Ovolandu Embimbiliya a kuete esilivilo lialua:

• Uku 12:1-8—Soma Salomone vupopi wocindekaise, o lombolola ovitangi vimue tu pondola oku kuata osimbu tu kuka ndeci, oku uvala kuovaso (“afeko vana va vanjela polonjanela va mola owelema”) kuenda usitatũi (“omãla vosi vakãi vana va imba londaka ya posoka va hongua”)

Ovolandu Embimbiliya a kuete esilivilo lialua:

• 1Sa 12:2, 23—Uprofeto Samuele ndaño okuti wa kukile ale, wa kũlĩhĩle ndomo ci kuete esilivilo oku amamako oku likutililako afendeli va Yehova.

• 2Sa 19:31-39—Soma Daviti, wa lekisa olopandu ku Barisilai una wa kukile calua omo lioku u kuatisa lutima wosi kuenda Barisilai lumbombe wa limbuka okuti, ka kuatele vali olohõlo vialua eci vo pinga oco a ende ko Yerusalãi.

•  Os 71:9, 18—Ndaño Soma Daviti wa kala lusumba okuti ka ka kuata vali esilivilo kovaso a Yehova omo lioku kuka, eye wa pinga ku Yehova oco o wĩhe ongusu yoku longisa catiamẽla Kokuaye kocitumbulukila ca kuamamo.

• Luk 2:36-38—Uprofeta Ana, ocimbumba cimue ca kukile ale, wa sumũlũisiwa omo liekolelo kuenda upange waye.

Ovolandu Embimbiliya a kuete esilivilo lialua:

• Eft 12:1-4—Eci Avirahama a kuata 75 kanyamo, Yehova wo wĩha ocikele coku tunda vofeka yaye.

• Dan 10:11, 19; 12:13—Ungelo umue wa nyula uprofeto Daniele, eci a kuata 90 kanyamo, oco o sapuile okuti eye o soliwe calua la Yehova kuenda o ka sumũlũisiwa omo liekolelo liaye.

• Luk 1:5-13—Yehova wa sumũlũisa Sakariya wa kukile ale kuenda ukãi waye Elisavete poku linga ocikomo, okuti va cita omõla wa tukuiwa, Yoano.

• Luk 2:25-35—Yehova wa eca ku Simeone wa kukile ale esumũlũho lioku mola Mesiya; kuenje Simeone wa sandeka ocitumasuku cimue catiamẽla ku Mesiya.

• Ovl 7:23, 30-36—Uprofeto Mose wa kuata 80 kanyamo eci Yehova o wĩha ocikele coku songuila omanu Vaye, va Isareli.

Ovolandu Embimbiliya a kuete esilivilo lialua:

• Eft 45:9-11; 47:12—Yosefe wa pinga oco vo nenele isiaye Yakoba wa kukile ale kuenda wo tata toke eci a fa.

• Rut 1:14-17; 2:2, 17, 18, 23—Ruti wa kuatisa ukãi wa kuka Naomi, eye wa ci linga kolondaka kuenda kovilinga.

• Yoa 19:26, 27—Yesu osimbu a kala oku panda kolofa kuti wekangiso, eye wa eca ku Yoano upostolo a solele ocikele coku tata inaye.