Ovolandu Embimbiliya a kuete esilivilo lialua:

• 2Sa 11:2-5, 14, 15, 26, 27; 12:1-13—Soma Daviti wa linga akandu alua anene, wa tambula epindiso kuenda wa lekisa okuti wa likekembela.

• Rom 7:15-24—Upostolo Paulu wa kuata ekolelo lia pama kuenda wa litumbikile ku Suku, pole, wa sukilile oku likolisilako oco a yuvule ovisimĩlo kuenda olonjongole ka via sungulukile.

Ovolandu Embimbiliya a kuete esilivilo lialua:

• Eft 3:1-6—Satana poku vanguila vonyõha, wa seteka Eva oco a pitise kovaso olonjongole viaye muẽle, loku nyõla ekolelo liaye ku Yehova.

• Olo 7:6-10, 21-23—Soma Salomone wa lombolola ndomo umalẽhe umue a yapuisiwa lukãi umue ocipuepue.

Ovolandu Embimbiliya a kuete esilivilo lialua:

• Olo 5:1-14—Ndeci isia umue a sapela lomõlaye, Soma Salomone wa eca elungulo liwa lia tunda ku Yehova li lekisa ndomo tu pondola oku yuvula evĩho liukahonga.

• Mat 4:1-11—Yesu wa eca ongangu yiwa yoku tamalãla kayonjo a Satana poku kolela Kondaka ya Suku.

Ovolandu Embimbiliya a kuete esilivilo lialua:

• Etu 22:1-12—Ocihandeleko ca eciwile ku Mose, ca lekisile okuti, nda omunu wa nyana cimue, wa kisikiwile oku feta ku vana a nyana.

• Luk 19:8, 9—Sangeo usongui wa velapo koku tambula elisimu, wa lekisa okuti wa likekembela poku linga apongoloko loku tiula komanu olombongo vina a enda oku tambula.

Ovolandu Embimbiliya a kuete esilivilo lialua:

• Yeh 7:1-13, 20-26—Akani wa kokela ovitangi o Isareli yosi poku linga ekandu linene loku seteka oku limbika ekandu liaco.

• Yon 1:1-16—Uprofeto Yona omo lioku sinĩla Yehova, wa kapa kohele omuenyo waye kuenda wa vana va kala vonaviyu.

• 1Ko 5:1-7—Upostolo Paulu wa situlula ocitangi cimue cekandu linene ko Korindo okuti, ca kala oku kapa kohele ekongelo liosi.

Ovolandu Embimbiliya a kuete esilivilo lialua:

• Esn 13:6-9; 21:18-20—Ocihandeleko ca eciwile ku Mose ca kisikile okuti, citava okuti omunu umue o situlula ekandu limue linene ndaño muẽle lia umue ukuepata ale liomunu umue o soliwe calua.