Ovolandu Embimbiliya a kuete esilivilo lialua:

• Eft 24:1-4, 7—Avirahama ndaño wa kukile ale, wa nõlelepo oku sanga ukãi umue pokati ka vana va fendela Yehova oco a kuele lomõlaye Isake, okuti pokati ka va Kanana va fendela olosuku vikuavo sio.

• Eft 28:1-4—Isake wa sapuila omõlaye Yakoba oco ka kakuele lukãi umue u Kanana, pole, wa sukilile oku ka sanda ukãi umue o vumba Yehova.

Ovolandu Embimbiliya a kuete esilivilo lialua:

• 1Ol 11:1-6, 9-11—Yehova wa temẽla Soma Salomone omo ka pokuile kocihandeleko caye kuenje wa kuela lakãi ovingendelei kuenda wa ecelela okuti va ya puisa utima waye.

• Neh 13:23-27—Poku situlula onyeño ya Yehova ya sunguluka, Nguluvulu Nehemiya wa pindisa kuenda wa pengulula omanu vakuesino, okuti va kuelele akãi vakualofeka ka va fendela Yehova.

Ovolandu Embimbiliya a kuete esilivilo lialua:

• 1Sa 25:2, 3, 14-17—Nabala wa kala ulume umue ohuasi, pole, eye wa tatamẽle calua okuti, ka kaile ulume umue uwa ku Avigaile.

• Olo 21:9—Nda ka tua nõlele ciwa omunu tu kuela laye, ci pondola oku tu kokela esumuo kuenda oku nyõla ombembua yetu.

• Rom 7:2—Upostolo Paulu o lombolola okuti ukãi o kuele wa kutiwila vocihandeleko culume waye kalipuile; omo liaco, ukãi ukualondunge o lekisa utate poku nõla omunu a kuela laye.

 Ovolandu Embimbiliya a kuete esilivilo lialua:

• Olo 24:27—Osimbu ulume ka kuelele kuenda oku sima oku cita omãla, eye o sukila oku talavaya oco a tẽle oku tekula epata.

Ovolandu Embimbiliya a kuete esilivilo lialua:

• Rut 2:4-7, 10-12—Boasi wa lilongisa eci catiamẽla ku Ruti poku tala ndomo eye a talavaya, ndomo a tata Naomi, oku yevelela ulandu wa tiamẽla kokuaye wa vanguila lomanu vakoleliwa kuenda poku mõla ndomo eye a solele Yehova.

• Rut 2:8, 9, 20—Ruti wa limbuka okuti Boasi wa kala ulume umue uwa, ukuacali kuenda wa solele Yehova.

Ovolandu Embimbiliya a kuete esilivilo lialua:

• Olo 5:18, 19—Olonjila vimue vioku lekisa ocisola te vi lingiwa lika lomanu vana okuti vakuela ale.

• Oci 1:2; 2:6—Umalẽhe ungombo kuenda ufeko Sulamita, va lisituluila ovisimĩlo viavo lonjila yimue ya sunguluka.

• Oci 4:12; 8:8-10—Ufeko Sulamita wamamako oku liyelisa kuenda wa likandangiya; eye wa sokisiwa ndocumbo colonelẽho ca yikiwa.

Ovolandu Embimbiliya a kuete esilivilo lialua:

• Eft 21:8-12—Yehova wa vetiya Avirahama oco a yevelele ukãi waye Sara ndaño okuti, ocisimĩlo eye eca ca sumuisa Avirahama.

•  Olo 31:10, 11, 16, 28—Ulume ukualondunge o kuete ukãi umue wa sunguluka, ko lavulula ale oku vanja kakulueya aye, pole, o kolela kokuaye kuenda u pandiya.

• Efs 5:33—Upostolo Paulu wa lekisa okuti ukãi o sukila oku limbuka okuti ulume waye u sole.

Ovolandu Embimbiliya a kuete esilivilo lialua:

• Olo 1:8; 1Ko 7:4—Volohuela Suku wa eca kakãi ocikele cimue ca pita pokati.

• 1Ko 11:3—Upostolo Paulu o lombolola okuti veliangiliyo lia Yehova, vosi va kasi vemẽhi liusongui umue, pole, Suku eye lika Ukuonene Wosi.

• Hev 13:7, 17—Vekongelo, ci kale alume kuenda akãi va sukila oku pokola ku vana va kuete ocikele coku songola.

Ovolandu Embimbiliya a kuete esilivilo lialua:

• Eft 18:12; 1Pe 3:5, 6—Sara wa lekisa esumbilo lialua ku Avirahama kuenda wo tukuile hati “ñala yange.”

Ovolandu Embimbiliya a kuete esilivilo lialua:

• Eft 24:62-67—Rebeka wa kuatisa ulume waye Isake oku sanga elembelelo noke lia inaye oku fa.

• 1Sa 25:14-24, 32-38—Avigaile wa teyuila ulume waye wa tatamẽle kuenda wa popela onjo yaye poku lekisa umbombe eci a vangula la Daviti.

• Est 4:6-17; 5:1-8; 7:1-6; 8:3-6—Nasoma Ester wa kapele kohele omuenyo waye poku ka lisanga lulume waye ndaño eye ko vilikiyile, oco a pinge kokuaye okuti o teyuila afendeli va Suku.