CA LULIKIWA?
Okuokuo ku Komohĩsa kuo Polvu
Olomesele violomakina vi kasi oku panga ovikuata vimue oco vi kuatise olondotolo oku pelala papuluvi atito etimba okuti ka va ci lingi papuluvi anene. Uloño waco wa setukuiwa kuokuo kuopolvu.
Kũlĩhĩsa ndeci: Opolvo yi kuete ovoko ecelãla aleñela a pondola oku linalũla. Lovoko aco yi pondola oku kuata loku kakatela kuenda oku sipata ovina toke muẽle povitumãlo vitito. Oyo ka yi ketika lika olosinga viaye kovitumãlo viosi, yi pondolavo oku kõlisa olonepa via litepa viovoko ayo nda ci sukiliwa.
Vakuakunomuisa va tava okuti, okuokuo kuomakina yimue okuti kua pelevela akuo kua leñela ndeci okuokuo kuopolvu, ku pondola oku kuata esilivilo poku pelala papuluvi atito. Ocikuata caco nda ca kuatisa oku pelala olombeyi lonjila yimue okuti ka vi tali ohali yalua poku pelaliwa.
Tala ovoko aleñela opolvu oku lisengasenga.
Kua luvikiyiwa ale okuokuo kuomakina yimue kuenda ku kasi oku talavayiwa lakuo kovopange oku setukula oku pelala. Okuokuo kuaco ku lema eci cisoka 135 kolomilimetru kuenda onepa yimue yayo yi pondola oku votoka kuenda oku kuata ovimatamata viovokati okuti ka vi lemehiwa, osimbu onepa yikuavo yi pelala. Ndotolo Tommaso Ranzani, okuti watiamẽla kocisoko ca panga okuokuo kuomakiya yaco wa popia hati, “ tu tava okuti onjila yaco yi ka kala efetikilo liovina viokaliye havio via velapo vali kuloño.”
Okuokuo kuomakina yimue okuti kua pelevela akuo kua leñela ku pondola oku kuata esilivilo kovopange oku pelala.
Nye o sima? Okuokuo kuo polvu kua tukulukaño? Ale kua lulikiwa?
Ove o ka ci Sola
ALIVULU KUENDA OLOMBROCHURA
Efetikilo Liomuenyo—Apulilo Atãlo a Sukila Oku Tambuluiwa
Kũlĩhĩsa ovovangi kuenje nõla ove muẽle nda o tava kelongiso liokuti ovina via tukuluka ño, ale via lulikiwa.
CA LULIKIWA?
Ucĩla Wokavalu Kovokalunga
Tala ndomo onjila yilikasi ndomo kua pangiwa ucĩla wokavalu kovokalunga u kasi oku vetiya oku panga oviñumañuma violomakina viokaliye.