Ovolandu Embimbiliya a kuete esilivilo lialua:

• 2As 26:3-5, 16-21—Soma Usiya wa linga ukuepela; eye ka pokuile Kocihandeleko ca Suku kuenda eci a lunguiwa wa tema; kuenje Suku wo kangisa lovilundu.

• Luk 18:9-14—Yesu wa tukula ocindekaise cimue oco a situlule ovisimĩlo via Yehova, viatiamẽla kolohutililo viomanu ambombe kuenda vakuepela.

Ovolandu Embimbiliya a kuete esilivilo lialua:

• 2As 12:5-7—Soma Rehovama kuenda olombuale vio ko Yuda, va tava lumbombe olonumbi via Yehova kuenje va puluka kenyõleho.

• 2As 32:24-26—Soma Hesekiya una wa kala uwa, wa lekisa epela, pole, Yehova wo wecela omo liumbombe waye.

Ovolandu Embimbiliya a kuete esilivilo lialua:

• Eft 33:3, 4—Yakoba wa lekisa umbombe walua poku lisanga lamanjaye Esau, oco pokati kavo pa kaile ombembua, ndaño wo tata lungangala.

• Olg 8:1-3—Onganji Gideone lumbombe walua ya sapuila alume vo ko Efarimi okuti, ovo vo velelepo oco ovo va tulumũhe okuti pokati kavo ka pa kala uyaki.

Ovolandu Embimbiliya a kuete esilivilo lialua:

• Isa 53:7; Flp 2:7, 8—Ndomo ovitumasuku via ci popele ale, Yesu wa lekisa umbombe poku tava ocikele caye palo posi, ndaño mua kongelele oku sepuiwa kuenda oku fa.

• Luk 14:7-11—Yesu wa tukula ulandu umue watiamẽla koku tumala kolomangu via velapo kondalelo yimue, oco a lekise esilivilo liumbombe.

• Yoa 13:3-17—Yesu wa eca ongangu yiwa kolondonge viaye poku linga upange umue usulemo woku sukula kolomayi violondonge viaye.