Konano yo Kalifórnia kuenda ko Oregon

• Ci panda 14.000 yovikẽlu kuenda ovina vikuavo via koka okuti ci pitãhãla 700 kovisenge vi pia kovitumãlo via litepa, kuenje ca koka okuti ci pitãhãla olohuluwa violokilometulu kovisenge, via pia konano yo Kalifórnia kuenda onepa yimue yo Oregon

• Oku sipa kuenda atiko a siata oku vĩhĩsa calua ofela. Keteke 21 Yenyenye, asapulo a lekisa okuti konano yo Kalifórnia ofela ya vĩhĩsiwa calua okuti kolonepa vikuavo violuali ci sule

• Olonjanja vivali kuapia ovisenge, kua tukuiwa okuti okuo kua velapo kovisenge viosi viapia vulandu wo Kalifórnia

• 936 kakundi va sukilile oku sia ovitumãlo viavo voloneke vimue

• Olonjo 2 viakundi via nyõleha

• Oseketa Yoku Eca Ekuatiso ku Vana va Pita Lovilunga, vamanji va nyula akongelo, kuenda akulu vekongelo pocitumãlo, va likolisilako oku eca ekuatiso ku vana va pita locilunga caco

Vamanjetu va sanjukila calua ekuatiso liaco. Manji umue wa popia hati: “Nda ku iya nye, nda nye, vamanjetu va li kapelako oku tu kuatisa lonjanga. Etu tu epata limuamue.” Elikolisilo lioku eca ekuatiso, ocindekaise cokuti lacimue “ci tẽla oku tu tepa kocisola ca Suku.”—Va Roma 8:39.