Kosãi Yelombo keteke 10 wo 2020, akuenje velombe ko Chita, ko Russia va tipula Manji Vadim Kutsenko okuti Ombangi ya Yehova. Akuenje velombe va kapa olofiyu violusu vimo lia Manji Kutsenko kuenda kovolu vaye. Osimbu akuenje velombe va kala oku tipula Manji Vadim, vo kisika oco a ece olonumbi viatiamẽla Kolombangi vikuavo Via Yehova.

Komẽle yeteke liaco, Asualali Vupange Woku Sandiliya (Serviço Federal de Segurança,) va sandiliya volonjo Violombangi via Yahova vi soka 40 ko Chita, oku kongelamo onjo Yamanji Kutsenko. Kowola 11 koñolosi, akuenje Velombe ko Russia va yikila manji Vadim vonjo ya ndatembo yaye. Ovo vo kuta, va sitika ocipala caye kuenda vo wambata vusenge omo vo vetela. Ndaño okuti wa vetiwa calua, Manji Kutsenko ka ecele olonumbi viatiamẽla Kolombangi vikuavo Via Yehova. Ovo va limbuka okuti ekangiso liaco, ka lia kuatele onima yiwa kuenje vo wambata voseketa yonganji oco vo linge apulilo akuavo.

Manji wa kapiwa vokayike kumue la vamanji vakuavo vatatu vana va kala ale vokayike omo lialundi a lingiwa ko Chita okuti, manji Sergey Kirilyuk, Pavel Mamalimov, and Vladimir Yermolayev.

Noke yoloneke vivali, Ombonge Yocivanja co Ingodinski ya nõlapo okuti Vamanji Kutsenko, Kirilyuk kuenda Mamalimov, vamamako oku kala vokayike ci soka 72 kolowola. Noke ombonge ya eca Manji Yermolayev kuenda ndanõ okuti o kala vokayike pole, o kuata elianjo lioku linga ovina vimue.

Keteke 15 ya Kayovo, Manji Vadim Kutsenko kuenda vamanji vakuavo vavali va tunda vokayike momo onganji ka ya kuatele uvangi wasuapo oco vamanji vaco pisiwe. Onganji ya ecelela okuti va enda kuenda ka ya ecele ovihandeleko viakuavo.

Tu likutilili oco Manji Kutsenko kumue la vamanji vakuavo ko Russia, vamameko ‘oku kuata utõi loku pama’ poku kolela okuti Yehova o ka va ĩha ongusu va sukila oco vamameko oku pandikisa kovitangi.—Yehosua 1:7, 9.