Kuli alivulu alua, olombrochura, otuikanda kuenda olovideo o pondola oku tanga loku vi tala vo JW Library.

Kuama olonumbi evi oco o tape, kuenda oku sokiya alivulu:

• Tapa Elivulu Limue

• Nyõla Elivulu Limue

• Oku Linga Apongoloko Velivulu Limue

O pondola oku tapa alivulu alua o yongola oku tanga kuenda oku lilongisa.

• Tioka Palivulu oco o tale ulala walivulu.

  Tioka pondimbukiso Yalimi oco o tale ulala walimi a sandeka alivulu oco o a tape. Nõla elimi o yongola oku tala. Alimi wa siata oku kuama a kala kilu liulala waco. O pondolavo oku sandiliya elimi poku soneha onduko yaco.

• Kuli olonjila via litepa vioku sanga alivulu vo JW Library.

  Ponepa Kategoria pa sangiwa alivulu elimi wa nõla ndeci, Alivulu, Otuikanda, ale Olovideo. Eci o tioka pondimbukiso yaco, olonepa vimue vi ku ecelela oku nõla ndeci, unyamo Wutala Wondavululi ale ulala Wolovideo. O pondolavo oku tioka Polokategoria Viosi, oco o tiukile kulala waco.

Ponepa Ovina Viokaliye pa lekisa alivulu a sandekiwa ndopo kelimi o yongola.

Tioka kelivulu limue oco o li tapele vo tablet ale votelefone yove.

Alivulu ka a tapiwile a kuete ondimbukiso yokalende kamue. Tioka kelivulu limue oco o li tape. Eci elivulu li tapiwa vo tablet yove, okalende kaco ka ka molẽha vali. Tioka vali kelivulu oco o li tange.

Ponepa Ovina Via Tapiwa, pa lekisa alivulu alimi osi wa tapa. O pondola oku sokisa ulala waco poku tala Mais Usados, Menos Usados ale Maior Arquivo.

O pondola oku nyõla elivulu ku sukila vali oco vocimalẽho cove mu kuate evelo.

Tioka Palivulu. Noke tioka kelivulu limue (ndeci, Alivulu) oco ku yikuiwe ulala walivulu. Tioka ponepa oku Nõla, kuenje nõla alivulu o yongola oku nyõla. O pondolavo oku tioka kelivulu limue oco li nõliwe. Tioka pondimbukiso yoku Nyõla, oco o nyõle elivulu ku yongola vali.

Nda o yongola okuti vocimalẽho cove mu kuata evelo, o pondola oku nyõla elivulu ku tangi calua ale linene. Tioka Palivulu, noke kuende ponepa Ovina Via Tapiwa, kuenje nõla Menos Usados ale Maior Arquivo. Nyõla alivulu ku sukila vali.

Olonjanja vimue, valivulu wa siata oku tapa, mu lingiwa apongoloko.

Elivulu mua lingiwa apongoloko li kuata ondimbukiso yimue. Eci o tioka kelivulu, o ka mola esapulo li lekisa okuti mua lingiwa apongoloko. Tioka ponepa oku Tapa oco o linge apongoloko, ale tioka Noke, oco amameko oku tanga ocipama caco.

Oco o tale alivulu wa tapa nda mua lingiwa apongoloko, tioka Alivulu, kuende ponepa Ovina Via Tapiwa. Nda mua lingiwa apongoloko, o mola esapulo liokuti, Atualização Pendente. Tiokapo oco o tale ulala waco. Tioka kelivulu limue oco mu lingiwe apongoloko, ale tioka Todas as Atualizações, oco vovina via tapiwa mu lingiwe apongoloko.