Ndomo o kuatisiwa lelilongiso lilo Liembimbiliya
Tete kũlĩha ovina vi sangiwa ponepa yilo yelilongiso, noke tala OVIDEO.
ONEPA YATETE
Poku pongiya ocipama locipama, tete tanga ocinimbu. Apulilo a sonehiwa lotinda yi tekãva calua (A) kuenda ovisonehua (B) vi situlula atosi a velapo. Limbuka okuti, kovisonehua vimue, kua kapiwa ondimbukiso yokuti “tanga.”
ONEPA YO VOKATI
Olondaka viatete (C) vemẽhi liokasapi Lilongisa Ondongosi vi lombolola eci ci kuãimo. Otulosapi (D) tu ecelela oku linga apulilo latambululo. Lulongisi umue, tanga ovisonehua, tambulula apulilo kuenda tala olovideo.
Vocipama locipama, o sangamo otulokasia tu lekisa OVIDEO yimue muli alomboluilo akuavo atiamẽla kosapi yocipama. Olovideo vimue vi lekisa eci ca pita muẽle lomanu. Vikuavo, ovindekaise okuti, vi likuata lovolandu eteke leteke.
Konomuisa alitalatu kuenda olondaka vi sangiwa pombuelo yaco (E), kuenda sokolola ndomo o tambulula eci Omanu Vamue va Popia Vati (F).
ONEPA YA SULAKO
Nye wa Lilongisa? kuenda Oku Pitulula (G) onepa yoku malusula ocipama. Soneha eteke ocipama ca pua. Ocimãho (H) ci ku ĩha epuluvi lioku linga upange umue o sukila oku tẽlisa. Vokasapi Oco o Kũlĩhe Ovina Vikuavo (I) mu sangiwa ovina o sukila oku tanga ale oku tala.
Ceci ci kasimo
|
|
|
|
O pondola oku sanga ndati ovinimbu Vembimbiliya liove?
Vembimbiliya mu sangiwa 66 kalivulu atito. Olio lia tepiwa volonepa vivali okuti: Ovisonehua vio Heveru kuenda vio Aramaiku (“Otestamentu Yale”) kuenda Ovisonehua vio Helasi (“Otestamentu Yokaliye”).
Nda ku tukuiwa ocinimbu cimue Cembimbiliya velilongiso lilo, ku lekisiwa onduko yelivulu Liembimbiliya (A), noke ocipama (B), kuenje ocinimbu ale ovinimbu (C).
Ndeci, Yoano 17:3 ci lomboloka elivulu lia Yoano, ocipama 17, ocinimbu 3.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
