولغانلىقىنى كۆرسەتكەن. ھازىر ئاشۇ مۆجىزىلەر ئەيسانىڭ بەزى ئېسىل پەزىلەتلىرىنى قانداق ئاشكارە قىلغانلىقىغا دىققەت قىلايلى.
رەھىمدىللىق: ئۇ ئاغرىقلارنى ساقايتقان.
بىر كۈنى، ماخاۋ كېسىلى بولغان كىشى ھەزرىتى ئەيسادىن ئۆزىنى ساقايتىشنى ئۆتۈنگەندە، ئۇ: «خالايمەن. پاك بولغىن»،— دەپ ئۇنىڭغا قولىنى تەككۈزگەن. شۇ ھامان ئۇ كىشى كېسىلىدىن ساقىيىپ كەتكەن.—ماركۇس 1:40—42.
مەردلىك: ئۇ قوسىقى ئاچلارنى تويغۇزغان.
ھەزرىتى ئەيسا ئادەملەرنىڭ ئاچ قېلىشىنى خالىمىغان. ئۇ كەم دېگەندە ئىككى قېتىم مۆجىزىلەر ئارقىلىق بىرنەچچە نان ۋە كىچىك بېلىقلارنىڭ سانىنى كۆپەيتىپ، مىڭلىغان كىشىلەرنى تويغۇزغان (مەتتا 14:17—21؛ 15:32—38). كىشىلەر ئۇلارنى يەپ، قوسىقى تويۇپ، ھەتتا ئېشىپ قالغان ئىدى.
ھېسداشلىق: ئۇ ئۆلگەنلەرنى تىرىلدۈرگەن.
بىر كۈنى، ئەيسا ئەلەيھىسسالام قايغۇ-ھەسرەت چېكىۋاتقان تۇل ئايالغا ئىچ ئاغرىتىپ، ئۇنىڭدىن خەۋەر ئالىدىغان يالغۇز ئوغلىنى تىرىلدۈرگەن.—لۇقا 7:12—15.
بۇلارغىمۇ قىزىقىشىڭىز مۇمكىن
بەختلىك تۇرمۇشقا ئېرىشىشنىڭ ئاچقۇچى — ھەقىقىي ئىمان-ئېتىقاد!
خۇدانىڭ يەرشارى ئۈچۈن قانداق مەقسىتى بار؟
مۇقەددەس كىتابتا دېيىلىشىچە ، خۇدا يەر يۈزىنى پەقەت بىكار ئەمەس ، بەلكى «ياشاش» ئۈچۈن ياراتقان. ئەمما ھازىرقى شارائىت ئۇنىڭ ئارزۇ قىلغىنىدەكمۇ؟
مۇقەددەس كىتابنىڭ ئاساسىي تەلىملىرى
خۇدا يەرنى نېمە ئۈچۈن ياراتتى؟
بىزنىڭ ئالەم ئاجايىپ چىرايلىق يارىتىلغان. ئۇ يەرنى قۇياشتىن نەق توغرا ئارىلىققا قويۇپ، قۇياش ئەتراپىدا ئايلىنىشىنىڭ دەل توغرا ئىلداملىقىنى ئورۇنلاشتۇردى. نېمىشقا خۇدا گۈزەل يەرنى يارىتىش ئۈچۈن شۇنچە كۆپ كۈچ چىقارغان؟
