Keteke 8 Yenyenye, 2023, ehunguhungu liofela lia vokiya oku pia kuovisenge ko Maui, ocifuka cavali cinene co Havaí. Ondalu ya nyõla ovina vi panga onepa kovingungu via sapulo, olonjo kuenda ovitumãlo violomĩlu. Akuenje velombe va handeleka omanu oku tilila kovitumãlo via litepa. Ci soka 55 komanu va fa. Vakuopange woku ima ondalu va kasivo oku likolisilako oku ima ondalu vovisenge vitito Kocifuka cinene Havaí.

Ulandu u kuãimo a kunamẽla kovolandu a eciwa la vamanji vopocitumãlo.

• Lomue pokati ka vamanjetu wa fa ale oku lemẽhiwa

• Ci soka 243 kakundi va sukila oku siapo olonjo viavo

• Ci soka 24 kolonjo via nyõliwa

• Onjo 1 ya nyõliwa calua

• Layimue Onjango Yusoma ale ocitumãlo cimue cefendelo lia nyõliwa

• Vamanji va nyula akongelo kuenda akundi vopocitumãlo, va kasi oku eca ekuatiso lia kunamẽla Kembimbliya kuenda ekuatiso lioketimba ku vana va lipita locilunga caco

• Ku kasi oku pongiyiwa ovina vikuavo oco vi eciwe ku vana va sukila

Tu lavoka lesanju oku mola eteke okuti, Usoma wa Suku u ka malako ovitangi via siata oku koka ohali yalua komanu koloneke vilo via sulako, oku kongelamo ku vamanjetu.—Marko 4:39.