Ekuta Liatavo
Anga hẽ omanu vosi vakuetavo va fendela o Suku imuamue?
Anga hẽ Embimbiliya li longisa okuti Yehova o tava atavo osi ndaño va longisa ovisimĩlo via litepa?
Mat 7:13, 14; Yoa 17:3; Efs 4:4-6
-
Ovolandu Embimbiliya a kuete esilivilo lialua:
-
Yeh 24:15—Yehosua wa lombolola ciwa catiamẽla koku nõla oku vumba Yehova kuenda olosuku vikuavo.
-
1Ol 18:19-40—Yehova wa handeleka uprofeto Eliya oco a lekise okuti, afendeli va Suku yocili va sukila oku yuvula oku fendela olosuku vikuavo ndeci Baale.
-
Yehova o liyeva ndati catiamẽla kolosuku violofeka kuenda ku vana va vi fendela?
Yehova o kala ndati eci omanu va popia okuti vo fendela, pole, va tengamo ovina ka via sungulukile?
Isa 1:13-15; 1Ko 10:20-22; 2Ko 6:14, 15, 17
-
Ovolandu Embimbiliya a kuete esilivilo lialua:
-
Etu 32:1-10—Arone omo lioku sakalaisua la va Isareli vakuavo, wa panga ociñumañuma cimue conãle oco va lingile “ocipito cimue Yehova” kuenje ca wengula onyeño Yaye.
-
1Ol 12:26-30—Soma Yerevoama oco a tateke omanu oku enda konembele ko Yerusalãi, wa tunga oviñumañuma oco vi linge ocindekaise ca Yehova, pole, ca vetiya omanu oku linga ekandu.
-
Nye Yehova a longisa ku va Isareli catiamẽla koku likongela la vana va fendela olosuku vikuavo?
Nye Yehova a linga eci afendeli vaye va vumba olosuku vikuavo?
Olg 10:6, 7; Os 106:35-40; Yer 44:2, 3
-
Ovolandu Embimbiliya a kuete esilivilo lialua:
-
1Ol 11:1-9—Soma Salomone omo lioku sakalaisua lakãi vaye ovingendeleyi, wa sumuisa Yehova poku sandeka efendelo liolosuku vikuavo.
-
Os 78:40, 41, 55-62—Asafe wa lombolola ndomo esino lia va Isareli kuenda efendelo lioviteka, lia sumuisa Yehova kuenje co vetiya oku nyehula afendeli Vaye.
-
Anga hẽ Yesu wa tava kalongiso ana ka a likuata Londaka ya Suku?
-
Ovolandu Embimbiliya a kuete esilivilo lialua:
-
Mat 16:6, 12—Yesu wa sokisa alongiso a va Fariseo kuenda a va Sadukeo letumbisa omo okuti, alongiso aco esanda a lisandula lonjanga kuenda a nyõla efendelo liocili lilongisiwa Vondaka ya Suku.
-
Mat 23:5-7, 23-33—Yesu lutõi walua, wa pisa ovilinga viombambe lalongiso ka a sungulukile a vakuavisonehua kuenda a va Fariseo.
-
Mar 7:5-9—Yesu wa pisa vakuavisonehua kuenda va Fariseo omo lioku velisapo calua oviholo viomanu okuti, Ondaka ya Suku ci sule.
-
Anga hẽ Yesu wa vetiya olondonge viaye okuti vi litepa lovimunga vialua viatavo?
-
Ovolandu Embimbiliya a kuete esilivilo lialua:
-
Yoa 15:4, 5—Yesu wa tukula uyuva oco a lombolole omunga olondonge viaye vi sukila oku kuata laye kuenda Lakristão vakuavo.
-
Yoa 17:1, 6, 11, 20-23—Yesu vuteke waye wa sulako lovapostolo vaye osimbu ka pondiwile, wa likutilila oco olondonge viaye viocili vi likuate omunga.
-
Anga hẽ akongelo alua Akristão kocita catete va kuama alongiso kuenda va fendela Yehova lonjila yimuamue?
-
Ovolandu Embimbiliya a kuete esilivilo lialua:
-
Ovl 11:20-23, 25, 26—Akongelo o ko Antiokea kuenda o ko Yerusalãi, a talavayela kumosi loku likuata omunga.
-
Rom 15:25, 26; 2Ko 8:1-7—Akongelo Akristão kocita catete, a lekisa ocisola poku likuatisa pokati vokuenda kuotembo yohali kuenje ca situlula okuti, va likuatele omunga.
-
Nda omanu va popia okuti va kolela Kristu, anga hẽ etavo liavo li taviwa la Suku?
Nda omanu ka va pokola kalongiso a Kristu kuenda ovapostolo vaye, anga hẽ efendelo liavo li taviwa?
-
Ovolandu Embimbiliya a kuete esilivilo lialua:
-
Mat 13:24-30, 36-43—Yesu wa tukula ocindekaise cimue oco a lekise okuti, ndeci osoka yi lisanduila vepia, Akristão valua vesanda va laikele oku molẽha loku iñila vekongelo.
-
1Yo 2:18, 19—Upostolo Yoano wa lekisa okuti kua laikele oku molẽha vantikristu valua kesulilo liocita catete.
-
Nye ci pita nda omanu vana va longisa ovina viesanda kuenda ka va pokola ku Kristu, va eceleliwa oku kala vekongelo?
Nye Akristão va sukila oku linga oco vamameko oku likuata omunga?
Momo lie Akristão ka va litengela vefendelo liesanda?
Momo lie ca sungulukila oku kuatisa omanu oco va kũlĩhe alongiso ka a sungulukile atavo esanda?
Momo lie ka tu komõhela eci omanu vakuatavo vesanda va tu ñualelapo loku tu lambalala?
Ove o ka ci Sola
UTALA WONDAVULULI
Suku o Tenda Ndati
Elitokeko li sukila oku kuata ondando yimue? O pondola oku komõha etambululo li sangiwa Vembimbiliya.
APULILO ATAMBULUIWA LEMBIMBILIYA
Anga hẽ Atavo Osi Amuamue? Anga hẽ Osi a Songuila ku Suku?
Asunga avali a tukuiwa Vembimbiliya, a eca etambululo.
OVOLANDU O PONDOLA OKU LILONGISA VEMBIMBILIYA
Usoma Umue wa Tepiwa
Va Isareli valua va liwekapo oku vumba Yehova.
KOKUETU
Pinga Oco o Nyuliwe
Sapeli eci catiamẽla kosapi yimue Yembimbiliya, ale lilongisa ovina vikuavo viatiamẽla Kolombangi Via Yehova.
