Yehova o tava olohuela viulume umue kuenda viukãi okuti va kuete akova a litepa momo kokuaye akova osi a lisoka. Embimbiliya li popia hati: ‘Suku o tata omanu vosi lonjila yimuamue, ndaño va kuete ekova lia litepa.’—Ovilinga 10:34, 35.

 Konomuisa olonumbi vimue Viembimbiliya vi lekisa oku lisoka kuakova kuenda olohuela.

 Omanu vosi va tunda kulume watete, Adama kuenda kukãi waye Eva, una Embimbiliya liu tukula hati: “Ina ya vosi va kasi lomuenyo.” (Efetikilo 3:20) Omo liaco, Embimbiliya li popia okuti Suku “lomunu umosi, wa sovola olofeka viosi viomanu.” (Ovilinga 17:26) Ndaño okuti kuli akova alua, pole, omanu vosi va panga onepa kepata limosi lika. Pole, nye o sukila oku linga nda kocitumãlo o kasi kuli ukuse walua wakova ale etepiso liovisoko?

 Ndaño okuti olohuela viomanu va kuete ekova lia litepa vi taviwa la Suku, pole, havosiko va kuete ovisimĩlo viaco. (Isaya 55:8, 9) Nda o yongola oku kuela lomunu umue ukuekova lia litepa, ove kumue lomunu waco vu sukila oku sapela ovina vimue ndeci:

•   Nda omanu va lisungue lene ale epata va ku sakalaisi, vu ka liyaka ndati lovitangi viaco?

•   Vu pondola oku kuatisa ndati omãla vene oku liyaka lukuse?

 Oku ‘sapela pokati’ lonjila eyi ci pondola oku ku kuatisi oku kuata esanju volohuela.—Olosapo 13:10; 21:5.