Keteke 18 ya Kayovo wo 2020 ombonge yocivanja co Zheleznodorozhniy ko Khabarovsk, ko Rusia, ya sombisa manji Yevgeniy Aksenov kuenda yo wĩha anyamo avali vokayike okuti ka yikiwa. Nda vokuenda kuanyamo aco avali manji Aksenov wa ilukila kocitumãlo cikuavo ale wa sangiwa oku linga upange umue u pisa, eye o tumiwa vokayike. Volosãi epanduvali viatete, o kala voseteko kuenda o sukila oku li molẽhisa kolombiali olosãi viosi. Handi vali vokuenda kuotembo yaco yoseteko, ka citava okuti eye o linga ungende kosamua yolupale luaye luo Khabarovsk kuenda ka citava okuti o tunda vonjo yaye kovoteke. Manji Aksenov o ka pinga ekuatiso kombonge yinene.