O Tenda Ndati Oloneke vi Keya Kovaso?
Anga hẽ oluali lulo . . .
-
ka lu ka pongoloka?
-
ovitangi vi ka livokiya?
-
mu ka kala ekalo liwa?
CECI EMBIMBILIYA LI POPIA
“Suku . . . o ka puenya asuẽlẽla osi vovaso avo, oku fa ka ku ka kalako vali, ndaño oku lila loku liyula levalo ka vi ka kalako vali. Ovina viatete via pita.”—Esituluilo 21:3, 4, Embimbiliya li Kola—Epongoluilo Lioluali Luokaliye.
CECI CI PONDOLA OKU LOMBOLOKA KOKUOVE
Upange uwa, hawo u nena esanju liocili.—Isaya 65:21-23.
Ka ku ka kala vali oku vela, ale ohali.—Isaya 25:8; 33:24.
Oku kuata esanju, omuenyo ko pui loku kala lepata kuenda akamba.—Olosamo 37:11, 29.
TU SUKILA MUẼLE OKU TAVA KUECI EMBIMBILIYA LI POPIA?
Oco, omo liasunga avali a kuãimo ndeci:
-
Suku o kuete unene woku tẽlisa ohuminyo yaye. Vembimbiliya, Yehova Suku eye lika o tukuiwa hati, “Ukuonene Wosi” omo okuti, unene waye ka u pui. (Esituluilo 15:3) Omo liaco, Yehova o ka tẽlisa ohuminyo yoku pongolola oluali lulo, oco mu kale ekalo liwa. Ndeci Embimbiliya li popia, “ku Suku ovina viosi vi tẽliwa.”—Mateo 19:26.
-
Suku o kuete onjongole yoku tẽlisa ohuminyo eyi. Ndeci, Yehova ‘o kuetele ongeva’ omanu va fa kuenda o yongola oku va pindula oco va kuate vali omuenyo.—Yovi 14:14, 15.
Embimbiliya li lekisavo okuti Yesu Omõla a Suku, wa sakula olombei. Momo lie a ci lingila? Momo wa yonguile muẽle oku ci linga. (Marko 1:40, 41) Yesu wa setukula lonjila ya lipua ovituwa via Isiaye, kuenje eli olio esunga lieci a lekisila onjongole yoku kuatisa omanu.—Yoano 14:9.
Omo liaco, tu sukila oku kolela okuti, Yehova la Yesu, va yongola oku tu kuatisa, oco tu kuate esanju ka li pui kovaso yoloneke!—Olosamo 72:12-14; 145:16; 2 Petulu 3:9.
SOKOLOLA EPULILO ELI
Suku o ka pongolola ndati oluali lulo oco mu kale ekalo liwa?
Embimbiliya li tambulula epulilo eli kelivulu lia MATEO 6:9, 10 kuenda DANIELE 2:44.
Ove o ka ci Sola
UTALA WONDAVULULI
Ocili Catiamẽla Kovina Vio Kovaso Yoloneke
Pamisa elavoko liove kueci Suku a popia catiamẽla kongongo kuenda omanu va ka kalamo.
OLOSAPI VIKUAVO
O Pondola Oku Kolela Kekalo Liwa Lio Kovaso Yoloneke
Momo lie olohuminyo vi sangiwa Vembimbiliya via litepela lolohuminyo kuenda asokiya a lingiwa lomanu?
ESSENTIAL BIBLE TEACHINGS
Usoma wa Suku u Lomboloka Nye?
Yesu vokuenda kupange waye woku kunda, eye wa longisa eci catiamẽla Kusoma wa Suku okuti ovina vikuavo ci sule. Tunde kosimbu, olondonge viaye via siata oku likutilila oco Usoma wiye.
UTALA WONDAVULULI
Nye Usoma wa Suku u ka Linga?
Yesu wa kũlĩhĩle okuti, Usoma wa Suku owo lika uviali u pondola oku malako ovitangi vongongo. Nye Usoma wa linga ale oco ci pamise ekolelo lietu?
KOKUETU
Pinga Oco o Nyuliwe
Sapeli eci catiamẽla kosapi yimue Yembimbiliya, ale lilongisa ovina vikuavo viatiamẽla Kolombangi Via Yehova.
